Maak 14:4 - ŊWÀʼ NYÙY

⁴ Wír ámóʼó nèn a ŋeèy, a sə̀mnìn jii, wiíy və̀n sà jìvír biʼ rə̀n kisáŋ bèn ji ka á?

Maak 14:4 Referans Kwoze

Ŋgaà Tàrvìnyò 4:4

M kfən yèn ji wíri lo, á gìsín é lìm, lo, á wày vifií ji á kiíy á kiwó ke lìm ke juŋ ki. Aá kù yii bèy, a dzə̀ bìʼ fo wìr lo, wù wàa tàʼ mbǒv ŋgaà shweèsí və ntéŋ, a lìm ji wun ku shaà wun. Kin ki kù dzə̀ sá kinyo kisáŋ, a dzə̀ moo ji wìr jum shwér ji wun koó.

Matio 20:24

Kibér ke wón lìm Jesus vee ghvə̀me yú kinyo kee shooy, e nèn a shwiíy kilòŋ fo Jeem wùn Joon.

Maak 14:3

Wáa dzə e ghan see shooy, a Jesus dzə̀ é ntèʼ yee Betani. Wù dù kiŋgàn e wìr wùmǒʼ lav, aá yoŋ ji Simon woo ŋgaà shìvnsay. Á lòo yikír, wiíy wùmòʼ nəə́, a wù kér kiyóʼóy ké bìʼ ye juujùŋ yímóʼó, aá fér e *nard, a yí lùm e kav e ŋàŋ. Wù dù fo Jesus wùn, e kòy kiyóʼóy, e bòr biʼ rə̀y e Jesus kitu.

Maak 14:5

A dzə̀ réŋ, bo á kì fiìnè fíinen, e kòóy mbàm nyanyày, e shaà *danari ghii taár, a sə a vé ŋgeʼe shó. Á nèn lò, a saʼ wiíy və̀y sáʼán.