Maak 13:10 - ŊWÀʼ NYÙY

¹⁰ Aá kù kér fó wìy fìʼtì sáʼka Nyùy wo juŋ və̀n vitúm vidzə̀m, é bo ndzə rə̀n wáa mày.

Maak 13:10 Referans Kwoze

Matio 24:14

Aá kér fó wìy a fìʼtì sáʼka wo juŋ woo kùm sáʼ Nyùy və̀n kitú ke nsay kidzə̀m, é vitúm vidzə̀m vi wáa yu, é bo ndzə wìy mày.»

Kolosia 1:23

A dzə̀ mo vèn à Nyùy kù wíy a dzə bèy, a vèn fen ghàr kinyo kfə́, a tiy sho kitávín, a leéy a dzə̀ fó mbìy ji vèn ku wìy nə̀ə́ e vijùŋ ve wù kàʼàn wír və́ shó. A dzə̀ víwun ve vèn‑eè yuun é ghan se vé‑eè wìyìn, a fìʼtì sáʼka Nyùy wo juŋ e vèn réŋréŋ mo á sí fiʼtì lèn virə́ʼ vidzə̀m, a dzə̀ yíwun yee lim ye Nyùy wayin e mo woo Por kiwo.

Ŋgaà Yen 14:6

M nèn kfə̀n yèn nshìylav Nyùy yìmòʼ, a yì féŋ, shaa e yuv, kér sáʼka wo wù kù wíy a dzə e juŋ ghán sidzə̀m, e dù, e jòʼsì, a wù wíy ji wun fiʼti e wír veé kitu ke nsayi adzə̀m. A dzə̀ ji woŋ e dzə̀m wùn à vitúm vi vidzə̀m, kìn ví súŋnin a dzə̀ lám vəné, e kfə̀n fìʼtì e kfə́ə wìr msòŋé e dzə̀m.

Kolosia 1:6

Sáʼka və̀n sí ghán lèn virə́ʼ vidzə̀m, du duùn fó mbìy, yii, a wíri yú vijuŋ anín. A kù dzə̀ mo sáʼka woo shooy yii e věn mvəm, e kèʼ fo kishiíy ké mbìy ki ke vé‑eè wìyìn, e fìʼtì e vèn. Vèn‑eè yù mo Nyùy koŋ ven, shám ven, vèn nèn kìíy ji dzə̀ á kinyo ke ru kí.

Ŋwàʼ woó Rom 10:18

M nén a ghay jii, sà dzə̀ ji wír veé Israyi yòʼ‑oò lo yù rú á? Vé‑eè lo yù féyì réŋréŋ mo vé‑eè saŋen jii: «Jí se vé ntume sí‑iì dùnìn kitú ke nsay kidzə̀m, sáʼka wov ghánén vitóŋtóŋ vé ndzə vidzə̀m.»

Maak 16:15

Wù nèn sùúy aáwune jii, «Vèn du virə́ʼ vidzə̀m, a fìʼtì sáʼka Nyùy wo juŋ e wír veé kitu ke nsayi adzə̀m.

Ŋwàʼ woó Rom 15:19

A wù lo, wù yiì, m wàa yiì viŋgaʼnìn ve vinyò, a ví din vitaáví vé Nyùy, kfə̀n yiì, m wàa fìʼtì kinyo, Kiyoy ke Ranén kí wàa lùmèr melív me wíri, á wàa biimé. A kù dzə̀ mo mò‑oò kèʼèn fó Jerusalem, a ghan, a fìʼtì sáʼka Nyùy woo kùm Kristu feyì, e dù bèn, e dù, e mèé e wòŋ woo Ilirikum, wìr dzə̀m wáa yu.

Ŋwàʼ woó Rom 1:8

A dzə̀ m kù tòmbìy fèr mo m shéʼri feyì, bee Taàtá Jesus Kristu, beerì Nyùy wo wù kér mo, bìʼ fo wíri sí yú virə́ʼ vidzə̀m mo vèn wayin shilív e Jesus Kristu wùn, a tiy vèn áwune.

Matio 12:41

«A wíy lòo dzə e kishiíy ke Nyùy wíy a tinén nsaʼ, é wír veé Ninevèe wáa roòmè wír woo lèn və̀n, a dzə̀ bìʼ fo áwune‑eè yuun kinyo ke Jona fiʼtì, e bìnèr melív mev. Wìr wùmòʼ wáa dzə fèn lèn, a kfə́ kee kinyo ki shaà ké Jona, la á yòʼ a yu gheéy.