Maak 16:1 - ŊWÀʼ NYÙY

¹ Kishiíy kév ké bam kee shooy ki bvəə́shí, e mày e ŋkuùr, Maria Magdalen wùn à Salome, à Maria woo yìy à Jeem nèn dù, e yùn biʼ ye rəʼtìné ji á bvəə́shi, e dù, e yoʼ a dzə́n Jesus sho.

Maak 16:1 Referans Kwoze

Ŋwàʼ Luk 23:56

Áwune yiì kfə̀n fó laʼ, e bàʼtí biʼ ye rəʼtìné wùn à meŋgvə́r memoʼ mè, a dzə̀ vifá ve á yóʼ dzə́n wìr sho. Kishiíy kév ké bam ki gheén, áwune meèmè mo nsər yev dzəə̀n.

Maak 15:40

Vikìy ámóʼó wáa tiy sa fo kwaʼda, a leéy. Aámóʼó dzə̀ Maria Magdalen, wùn à Salome, à Maria woo yìy à Joser wùn Jeem wo á yoŋ ji wo terí.

Joon 19:31

Mo yì‑iì siìn kishiíy ke vé‑eè sí báʼti fó bvəəshí, e rəsí kishiíy ké bam, a bó kí yoʼ ghèén ji dzə́n wìri goʼ é kintam e kishiíy ké bam, bo taaka mo kishiíy ké bam ke vé‑eè báʼti kìn ki‑iì dzəə̀n ke kuʼùn kí, vé wòŋe nèn dù, e yèn Payler, e lòn ji wù ku sùúy, aá bvə́ʼtí á shwín sé wìr vìy, aá fíʼ kpùkír cér, aá shaʼar dzə́n sí.

Joon 19:25

Jesus wáa ker e kintam bèy, a yè wov wùn fə̀r yè wov woo wiíy tíy fo ghaŋ, à vikìy ámóʼó sá abaà. Wùmòʼ‑oò dzə̀ Maria woo wiíy Kiliopar, wùmòʼ Maria wo yír rə́ yímóʼó dzəə̀n ji Magdalen.

Maak 16:8

Vikìy víyi nèn meè fó sày foo fèy, a wún wóví kù beéme beèmén, aá yaʼà, e làa yòʼ dzə́ə dù, e tiisí kinyo e wìr gheéy, bìʼ fo vé‑eè fan kinyo ke kí‑iì kooyin. [

Maak 15:47

Wù wáa way bèy, a Maria Magdalen wùn Maria woo yìy à Joser yén fo wù wáyí.

Maak 14:8

Wiíy və̀n yiì ne kinyo ke dzə̀ wù yiì. Wù nàŋsín ne wún wóm lèn, e yòʼ, é bo ghán sé dzəə̀mè si wìy a gheén.

Maak 14:3

Wáa dzə e ghan see shooy, a Jesus dzə̀ é ntèʼ yee Betani. Wù dù kiŋgàn e wìr wùmǒʼ lav, aá yoŋ ji Simon woo ŋgaà shìvnsay. Á lòo yikír, wiíy wùmòʼ nəə́, a wù kér kiyóʼóy ké bìʼ ye juujùŋ yímóʼó, aá fér e *nard, a yí lùm e kav e ŋàŋ. Wù dù fo Jesus wùn, e kòy kiyóʼóy, e bòr biʼ rə̀y e Jesus kitu.

2 Wòŋ 16:14

Vé‑eè lìtì wun e wun fəm wo wù‑uù bùʼùn a dzə̀ kilán, e Ŋkàlaʼ Davir. Vé‑eè neèr wun e vintàràŋ, a virə̀ʼtìn ve vifa vee jeéy jeéy ví‑iì dzə̀ shó, virə̀ʼtìn ve vifa vìn, a ku fèr wír ve á yii ferì. Vé‑eè tòn və́y e ghaágháʼán, e ghvə̀m wun sho.

Ŋwàʼ Luk 23:54

Wù wáa way, a kishiíy kév ké bam ki kì sí yìi kèʼ e ŋkuùr foo fèy.

Maak 15:42

Yiì lòo dzə e ŋkuùr, wìr wùmòʼ wìy, aá yoŋ ji Joosev, a dzə̀ wír woó ntèʼ yee Arimatia. Wù‑uù dzə̀ wír wùmòʼ fo vé wòŋé mvəm, a wíri ghvə́m wun feyì, kfə́n a dzə wír, a wù‑uù shiy ghán se Nyùy wíy a saʼ vifon və́ é ndzə fèn. Mo yì‑iì dzəə̀n kishiíy ke vé‑eè sí báʼti *kishiíy kév ké bam, a kí‑iì yíi kèʼ, a shùy nəə́ ne, Joosev nèn kùr shilív, e dù, e yèn Payler, a lon dzə́n Jesus ji wun du, e dzəə̀mè.

Kèʼlo 50:2

Wù nèn lò, e sùúy e vé shìv ve vé‑eè lim fo wune ji á wàá yóʼ á dzə́n tàr wov Isray. Á nèn yòʼ.

Maak 16:2

Wáa dzə kijàvndzə kijàvndzə, a dzə̀ kishiíy ké mbìy ki fó ŋgàm, áwune nèn a dù e shùu sày fèy.

Ŋwàʼ Luk 24:1

Kishiíy ké bam ki shaà, áwune bvəə́shí, e lì biʼ se vé‑eè baʼtin siy, e bvə̀y kijàvndzə kijàvndzə, a sì kishiíy ké mbìy ki fó ŋgàm, a dù e shùu sày fèy.