Maak 2:1 - ŊWÀʼ NYÙY

¹ Vishiíy ví lòo tumsín, Jesus kfə́n é ntèʼ yee Kapeenahum. Wíri yú ji wù sì á fo laʼ,

Maak 2:1 Referans Kwoze

Joon 4:47

Wù yú ji Jesus lò ne fo wír veé Judàá mbìv wòŋ, e wìy e Galeli, e nèn dù, e yèn wun, a lon ji wù ku wìy, e fèr a wán və, wù waà sí kpú.

Maak 7:24

Jesus màʼtì kirə́ʼ kee shooy, a dù e mbìv mvə̀m sé laʼ see Taya wùn Sidon. Wù dù, e nə̀ə́ e lav yìmòʼ, e làa yòʼ a tàʼ ji wíri kiíy á ji wun dzə̀ fó, wíri ku kìíy.

Ŋwàʼ Luk 5:18

Wír ámóʼó nèn tòór wír, a shwín sí ndzə́m ne, a wìy ji á nəə sho e lav, e neèr e Jesus si,

Maak 1:45

Wìr və̀y nèn dù kfə́, a fèr kinyo kee shooy e wáynjáŋ, kí sàmèr virə́ʼ vidzə̀m. Wíri nèn a wìy, a far Jesus ŋkóŋkóŋ, la wù yòʼ dzə́ə a nəə́ e ntèʼ yìmòʼ é nsaànsaá gheéy. Wù nèn a dzə a dzə̀ é ghaŋ se kwaʼ, wíri wáa wìy virə́ʼ vidzə̀m, a yen wun fo.

Matio 9:1

Jesus nəə́ é kikoŋ, a tumsín kibáŋ, a kfən e mvə̀mlaʼ yee Kapeenahum fo wù‑uù bee.

Lim Aŋgàa Ntum 2:6

Á yú mo kifá kìy ki yor bèy, á nèn wìy, e bàʼtí e wír Jesus vìyí ghaŋ nyanyày. Á yú, aá fiʼtì kinyo, a wìr mòʼón mòʼón yú aáwuné làm sé vitum jeéy jeéy, kí tárír áwune.

Matio 4:13

Yii bèy, e làa yòʼ a dzə aáwuné ntèʼ yee Naasarer. Wù dù, a dzə e Kapeenahum, e ghaa kibaŋ keé Galeli. A ntèʼ yee shooy dzə̀ é ghaa njàvìn rám Sebulun wùn à rám Navtali.

Maak 2:2

e nèn wìy, e bàʼtí e wùn shùu lav aneénín, la fó tiím yòʼ a dzə. Wù wáa fìʼtì kinyo ke Nyùy aáwune.

Maak 3:20

Jesus dù fo laʼ, wíri kfən bàʼtí fo aneénín, la wùn à wón və́ lìme yòʼ a ker ghán se dzə̀ á yìkír gheéy.

Maak 7:17

Jesus yiì lò, e màʼtì wíri, e nə̀ə́ e lav, wón və́ lìme nèn a dzətí nsàv ŋgàn ye wù kì màʼàn rə̀y sho.

Maak 9:28

Wùn à wón və́ lìme yiì kfə̀n fó laʼ, á wáa dzər sho bámbám jii, «Kì yiì ka, bo vèr mum ntéŋ fó jùm nyùy woo shooy?»

Ŋwàʼ Luk 4:23

Jesus lò, e sùúy aáwune jii, «Kù bèr ne shishàr, é vèn té ŋgàn e mǒ wùn jii, ŋgaà shìv, fer ri kitú ké ki. Virom ve vèr‑iì yú ji à kì shóʼ e Kapeenahum vìy, yiì ri sa lèn e věn ntèʼ fen.»