Maak 14:2 - ŊWÀʼ NYÙY

² bìʼ fo vé‑eè sí kfəynìn jii, aá màʼtì ji á wíy koo a dzə̀ é kishiíy ké kiŋkàʼ, a wíri sí nyornìn fo anín, aá keʼ á melaà.

Maak 14:2 Referans Kwoze

Joon 12:19

Wír veé mbìv *Farasii nèn a kfə̀ynìn jii, «Kinyo kìn ki shaà ne vitaáví vesən. Vèn yén ri mo woŋe loòn ne e dzə̀m, a gbù a dzə̀ é wùn wó.»

Joon 7:40

Wíri yú kinyo ke Jesus jàŋèn kin, ámóʼó wáa suúy jii, və̀n dzə̀ rú Ŋgaà Ntum Nyùy wo á shiyì.

Ŋwàʼ Luk 20:6

A vèsən bìnèr ji kí‑iì lò a dzə̀ fo wìr, é wíri yúyrí vèsən e tíyí, bìʼ fo á biíme adzə̀m ji Joon‑eè dzə̀ rú á *ŋgaà ntum Nyùy.»

Maak 11:32

A vèsən bìnèr ji kí‑iì lò a dzə̀ fo wìr, é kí shém á?» A vé‑eè fan a dzə̀ wíri, bìʼ fo wír adzə̀me‑eè biíme ji Joon‑eè dzə̀ rú á *ŋgaà ntum Nyùy.

Maak 11:18

Vitú ve atàá cù wùn à wír ve vé‑eè duŋrì nsər Nyùyi yú kinyo kìy, e nèn a tàʼ dzə́ə ye dzə̀ á yùy Jesus sho. A vé‑eè fan fo wù səŋri wíri adzə̀m, bìʼ fo wìr dzə̀m‑eè sí yuúri yéʼéy rə́, kér gháʼ.

Matio 26:5

Á wáa sìysì bèy, a suúy jii, bó yòʼ dzə̀ á mùm kinyo kee shooy e kishiíy ké kiŋkàʼ fo wíri kaáy, e kèʼ a melaà.

Yòvdìy 3:27

Kí bòŋ ji wìr toór kimbùŋ ké kfəmén, e kù a toór a wù dzəə́ kúy kuyín.

Ŋgàn 21:30

A wìr fə̀m fìír e le, a kiíy jeéyjeéy fó vinyò, a tir wíri é le, bo bó yòʼ dzə̀ wù ghàʼ Nyùy Tàr.

Ŋgàn 19:21

Wìr lo, wù bà antaŋ aneénín, yii bèy, a kù yíi a tiy wo Nyùy Tàr.

Matio 26:2

«Vèn kì jii, bèr ne vishiíy vibaà, aá wáa ker *Ŋkǎʼ Yáʼayshaà, a sì ghán se á wíy lì ŋgaà wo yírí dzəə̀n *Wanwìr və̀n, e fo ji á yúyrí é kintam.»

Maak 14:1

Ghán sí nèn wìy ghèén, a vishiíy ví bér ne vibaà, é wír veé Israyi wáa yi ŋkàʼ wo á yoŋ ji *Ŋkǎʼ Yáʼayshaà, a dzə̀ ghán sin se áwune yii yí *kibán kee là nyaà. Vitú ve atàá cù wùn à wír ve vé‑eè duŋrì nsər Nyùyi nèn a shweʼ dzə́ə ye dzə̀ á nyàʼáy, e koò Jesus sho, e yùyrí,

Maak 14:3

Wáa dzə e ghan see shooy, a Jesus dzə̀ é ntèʼ yee Betani. Wù dù kiŋgàn e wìr wùmǒʼ lav, aá yoŋ ji Simon woo ŋgaà shìvnsay. Á lòo yikír, wiíy wùmòʼ nəə́, a wù kér kiyóʼóy ké bìʼ ye juujùŋ yímóʼó, aá fér e *nard, a yí lùm e kav e ŋàŋ. Wù dù fo Jesus wùn, e kòy kiyóʼóy, e bòr biʼ rə̀y e Jesus kitu.

Ŋwàʼ Luk 22:1

Ghán sé *Ŋkǎʼ Yáʼayshaà si nèn wìy lòo gheén, a sì é mvə̀m vishìíy ve wír veé Israyi yii yí *kibán kee là nyaà.