Maak 14:3 - ŊWÀʼ NYÙY

³ Wáa dzə e ghan see shooy, a Jesus dzə̀ é ntèʼ yee Betani. Wù dù kiŋgàn e wìr wùmǒʼ lav, aá yoŋ ji Simon woo ŋgaà shìvnsay. Á lòo yikír, wiíy wùmòʼ nəə́, a wù kér kiyóʼóy ké bìʼ ye juujùŋ yímóʼó, aá fér e *nard, a yí lùm e kav e ŋàŋ. Wù dù fo Jesus wùn, e kòy kiyóʼóy, e bòr biʼ rə̀y e Jesus kitu.

Maak 14:3 Referans Kwoze

Joon 11:2

A Maria wo fər və‑əə̀ joy və̀n dzə̀ wo wù‑uù yoʼon wuú Jesus e biʼ yímóʼó, a səŋrí e nə́ŋ sə́ sí.

Yòv Viŋgér 5:5

M ŋáʼáy ji m sí mvəʼ shúu lav, é wù nəə́, kirə̀ʼtìn ke bìʼ ki wáa shemkír fo mǒ wo, meŋgvə́r me rəʼtìn mè wáa jiíy fo mǒ wo, a shem shém e mfìn shuù lav.

Matio 21:17

Jesus suúy bey, e màʼtì áwune, e tòsín, a dù e ntèʼ yee Betani fo wù‑uù yíi shiíy.

Yòv Viŋgér 1:12

Tàr à wíri woo fon wom lóo yeʼtí e wun kàvàʼ e mǒ ghaŋ, biʼ yém yeé kilùme wàa fəə́r kirəm ke rəʼtìn kí.

Maak 14:2

bìʼ fo vé‑eè sí kfəynìn jii, aá màʼtì ji á wíy koo a dzə̀ é kishiíy ké kiŋkàʼ, a wíri sí nyornìn fo anín, aá keʼ á melaà.

Maak 14:4

Wír ámóʼó nèn a ŋeèy, a sə̀mnìn jii, wiíy və̀n sà jìvír biʼ rə̀n kisáŋ bèn ji ka á?

Matio 25:17

Ŋgaà vibàm vibaà koóy sá séʼ vibam vibaà.