Maak 14:5 - ŊWÀʼ NYÙY

⁵ A dzə̀ réŋ, bo á kì fiìnè fíinen, e kòóy mbàm nyanyày, e shaà *danari ghii taár, a sə a vé ŋgeʼe shó. Á nèn lò, a saʼ wiíy və̀y sáʼán.

Maak 14:5 Referans Kwoze

Joon 13:29

Mo kù‑uù kér Judar kibam kév ké lèm, ámóʼó nèn a kwàʼtì jii, Jesus suuy bèy a dzə̀ á ji Judar du, e yùn vifá ve wùn áwune yíi yi kiŋkàʼ shó, kìn wù suuy a ji wù koóy kifá, e fò e vé ŋgeʼe.

Ŋwàʼ Jud 1:16

Enok wáa suúy bèy, a kù dzə̀ mo wír vìne rə́si ghvəvrì Nyùy, e làa yòʼ a yen kinyo, é kí wáa gheén áwune gheéy. Á kù yii vinyo a dzə̀ ve mensə́ mev mè taʼà, ghaŋtì shuu, sévti vinyo sévtín, leerì wíri ji á fíʼ a koóy kifá.

Filipi 2:14

Vèn lóo yiì vinyo ve vèn yii vidzə̀m, lá vèn yòʼ a ghvə̀vrì, a bìʼ mbìʼ,

Efesor 4:28

A dzə̀ wír, a wù‑uù sí shóŋ vishóŋ, wù kù màʼtì, a lìm lim e wó rəə́, a koóy kifá e dzəə yee réŋ, a sə sa wír ve á búŋ sho.

1 Korin 10:10

Lá vèsən yòʼ a sày Nyùy mo wír vìn ámóʼó‑oò yii, wù tsə́nsí nshìylav rə, yì laàr áwune.

Joon 6:43

Jesus kiíy, e sùúy aáwune jii, «Vèn bér fó a ghvə̀vrì, a kfə̀ynìn.

Joon 6:7

Filiv bìnèr sho jii, «Aá fə̀m yùn vifá ve yi e shùu danari ghii baà, la wír vìne yòʼ yì, e yù.»

Ŋwàʼ Luk 15:2

Wír veé mbìv *Farasi wùn à wír ve á yii duŋrì nsər Nyùyi nèn lò, a ghvə̀vrì Jesus jii, «Wìr və̀n ghánen wùn à wír ve bií, kfə̀n maysì, yíkir wùn áwune.»

Matio 20:11

Áwune ghár mbàm, e nèn kèʼ, a ghvə̀vrì ŋgaà sùm woo shooy,

Matio 18:28

«Wìr və̀y fəə́, e lòo dù, e tò e wìr wùmǒʼ wùn, a dzə̀ wo wùn áwune‑eè lim fo fòn, a wù‑uù foòr wír woo shooy mbàm wií. Mo wù yenen, e nèn ghàr fó asìʼ, a kam ji wù kù kér fó làʼ a kaá rə́.

Nsùyrì Nyùy 106:25

Áwune wáa ghvə̀vrì fo áwuné tàv se tamén sí, e tèn fóo yunín jí Nyùy Tàr.

Remrí 1:27

Vèn góʼ e věn tàv sí, a ghvə̀vrì, a suúy jii, ‹Nyùy Tàr‑iì ban ver, e bóo fəə́r fo Ejiv, e wìy, e way e wír veé Amor vìné wo ji á laar.

Maak 14:4

Wír ámóʼó nèn a ŋeèy, a sə̀mnìn jii, wiíy və̀n sà jìvír biʼ rə̀n kisáŋ bèn ji ka á?

Maak 14:6

Jesus suúy jii, «Vèn maʼti wiíy woo shoon. Vèn sáʼ wun fo gha? Wù yiì a dzə̀ kinyo ke juŋ ki e mò féyì.

Matio 26:9

Á kì yíi fiìnè biʼ yee shoon mbàm nyanyày, e jàv a mbàm e vé ŋgeʼe.»