Maak 13:7 - ŊWÀʼ NYÙY

⁷ Vèn wíy yú léŋ rər, á sí maʼ fèn, maʼ fèsə, lá vèn yòʼ a yaŋyáŋ. Vinyo vìn vi kù kér fó wìy koóy, a bó yòʼ dzə̀ ji ghèén ne ghán se ndzə rə̀n mayì.

Maak 13:7 Referans Kwoze

Joon 14:27

M sí du, a m wíy yiì, é melív men mè siíy a dzə nyaáŋ. Nyaáŋ və̀n dzə̀ wo fó mo, a bó yòʼ dzə̀ moo wo wù lo a dzə̀ fó ndzə fèn. Kí nén a dzə jii, lá vèn yòʼ sìíy, a rə̀m a ntéŋ, é melív men mè wáa buʼ.

Lim Aŋgàa Ntum 17:3

Wù‑uù din fo fo ji *Mfə̀ə́r wo vé‑eè shiyì kù‑uù waà wíy yen a ŋgeʼ, e kfə̀n fəə fo kpu, a suúy jii, Jesus wo wun fiʼtì aáwune lèn dzə̀ á Mfə̀ə́r woo shooy.

Matio 18:7

Éè mò, mendzən me wìr veé ndzə fèn mè rə́r mo féyì. Vinyo ve ví lévti áwune, aá jáy dzə́ə ví dzə̀ vinín. Kù dzə̀ mo kí yii dzə́. Yii bèy, a ŋgeʼ dzə̀ ye wìr wo wù lévti wír, wù jày dzə́ə.

Jeremia 51:46

Lá melív men mè yòʼ seèm, é vèn wáa fàn, bìʼ vinyo ve vèn yíi a yu, a ví kooy e wòŋ. Á yíi a yu rə́mrə́m kinyò e kiya fèn, lóo dzə e kísə ki, aá yú ke sən kí. Á yíi a yu rə́mrə́m vinyò e nsay, a yu, a fòn wùmòʼ sə́ kóy wùn wùmòʼ.

Aysaya 8:12

«Vèn aàŋgàa ŋgoo véné wáa yen. Wíri lóo yòŋ ji menàŋ menàŋ, lá vèn yòʼ kù nèn biìmé biimén. Áwune lóo fàn kifá, lá vèn yòʼ a fàn, a yiì, é kí wáa bemér ven.

Ŋgàn 3:25

Aá sàsìn, a bemér wò, bo à yòʼ yíi a fàn. Wír ve á méŋ Nyùyi wáa ghiʼ wò e ŋgeʼ si, bo à yòʼ yíi a yàʼ.

Nsùyrì Nyùy 112:7

Wù yòʼ yii fan fóo yu sáʼka wo bi. Shilív sə́ shí tíy kitávín, a wù yéʼti a dzə̀ e Nyùy Tǎr wùn.

Nsùyrì Nyùy 27:3

A mànjòŋ rə̀r fə̀m gìŋ mo, e tàr, la m yòʼ a fàn kifá. A rə́r sí fə̀m kiʼ mo, bo m kù yíi a tiír vifií a dzə̀ e Nyùy wùn.

2 Samuel 14:14

Wìr dzə̀m waà wíy kpu. Vèr áwune kù dzə̀ á moo mendzə́v me a mè səə̀rìn, la á yòʼ dzəə koò kifá. Yii bèy, bó Nyùy yòʼ kù dzə̀ ji wun wáa yiì, é wìr wáa kpu. Wù yii lo, wù dìn dzə́ə ye dzə̀ wìr woó kwaʼ nsàm shaà shó, e wìy, e yèn wun.

Joon 14:1

Jesus kfə́n a suúy e wón və́ lìme jii, «Lá vèn yòʼ a rə̀m, é melív men mè wáa buʼ. Vèn kú a way shilív a dzə̀ e Nyùy wùn, e kfə̀n a way sa e mǒ wùn.

Matio 2:3

Á lòo dzətí, kí tó e Fòn Heror kitùʼùr, vifíi və́ ví bír, vé wìr veé Jerusalem vi bvəə́rí sá adzə̀m.

Maak 13:6

Wíri wíy a fəə anín, a teʼ mo é si, a suúy ji áwune dzə̀ *Mfə̀ə́r woo shó, e boʼtí wír anín, aá jáy dzə́ə.

Maak 13:8

Kitúm kímóʼ kí wíy lò, a màʼ kímóʼ kí e rə́r sí, é woŋ wúmóʼó ŋáʼáy, a màʼ wúmóʼó sá e rə́r sí. Nsay wíy a sə̀ʼ e virə̌ʼ virə̀ʼ, é virə́ʼ ví wáa kèrkìr, é jìŋ kfən koò. A vinyo vìn vi kù dzə̀ə́ shúu fù réŋréŋ mo wàn yii sov wiíy.