Maak 13:9 - ŊWÀʼ NYÙY

⁹ «Vèn wáa kiíy ji á wíy a nyàvrì e vèn, a koorí, a dù sho e lav se nsaʼ, e kfə̀n a dzə̀v ven é ŋgày se bùnrì, bìʼ fo vèn dzəə̀n wír vém. Á wíy a lì nsaʼ yen fó mbìy, a dù sho fo afone, kfə̀n a dù sho fo vitú ve saʼ ve bàràʼ vi. A vèn wíy a tiím e wír vee shooyí si, a fìʼtì a dzə̀ sáʼka Nyùy wo juŋ, aá wáa yu sa.

Maak 13:9 Referans Kwoze

Joon 16:2

Á wíy siíy, a jùm jùm ven fó vintatì veé ŋgày se bùnrì. Ghán sí sí gheenè, wìr wíy yuyrí wír fo vèn, é wù wáa kwàʼ ji wun yiì a dzə̀ lim ye juŋe fo Nyùy.

Maak 13:5

Jesus nèn a naàrì jii, «Vèn wáa yen fo wìr wìy bòʼtí ven, é vèn jáy dzə́ə.

Ŋgaà Yen 2:13

M kì fo vèn dzə́. Vèn dzə́ a dzə̀ fo ntoʼ Satan dzəə̀n. Yii bèy, a m kì ji vèn kù kì fon won a dzə̀ á mo və̀n, a bó vèn yòʼ‑oò yiì ne mèŋ mo gheéy. Fə̀m‑eè dzə̀ é ghan se vé‑eè yuyrin Antipar e vèn à Satan kirə̀ʼ fóo fèy, bìʼ fo wù‑uù fiʼtì kinyo kém shilív shimòʼón, vèn yòʼ‑oò lo fàn, e lèʼ mo gheéy.

Ŋgaà Yen 2:10

Vèn wáa kiíy ji ŋgeʼ símóʼ sí kù dzəə́ yiì a koóy a ven. Yii bèy, sí lóo koóy, lá vèn yòʼ a fàn. Satan sí yiì a mùm ven, aá wáa koorí wír ámóʼó fo věn mvəm, a way e sháŋ. A vèn wíy yen ŋgeʼ see shooy bèy, e meé kishiíy e ghvə̀m. M nén a tir ven jii, vèn kú a yu a dzə̀ fo mò, a fə̀m dzə̀ kpú, é m wìy nə̀ŋsí ven e dzəʼə̀m yee là mayi.

Ŋgaà Yen 1:9

Mo woo Joon dzə̀ fə́r won wo vèsən tatin é kinyò ke Jesus Kristu. Vèsən nén a yen ŋgeʼ bìʼ wun wír adzə̀m. Yii bèy, á kú a dzə ji nyaáŋ, a yu a dzə̀ fó fo, a kiíy ji vèsən sì á wír və́, aá nə̀ə́ ne e wun mvə̀m vifòn. Mo m kù‑uù sí tíy a dzə̀ e Nyùy kinyò, fiʼtì kinyo ke Jesus Kristu, á nèn koò mo, e shìvìr e shiwòŋ shímóʼ shí é ntìntìn ndzə̀v, aá yoŋ ji Pamor.

2 Tesalonika 1:5

Mo vèn yén ŋgeʼ, kù wáy shilív e Nyùy wùn, kí nén a dìn mo Nyùy yii yii vinyo və́ vidzə̀m réŋ, là kiloʼ. Wù taʼ ji vèn wìy ghèén fó a dzə e wùn mvə̀m saʼ. Dzə̀ kinyo ke kí yiìn, bo vèn wáa yen ŋgeʼ lèn.

Filipi 1:29

Vèn wáa kiíy ji Nyùy yòʼ bùʼ ven ji wír Kristu cáʼcáʼ ji vèn wáy a dzə̀ shilív é wùn wó, e fíʼ lùŋ. Wù bùʼ sa ji vèn wáa yen ŋgeʼ bìʼ kinyo ke wun woo Jesus Kristu,

Lim Aŋgàa Ntum 21:11

Wù wìy, e yèn ver, e lì kifám ké Por, e kùr kóy wun woo Agabur sho wùn à shwín vəə́, e sùúy jii, «Kiyoy ke Ranén kí suuy jii, á mo wír veé Judàa wíy kur ŋgaà kifàm kin bèn e Jerusalem, e way e wír ve bó yòʼ dzəə̀n veé Judàá wo.»

Lim Aŋgàa Ntum 9:16

A m wíy dìn sho mo wù kér fó wìy yen ŋgeʼ bìʼ mo.»

Lim Aŋgàa Ntum 7:54

Vé wòŋe yú kinyo ke Tefan suuyin kin, kí nəə́ aáwuné vighìy, á ŋéytí sóŋ, e kuùmé Tefan sho.

Joon 15:20

Vèn kuúmé kinyo ke mò‑oò suuyin ji bó wàn lìm yòʼ yii kuʼ, shaa tàr wov. Mo vé‑eè sí ban mo, bo kù dzə̀ sá, á wàa bàn ven. A dzə̀ ji vé‑eè yú kinyo kém, bo á wáa yu sa kén.

Ŋwàʼ Luk 9:5

A ntèʼ yìmòʼ tèn fó səəsí ven, vèn wàa lò. Vèn lóo lò, vèn tèr nsay fo bàm, é wáa dzə kisəəm ké kinyò ke wír vee shooyi yiìn.»

Maak 6:11

A ntèʼ yìmòʼ tèn fó səəsí ven, e yu kinyo kén, vèn wàa lò fo fo. Vèn lóo lò, á tèr nsay fo bàm, é wáa dzə kisəəm ké kinyò ke wír vee shooyi yiìn.»

Maak 1:44

«Á yen fó dù, e suúy e wìr. Ku dù duùn tìítiy, e dìn wún wóo e taà cù, e kfə̀n fò kifá ke cù ke Mooser‑iì suuyin ji wìr bónen fo shìvnsay fèn, wù fò. Ku yiì bèy, é wìr dzə̀m fiʼ kìíy ji à bònén ne.»

Matio 5:22

M nén a dùŋrì kém jii, a wìr lò, a shwiíy kilòŋ wùn fər və, bo wù kù dzə̀ sá e mvə̀m nsaʼ foo fèy. A kù dzə̀ réŋréŋ mo wìr wo wù kuùn fə́r və kúun kér sa nsaʼ. Wìr maysi, e yòŋ fə́r və ji kiŋgà ké kifa ke Nyùy, bo wù sí bin a dzə̀ é dzəə̀ və̀y.

Maak 13:8

Kitúm kímóʼ kí wíy lò, a màʼ kímóʼ kí e rə́r sí, é woŋ wúmóʼó ŋáʼáy, a màʼ wúmóʼó sá e rə́r sí. Nsay wíy a sə̀ʼ e virə̌ʼ virə̀ʼ, é virə́ʼ ví wáa kèrkìr, é jìŋ kfən koò. A vinyo vìn vi kù dzə̀ə́ shúu fù réŋréŋ mo wàn yii sov wiíy.

2 Joon 1:8

M nén a tir ven jii, vèn wáa yen fó màʼày a vinyo ve vèn wayin shilív shó, é ví lay kisáŋ. Vèn kú a ghar, e fíʼ wìy a ker vilaámé vidzə̀m ve Nyùy lèmèn e vèn.