Maak 13:8 - ŊWÀʼ NYÙY

⁸ Kitúm kímóʼ kí wíy lò, a màʼ kímóʼ kí e rə́r sí, é woŋ wúmóʼó ŋáʼáy, a màʼ wúmóʼó sá e rə́r sí. Nsay wíy a sə̀ʼ e virə̌ʼ virə̀ʼ, é virə́ʼ ví wáa kèrkìr, é jìŋ kfən koò. A vinyo vìn vi kù dzə̀ə́ shúu fù réŋréŋ mo wàn yii sov wiíy.

Maak 13:8 Referans Kwoze

Matio 24:8

A vinyo ve ví wíy a koóy vìn vi kù dzə̀ə́ shúu fù réŋréŋ mo wàn yii sov wiíy.

Aysaya 37:3

Á dù bèy, e sùúy e wun ji Fòn Hesekiya suuy a jii, «Kishiíy ké lán ki dzə̀ ké ŋgeʼ ki, a kfə̀n dzə̀ ké kinyàm, à ké nshoórmé ki. Vèsən sì moo wán wo wiíy loòn ji wun sí dzəə, vitaáví ví búŋ, wù kpú é bvə̀m.

Nsùyrì Nyùy 48:6

Á wáa fàn, a yàʼ moo wiíy wo wù lúm wán,

Ŋgaà Yen 6:4

Nyàmŋkoʼ ku nèn fəə̀ fó ŋwàʼ fèy, a yì baŋ ji bùŋ, moo mensə́, a wìr dzə́ sa e kitu wo. Á nèn wày nyùy rə̀r é kiwo wo, e fò vitaáví shó ji wù wáa ghan kitú ke nsay kidzə̀m, a bayír wíri, aá wáa màʼ rə́r, a yuyrí vitú vév.

1 Tesalonika 5:3

A kí wíy a dzə jii, wíri wíy lòo suúy ji á bòy ne, a vinyo vi sì nyaáŋ, é ŋgeʼ nèn sàsìn, e gbù mo wiíy yù wán. Yì gbu bèy, é yì nèn sə̀tí áwune, é la á yòʼ dzəə bòy.

Lim Aŋgàa Ntum 11:28

Kiyoy ke Ranén kí nèn yiì, wùmòʼ woo wír nànèn, aá yoŋ ji Agabur, a tiisí jii, «Jìŋ ye ghaʼán wíy koo a woŋ dzə̀m.» Yì nèn wìy sìíy, a koo a dzə̀ é ghan se Kiladiyur‑iì dzəə̀n Fon woó *Rom.

Sekariya 14:13

Wíy lòo dzə e kishiíy fóo fèy, é Nyùy Tàr kfən màʼ kindzə́m aáwuné wùn. Kí wíy yiì, é wìr wáa koo wùmòʼ é vindzə̀ʼ, é wìr wáa koo wùmòʼ é vindzə̀ʼ.

Hagay 2:22

a m yíi sə sáʼ fo vitúm vi. M sí lo, e màyìr vitaáví vé saʼ se vitum, e bàʼtì *viténtén vév vé rər, à wír ve á ghán shoo. M yíi bàʼtì nyám sév sé ŋkoʼ, é vé koʼo gbukir fó kitu wo, é wìr wáa yuyrí wùmòʼ, aá wáa yuyrí sa nyám se ŋkoʼ sév.

Jeremia 50:43

Fòn woó Babilon yú sáʼka woo kùm wír vìn, kóy sə́ sí tiíné. Shilív shí wáa buʼ wun, wù wáa yu nyár moo wiíy wo wù lúmé.

Jeremia 49:24

Vitaáví vé wìr veé Damaskus vi mày ne, fane súm áwune, á bínkír, a leʼ, a yàʼ, shilív shév shí wáa buʼ, á wáa yu nyár moo yé wiíy wo wù lúmé.

Jeremia 25:32

Nyùy Tàr woo Taà Mànjòŋ suuy jii: «Á leey á, e yèn, ŋgeʼ sí ram, wiyì, lo fo kitum kímóʼ kí, túmsin e kímóʼ kí. Kinsəm ke tavín kí kar virə́ʼ, wiyì, kí wiy fo ndzəywoŋ.»

Jeremia 22:23

Éè fòn, wò, wo à yéʼ moo Lebanon, wò, wo à bàʼrìn ntoʼ e vicí vé sidar vi, mendzən mè yíi a dzə sho e ghan se à shwíkirì. À wíy a yu nyár, a dzə̀m moó ghán se wiíy lúmé.»

Jeremia 13:21

Ntom sén sí bìnkìr ne ji aŋgaà vén vibàn. Á lo koʼór áwune, á lóo taa e věn kitu, é vèn yée? Bó nyári yòʼ yíi ghaʼtí ven moo yé wiíy wo wù lúmé à?

Jeremia 6:24

Eéy, vèr yù ne sáʼka və̀n, kóy wórí sheésí. Nyár ye bií nə̀ə́ ne ver, kù moo yeé ghan se wiíy lúmé.

Aysaya 19:2

Nyùy Tàr suuy jii, «M wíy bayír wír veé Ejiv, aá wáa fùnèn áwune áwune. Wìr kfəə wíy a fùnèn wùmòʼ, é wìr wáa fùnèn ŋgaà və shùu lav. Ŋkàlaʼ wíy a fùnèn yìmòʼ, é wír fòn wùmòʼó wáa fùnèn vé wùmòʼ.

Jeremia 4:31

M yú tóŋ moo yé wiíy wo wù lúm wán. M yú dzəm moo yé wiíy wo wù jonsì wán və mfùmèn. Dzə̀ tóŋ ŋgònjuù yee Sion, mo yì yoysìnè. Yì ramsì kiwó, suuy jii, «Lòné shòv ne mo. M gbù ne e vé kinjuyrìí wo, aá sí lo, e yuy mo.»

2 Wòŋ 15:6

Vitúm vi‑iì bvəə́ri bvəə̀rín, a kímóʼ kí maʼ kímóʼ kí e rə́r sí, a ŋkàlaʼ yìmòʼ maʼ yìmòʼ e rə́r sí, a kù‑uù yiì Nyùy ji áwune yén á kfəə́ se ŋgeʼ sidzə̀m.

Aysaya 29:6

Nyùy Tàr woo Taà Mànjòŋ wíy màʼ ŋgeʼ aáwuné kitu e kimbùmmbúm. Wù wíy tsənsí kishèv, é nsay wáa sə̀ʼsì, é kiyor ke tavín kí wáa koʼ. Wù wíy fəə́r shwér wo tavíné, e fəə́r kinsəm, à və́y wo wú koóme virə́ʼ kooméné.

Maak 13:7

Vèn wíy yú léŋ rər, á sí maʼ fèn, maʼ fèsə, lá vèn yòʼ a yaŋyáŋ. Vinyo vìn vi kù kér fó wìy koóy, a bó yòʼ dzə̀ ji ghèén ne ghán se ndzə rə̀n mayì.

Maak 13:9

«Vèn wáa kiíy ji á wíy a nyàvrì e vèn, a koorí, a dù sho e lav se nsaʼ, e kfə̀n a dzə̀v ven é ŋgày se bùnrì, bìʼ fo vèn dzəə̀n wír vém. Á wíy a lì nsaʼ yen fó mbìy, a dù sho fo afone, kfə̀n a dù sho fo vitú ve saʼ ve bàràʼ vi. A vèn wíy a tiím e wír vee shooyí si, a fìʼtì a dzə̀ sáʼka Nyùy wo juŋ, aá wáa yu sa.