Maak 13:6 - ŊWÀʼ NYÙY

⁶ Wíri wíy a fəə anín, a teʼ mo é si, a suúy ji áwune dzə̀ *Mfə̀ə́r woo shó, e boʼtí wír anín, aá jáy dzə́ə.

Maak 13:6 Referans Kwoze

Maak 13:22

Vèn wáa kiíy jii, wíri wíy fəə anín, a boʼtí ji áwune dzə̀ Mfə̀ə́r, kìn ji *ŋgaà ntum Nyùy wùmòʼ, a yiì vinyo ji ví fíʼ a dìn vitaáví vé Nyùy, e kfə̀n a yiì viŋgaʼnìn ve vinyò vímóʼ ví ji á fíʼ boʼtí wíri, bo taaka ve Nyùy‑iì shoʼtin ne ji və́, aá jáy dzə́ə.

1 Joon 4:1

Ŋkàr sem, wíri wìy ne anín, a ghan virə́ʼ vidzə̀m, a boʼtí ji áwune fiʼtì kinyo a dzə̀ á ke tiísi Kiyoy ke Nyùy. Á lóo suúy bèy, lá vèn yòʼ kù nèn a biimé biimén. Vèn tòmbìy tàr vinyo vee shooy vi vidzə̀m, e bóo kiíy ji ví sà lò rú a dzə̀ fo Nyùy a?

Joon 8:24

Mo m kì suuyin ne e vèn ji vèn wíy kpukír vèn à njò yen, a vèn dzə̀ là fó biimé jii, ‹Dzə̀ mo wo dzəə̀n mo›, bo vèn kù wíy kpu vèn à njò yen.»

Joon 5:43

M wìy ne lèn, a suúy ji tùm Tàr wor mo, la vèn yòʼ a yuurí kinyo kém gheéy. Vèn lóo yìi yen, a wìr wùmòʼ wíy, a suúy kinyo ji suuy wun, é vèn nèn a yuurí.

Matio 24:11

Wír ámóʼó wíy fəə anín, a boʼtí wíri ji áwune dzə̀ *aŋgàa ntum Nyùy, e yiì, é wíri jáy dzə́ə anín.

Matio 24:5

Wíri wíy wìy anín, e lì mo, e teʼ e si, a suúy jii, áwune dzə̀ *Mfə̀ə́r woo shó, e boʼtí wír anín, aá jáy dzə́ə.

Jeremia 14:14

Nyùy Tàr nèn bìnèr e mò jii, «Aŋgàa ntume tèʼ ne mo é si, a boʼtí a dzə̀ kimboʼtì. Bó m yòʼ‑oò lo tùm áwune, a m yòʼ‑oò lo yòŋ ji á yii kinyo, fə̀m ji m yoŋ jí yìmòʼ aáwune. Áwune tiísi vinjeenjèm ve á yéné, a dzə̀ kimboʼtì, a vinyo ve á shwéŋ vi dzə̀ kisáŋ. Dzə̀ vinyo, a ví lò a dzə̀ fo áwuné kwàʼtì.

Maak 13:5

Jesus nèn a naàrì jii, «Vèn wáa yen fo wìr wìy bòʼtí ven, é vèn jáy dzə́ə.

Maak 13:7

Vèn wíy yú léŋ rər, á sí maʼ fèn, maʼ fèsə, lá vèn yòʼ a yaŋyáŋ. Vinyo vìn vi kù kér fó wìy koóy, a bó yòʼ dzə̀ ji ghèén ne ghán se ndzə rə̀n mayì.

Joon 8:28

Jesus nèn kfə̀n sùúy aáwune jii, «Vèn wíy koʼór ŋgaà wo yírí dzəə̀n *Wanwìr və̀n e kici, é vèn nèn kìíy jii, ‹Dzə̀ mo wo dzəə̀n mo›, e kfə̀n kiíy ji bó m yòʼ yii vinyo a dzə̀ á fo mǒ vitaaví. M suuy vinyo a dzə̀ ve Tàr wor‑iì dìnèn e mò.