Maak 13:11 - ŊWÀʼ NYÙY

¹¹ «Kí nén a dzə jii, á wíy koó ven, lóo dù sho e lav nsaʼ, lá wìr yòʼ a rə̀m ji wun sà yíi dù, e bìnèr ji ka á? Vèn wíy du, vèn wàa suúy a dzə̀ kinyo ke kí wìyìn e věn shuù e ghan see shó, bìʼ fo bó yòʼ wíy a bìnèr ven fo věn vifii, wíy a fo Kiyoy ke Ranén kí jí ye dzə̀ vèn bìnèr.

Maak 13:11 Referans Kwoze

Lim Aŋgàa Ntum 6:10

Wùn à Tefan wáa bìʼ bèy, a bó yòʼ‑oò dzə̀ áwune bìnèr kinyo kfə́ gheéy, bìʼ fo Kiyoy ke Ranén kí‑iì fó wun vifií é ŋàŋ.

1 Pita 1:12

Nyùy nèn yiì, áwune kiíy ji vinyo ve áwune rə́si tiísi vìn vi yòʼ waà wíy koóy aáwuné ghan. Ví wìy sìíy, a koóy a dzə̀ e věn kiwo. Nén a dzə víwun ve vèn sí yú lèn fo wír ve á fiʼtì sáʼka Nyùy wo juŋ e vèn, aá fiʼtì a dzə̀ mo Kiyoy ke Nyùy‑iì tumen fó yuv kí bánri áwune, réŋréŋ mo wù‑uù bánri vee fó mbìy. A vèn nə̀ə́ ne lèn e vinyò a dzə̀ ve nshèelav se Nyùy si diy feyì ji á kiíy á mo ví dzəə̀n.

1 Korin 2:13

Vèsən nén a yu a dzə̀ fo Kiyoy ke Nyùy ki, e bó a kiíy mó a fèr vinyo vìn e wíri. A bó vèsən yòʼ fer a dzə̀ e vifií ve dzəə̀n vé wìr vi. A dzə̀ vèsən wàa naàrì vinyo ve ví lo fo Kiyòy ke Nyùy vìn a dzə̀ e wír ve Kiyoy kee shooy ki siìn aáwuné meliví.

Jeem 1:5

Wìr méŋ mo dzə̀ wù yiì, wù kù a lon a dzə̀ fo Nyùy, é wù naari mo dzə̀ wù ghàn. A dzə̀ mo wù kù yii kér shilív sə́ tèéter, naarì wir dzə̀m, e làa yòʼ a saʼ wír wo wù dzə́r dzə́ə.

Efesor 3:5

Yì‑iì dzə̀ fó mbìy, a bó Nyùy yòʼ‑oò lo dìn kinyo ke wù‑uù sìysìn kin ji wíri kiíy. A wù tùm ne Kiyoy kfə́ lèn, kí dín a dzə̀ áàŋgàa ntum Kristu ve wù shavin jeéy, á wáa yu kinyo fo wun woo Nyùy shùu.

Lim Aŋgàa Ntum 4:31

Áwune lòo màysì bunrì, nsay sə̀ʼ fo áwune kì dzəə̀n. Kiyoy ke Ranén kí rún aáwuné meliv, e yiì, á wáa fìʼtì kinyo ke Nyùy là fan.

Lim Aŋgàa Ntum 2:4

Kiyoy ke Ranén kí ku nèn wìy, e rùn aáwuné meliv, e yiì, áwune kèʼ, a suŋnín lám sé vitum jeéy jeéy.

Aysaya 50:4

Kù yèʼéy Nyùy Tàr woo Taà Ndzə mo, é bo m wáa fèr kinyo kiránén. Wù yiì bèy, ji m lóo suúy kinyo ke m suuyì, é kí wáa tavír wír ve kibeʼèy kí yúy áwune. Nyùy Tàr yim mo kijàvndzə kidzə̀m, yii, a m yár jiŋ kinyò ke wù suuyì, kù moo wánlè wo wù fó vituʼùr e ŋgaà yèʼéy və.

2 Samuel 23:2

Kiyoy ke Nyùy Tàr kí súŋnin, shaa fo mò, jí sə́ sí dzə̀ e mǒ shuù.

Lim Aŋgàa Ntum 3:13

Yiì Nyùy ji wun kóʼór yír Jesus woo Ŋgaà və Lìm, wun woo Nyùy wo dzəə̀n wo atǎr ram yesən. Dzə̀ Nyùy Abraham, à wo Aysi, à wo Jakov. Jesus woo shooy dzə̀ wo vèn‑eè gòvtìn, e lì, e fò e vé saʼa, Payler lòo màʼtì, vèn sháʼnín.

Joon 3:27

Joon bìnèr jii, «Kù fó Nyùy lim wìr ye wù wáa lìm.

Maak 13:9

«Vèn wáa kiíy ji á wíy a nyàvrì e vèn, a koorí, a dù sho e lav se nsaʼ, e kfə̀n a dzə̀v ven é ŋgày se bùnrì, bìʼ fo vèn dzəə̀n wír vém. Á wíy a lì nsaʼ yen fó mbìy, a dù sho fo afone, kfə̀n a dù sho fo vitú ve saʼ ve bàràʼ vi. A vèn wíy a tiím e wír vee shooyí si, a fìʼtì a dzə̀ sáʼka Nyùy wo juŋ, aá wáa yu sa.

Matio 10:17

Vèn lóo ghan, á wàa kiíy, bìʼ fo wíri wíy a gòvtì ven, a sə̀ŋ, a dù sho e lav se nsaʼ, e kfə̀n a ghar ven é ŋgày se bùnrì, a ndzən.

Lim Aŋgàa Ntum 7:55

A Tefan kù leey kfə́ a dzə̀ yúv, Kiyoy ke Ranén kí rún e wùn shiliv, wù yén rán ye dzəə̀n yé Nyùy, e kfə̀n yèn Jesus, a wù tíy e Nyùy koy yìyí.

Lim Aŋgàa Ntum 6:15

Wír ve vé‑eè dzəə̀n é lav nsaʼ foo fèy adzə̀me nèn tùy sí e Tefan wùn, e lòo yen, a vishí və́ ví bínkír ne, a kìʼ moo vé nshìylav Nyùy.

Maak 13:12

Wíy lòo dzə e ghan see shooy, é fə̀r wáa kar menàŋ e wùmǒʼ bàm, aá wáa yuyrí, é tàr à wàn wáa kar menàŋ e wǎn bàm, aá wáa yuyrí. A wóné kfə̀n wíy a kar sa menàŋ e vitàr wùn à viyìy ví bàm, aá wáa yuyrí.

Ŋwàʼ Luk 21:12

Vèn wáa kiíy ji bo vinyo vee shooy vi wáa koóy, á wíy a koorí ven, a nyàvrì sho, bìʼ fo vèn dzəə̀n wír vém. Á wíy a saʼ nsaʼ sén é ŋgày se bùnrì, a way ven é sháŋ. Kfə́n wíy lo, aá wáa tiír ven áàfone wùn à vitú ve bàràʼ ví si.