Maak 15:10 - ŊWÀʼ NYÙY

¹⁰ A wù‑uù dzə́r bèy, bìʼ fo wù‑uù kiìn kijuŋ ji vitú ve atàá cù vi ghèʼ Jesus ghéʼen, e bóo lì, e wìy sho e wùn si, a toy e vinyò.

Maak 15:10 Referans Kwoze

Ŋgàn 27:4

Wìr woo ŋgaà dòʼshwiíy tínsin wíri tinsín là mendzən, yii bèy, a ké ŋgaà kighèʼ ki fòy kfə́ fóyin ji wòʼ.

Titur 3:3

Kú a kuumé ji vèsən‑eè ló a yiì saa kiyúŋ, a tav kitú, a jay vinyo. Vèsən‑eè fiìnè vitú vesən ji á wáa yiì mo á koó, a yi a dzə̀ kitú. Vèsən kù‑uù rə́si dzə́, kér a dzə̀ melív me bi mè, siíme kinsiimè, a vèsən à wíri bannìnè.

Matio 27:18

A wù‑uù dzə́r bèy, bìʼ fo wù‑uù kiìn jii, vé wòŋe kòʼór Jesus e kibàʼ e wùn si bèn, aá gheʼ a ghèʼèn.

1 Joon 3:12

A bó kí yoʼ ghèén ji vèsən wáa yiì moo Keen. Wù‑uù dzə̀ kfə́ wan Satan woo ŋgaà vinyò ve bi ví, e nèn lò, e yùyrí wan yè wov. A yì‑iì yiì ka, bo wù wáa yuyrí fə́r və? Wù‑uù yúyri, bìʼ fo wù‑uù yii kfə́ a dzə̀ vinyo ve bi ví, a fər və yii ve juŋ vi.

Jeem 4:5

A dzə̀ vèn yèe, e bó a kwàʼtì ji kinyo ke vé‑eè saŋen é Ŋwàʼ Nyùy ki dzə̀ kisáŋ? Vé‑eè sàŋ jii, «Shilív she Nyùy foon e vèsən shí lo, shí kù a dìy, a ker shií fó vinyò vímóʼ ví vinín.»

Lim Aŋgàa Ntum 13:45

Wír veé Juda ámóʼó yén mo màŋgòŋ baʼtin bey, e nèn a ghèʼ Por wùn Banabar, a kìnèn kinyo ke Por fiʼtì, a kuùrì wun.

Ŋgaà Tàrvìnyò 4:4

M kfən yèn ji wíri lo, á gìsín é lìm, lo, á wày vifií ji á kiíy á kiwó ke lìm ke juŋ ki. Aá kù yii bèy, a dzə̀ bìʼ fo wìr lo, wù wàa tàʼ mbǒv ŋgaà shweèsí və ntéŋ, a lìm ji wun ku shaà wun. Kin ki kù dzə̀ sá kinyo kisáŋ, a dzə̀ moo ji wìr jum shwér ji wun koó.

Kèʼlo 37:11

Afə́r Joosevi‑iì yú a dzə̀ nyár rə́, yii bèy, tàr wov ku yòʼ lèm kfə́ kinyo kìn e vifii, a lò, a kuumé.

Maak 15:9

Payler dzə́r jii, «Vèn koŋ ji m fəə́r a dzə̀ Fon wìr veé Juda və̀n à?»

Maak 15:11

Yii bèy, vitú ve atàá cùu kú a bayír màŋgòŋ və̀y ji á wáa lon a ji wù fəə́r a dzə̀ Barabar, e fò aáwune.