Maak 2:16 - ŊWÀʼ NYÙY

¹⁶ Wír ve vé‑eè tíy e mbìv *Farasi ámóʼó wáa dzə fo, a dzə̀ ve á yii duŋrì nsər Nyùy. Á yén, a Jesus yíkir wùn à wír vee shooyi, e dzə̀r e wón və́ lìme jii, wù sà yíkir wùn à kfə́ə wìr vìne bìʼ ka á?

Maak 2:16 Referans Kwoze

Ŋwàʼ Luk 19:10

a ŋgaà wo yírí dzəə̀n *Wanwìr wìy fó tàʼ wír ve vé‑eè làykìn ne, e lùŋèr.»

Ŋwàʼ Luk 18:11

Á nəə́, wìr woó Farasi nèn kòʼtí, e tìím jeéy, a bùnrì jii, ‹Éè Nyùy, m beerì wò ji bó m yòʼ dzə̀ moo wír ámóʼó, bo taaka moo ŋgaà wo wù báʼti mbàm se bàràʼ və̀sə. Bó m yòʼ yii táŋ kifá ke wìr, bó m yòʼ yii kuvrì kiŋkùvrì, a bó m yòʼ yii li wiiy wìr.

1 Korin 2:15

Yii bèy, a wìr wo Kiyoy ke Nyùy ki dzəə̀n e wùn shiliv nèn kiiy móo sayrí vinyo vidzə̀m, a bó yòʼ dzə̀ wìr sàyrí kfə́,

Lim Aŋgàa Ntum 23:9

Fóo nèn kfə̀n màysì, e bvəə̀rí bvəərín. Aŋgàa yeʼéy veé mbìv Farasi ámóʼó túm é yuv, a shaʼnín kitávín jii, «Vèr yoʼ yèn kinyo ke wìr və̀n jayin gheéy. Ghanmóʼ rú, bo nshìylav Nyùy kìn kiyoy kímóʼ kí‑iì lo sùŋnín sho.»

Ŋwàʼ Luk 19:7

Wíri yén mo Jesus du wùn Sakiyor, e nèn kèʼ, a ghvə̀vrì jii, wìr və̀n sí du, e shiíy a wùn wìr wo bi.

Aysaya 65:5

Áwune yii bèy, lo, á kfə̀n a nyàysì wír ámóʼó, a suuy jii, ‹Á yen fóo kùm mo, e lor mo. Lá à yòʼ kùm mo, à yoʼ ràn, m dzə̀ kém là shilóm.› Vinyo ve á yii vi tínsin mo, kù moo kindzə́ʼ ke kí ndzə́ʼ, nəə e wìr yuy. Áwune dzə̀ ji və́y wo wú baári ghán sidzə̀m, dzəmèr kindzə́ʼ.

Hibru 12:3

Vèn kuúmé mo wun woo Jesus‑eè dzəə̀n là jay, e kù yòʼ biìmé, vé jayi wáa nyàvrì e wun. Vèn lóo kuumé wun, é la melív men mè yòʼ dzə́ə a weèy, é vèn wáa dor fo Nyùy kinyò.

Maak 2:7

«Wìr və̀n súŋnin e le ben? Wù táŋ kilíŋ ke dzəə̀n ké Nyùy. A dzə̀ làysìn la vinyo ve wìr ve bi ví, e shaà Nyùy?»

Matio 18:17

Wù du, e tèn fó yu kinyo ke áwune suuyì, wù lì kinyo kee shooy lèn, e dù, e neèr e kintatì kí si. Wù kfə́n du, kinènè, á màʼtì dzə́ə rə, a leʼ wun léʼén moo wir kitum, kìn wír wo wù sov mbàm se *bàràʼ.

Matio 9:11

Wír veé mbìv *Farasi ámóʼó yén bey, e dzə̀r e wón lìm Jesuse jii, tàr wov sà yíkir wùn à kfə́ə wìr vee béne bìʼ ka á?

Matio 5:46

A vèn lò, a kòŋ a dzə̀ wír ve á koŋ ven, vèn wàa leéy ji Nyùy wíy laamé ven fó gha? A fə̀m dzə̀ wír ve á sov mbàm se *bàràʼ, a wìr dzə̀m ban áwune, bo á kù yii sa bèy.

Maak 2:15

Wáa dzə e kishiíy kímóʼ kí, Jesus wùn à wón və́ lìme dù, a yikír e Levi lav. Wír ámóʼó wáa yikír wùn áwune anín, a dzə̀ ve vé‑eè koó mbàm se *bàràʼ wùn à wír ámóʼó ve wír veé Judàa yii nyaysì nyàysìn sá ji ve bií, bìʼ fo wír vee shooyi‑iì rə́si ghán e Jesus bàm anín.

Ŋwàʼ Luk 5:30

Wír veé mbìv Farasi wùn a wír ve á yii duŋrì nsər Nyùy ámóʼó yén, e nèn a ghvə̀vrì, a dzər e wón lìm Jesuse jii, «Bìʼ ka mo vèn yíkir vèn à wír ve á báʼti mbàm se bàràʼ, à wír ve bi ámóʼó?»