Maak 2:2 - ŊWÀʼ NYÙY

² e nèn wìy, e bàʼtí e wùn shùu lav aneénín, la fó tiím yòʼ a dzə. Wù wáa fìʼtì kinyo ke Nyùy aáwune.

Maak 2:2 Referans Kwoze

Maak 2:13

Jesus kfən wìy dù e ghaa kibaŋ keé Galeli, màŋgòŋ wìy, e yèn wun fo, wù wáa yeʼéy áwune.

Maak 1:45

Wìr və̀y nèn dù kfə́, a fèr kinyo kee shooy e wáynjáŋ, kí sàmèr virə́ʼ vidzə̀m. Wíri nèn a wìy, a far Jesus ŋkóŋkóŋ, la wù yòʼ dzə́ə a nəə́ e ntèʼ yìmòʼ é nsaànsaá gheéy. Wù nèn a dzə a dzə̀ é ghaŋ se kwaʼ, wíri wáa wìy virə́ʼ vidzə̀m, a yen wun fo.

2 Timoti 4:2

à kú a fìʼtì a kinyo kfə́, a fìʼtì ghán sidzə̀m, kìn wíri koŋ, e yu, kìn bó á yòʼ koŋ, e yu, a dìn ajay vév, a naàrì mo dzə̀ á yiì. Kú a yeʼéy wíri ghán sidzə̀m ji weè, a yiì, é melív mev mè wáa lùm e Nyùy kinyò.

Ŋwàʼ woó Rom 10:8

Ke kí dzəə̀n kí dzə̀ ke vé‑eè saŋen jii, «Kinyo kìn ki dzə̀ e věn mentsə̀m, kfə̀n a dzə e věn shuù, e kfə̀n a dzə sa e věn meliv.» A dzə̀ kíwun ke vèr fiʼtì lèn ji wíri wáa way shilív e Jesus Kristu wùn.

Lim Aŋgàa Ntum 16:6

Wùn à Por ku nèn a ghan, e lò ji á du, a fìʼtì sa kinyo ke Nyùy e wòŋ Asia, la Kiyoy ke Ranén kí yòʼ biìmé. Áwune nèn a shaà a dzə̀ é mvə̀m wòŋ woo Firigia wùn à woo Galatiàa.

Lim Aŋgàa Ntum 14:25

a fìʼtì kinyo ke Nyùy e mvə̀mlaʼ yee Pega. Á màysì fo fo, e sə̀y é mvə̀mlaʼ yee Ataliya.

Lim Aŋgàa Ntum 11:19

Mo á kù‑uù sí rə́si fó ŋgeʼ e wír Jesuse, e kèʼ fo ghan se vé‑eè yuyrin Tefan, á nèn a nyeŋkír, a taʼrí. Wír ámóʼó dù e wòŋ Fənisia, ámóʼó dù kév é wòŋ woo Saypur, ámóʼó kfən dù sa e mvə̀mlaʼ yee Antiyok. Á du bèy, á kù a fìʼtì kinyo ke Jesus a dzə̀ e wír veé Judàa cáʼcáʼ.

Lim Aŋgàa Ntum 8:25

Áwune màysì, e fìʼtì kinyo ke Jesus, e naàrì mo wù dzəə̀n, e nèn lò, a kfən e Jerusalem. Á lòo kfən, a ghan e ntèʼ seé wòŋ Samaria símóʼ sí sinín, a fìʼtì sáʼka Nyùy wo juŋ fo.

Ŋwàʼ Luk 12:1

Jesus wáa fèr vinyo vìy bèy, wíri nèn màysì, e bàʼtí fo ansə̀kì ansə̀kì, a farnín, ámóʼó wáa koʼrí aámóʼó wuù. Jesus nèn lò, a suŋnín a dzə̀ e wón və́ lìme, a suúy jii, «Vèn wáa baàmè liì wìr veé mbìv *Farasi, dzə̀ abìnbìnteʼnsə́m.

Ŋwàʼ Luk 8:11

Wù nèn sùúy jii, «Nsàv ŋgàn rə̀n dzə̀ jii, ŋgoòy kifa dzə̀ kinyo ke Nyùy.

Ŋwàʼ Luk 8:1

Vishiíy ví lòo tumsín, Jesus wùn à wón və́ lìm vee nshòv sibaà e ghvə̀me nèn lò, a kfən, a ghan e mvə̀m sé laʼ, a ghan e ntèʼ sí. Wù wáa fìʼtì sáʼka Nyùy wo juŋ, a naàrì mo sáʼ Nyùyi dzəə̀n.

Maak 1:37

Á dù, e yèn, e sùúy sho jii, «Wíri sìíy, e wìy anín, a tàʼ wò.»

Maak 1:33

Wír veé ntèʼ fóo fèy adzə̀me bánén é shùu lav fo wù‑uù dzəə̀n.

Maak 1:14

Ghán sí wìy lòo koʼtí, á koó Joon, e wày é sháŋ, a dzə̀ ghán se Jesus‑eè kèʼèn, a ghan e mbìv wòŋ yee Galeli, a fìʼtì sáʼka Nyùy wo juŋ fo.

Matio 5:2

wù nèn kèʼ, a yeʼéy áwune, a suúy jii:

Nsùyrì Nyùy 40:9

M fìʼtì ne sáʼka wò wo juŋ e màŋgòŋ wìr vée mvəm, sáʼka woo ji à luŋèr a wír vé. Éè Nyùy Tàr, à kì ji bó m yòʼ dór fó a fèr.

Ŋwàʼ Luk 5:17

Wìy lòo dzə e kishiíy kímóʼ kí, Jesus wáa yeʼéy wíri, a Nyùy Tàr fó wun vitaáví, a wù fer aŋgàa yàsí. Wír veé mbìv *Farasi wùn à wír ve á yii duŋrì nsər Nyùyi wáa dzə fo, a vé‑eè wìy fó ntèʼ seé Galeli wùn à seé mbìv Juda sidzə̀m, à fó ŋkàlaʼ Jerusalem sho.

Maak 6:34

Wù wìy, e lòo fəə fo kikoŋ, e yèn màŋgòŋ və̀y, kitú ki lùm wun, bìʼ fo áwune‑eè dzəə̀n moo njiì woo là nshìy. Wù nèn kèʼ, a yeʼéy áwune vinyo vinín.

Maak 2:1

Vishiíy ví lòo tumsín, Jesus kfə́n é ntèʼ yee Kapeenahum. Wíri yú ji wù sì á fo laʼ,