Maak 12:6 - ŊWÀʼ NYÙY

⁶ Wìr wo wù‑uù jòʼsìn e wùn kiwo cáʼcáʼ nèn a dzə wán və, a wù‑uù kòŋ é ŋàŋ. Fo bàm, wù gér wán və̀y, e tsə̀nsí, a wù‑uù kí ji á yíi a ghvəm a wán və.

Maak 12:6 Referans Kwoze

Joon 1:34

Mo m yenen, m nén a fìʼtì wír və̀n ji dzə̀ á wùwun wo dzəə̀n Wan Nyùy.»

Matio 3:17

Jì wìr súŋnín fó yuv jii, «Və̀n dzə̀ Wán wom, m koŋ wun feyì, m shéʼri wun e ŋàŋ.»

1 Joon 4:9

Nyùy‑iì lo dìn rú ji wun koŋ a vèsən. Wù‑uù tùm màyshó Wan və é nsay fèn ji wù wiy, e yiì, é vèsən fíʼ a ker dzəʼə̀m yee là may.

Hibru 1:6

Wáa dzə e ghan se wù‑uù sí túm Wán və wo wù tíy mbìy vifa vidzə̀m ji wù wiy é ndzə fèn, wù kfən sùúy sho jii: «Nshèelav se wun woo Nyùy sidzə̀m si kù kér fó a gvəʼtí e si wo.»

Joon 5:23

é wìr dzə̀m fíʼ a ghvəm Wán və réŋréŋ mo á ghvə́m wun woo Tàr. A wìr dzə̀ là fó a ghvəm Wan Nyùy, bo bó ŋgaàŋ yòʼ ghvə́m sa Tàr wov wo wù tumen wun.

Joon 3:35

Nyùy Tàr koŋ Wán və, a wù wày ne vinyo vidzə̀m a dzə̀ e wùn kiwo.

Joon 1:49

Nataniar nèn yòŋ ji «Ŋgaà Yèʼey, à dzə̀ rú Wan Nyùy. À dzə̀ Fon woó Isray.»

Joon 1:18

A bó wìr yòʼ‑oò yiì ne yèn sí Nyùy. Kù jòʼsì màyshó Wàn Nyùy və̀n wo wù dzə́ e Tàr wóv ghaŋ, wo wù dìnèn e wíri mo Nyùy dzəə̀n.

Joon 1:14

Á mo Jínyùy‑iì wìyìn, e lì mbom wìr, a dzə wùn à wíri, a kòŋ áwune féyì, a dìn rú mo Nyùy dzəə̀n, vèr wáa yen vikuʼùy və́. A kù dzə̀ vikuʼùy vé Tàr wov, bìʼ fo kù jòʼsìn wun wo dzəə̀n Wan Nyùy.

Ŋwàʼ Luk 9:35

Jì wìr súŋnín fó mvə̀m mbàʼ foo fèy jii, «Wan wom wo m shoʼon və̀ne. Vèn wáa yuurí a dzə̀ kfə́.»

Ŋwàʼ Luk 3:22

Kiyoy ke Ranén kí sə́ʼə́y fó fo e njà kibìŋ, e tìím e wùn kitu. Jì wìr súŋnín fó yuv jii, «À dzə̀ Wán wom, m koŋ wò feyì, m shéʼri wò e ŋàŋ.»

Maak 9:7

Kù mo wù suuy bèy, mbàʼ yìmòʼ nèn wìy, e tìím aáwuné kitu. Áwune yú, a jì wìr súŋnín fó mvə̀m mbàʼ foo fèy jii, «Və̀n dzə̀ Wán wom, m koŋ wun feyì. Vèn wáa yuurí kinyo a dzə̀ kfə́.»

Maak 1:11

Jì wìr súŋnín fó yuv jii, «À dzə̀ Wán wom, m koŋ wò feyì, m shéʼri wò e ŋàŋ.»

Matio 26:63

Jesus ku nèn a tiy, e làa yòʼ a ghay. Taà cù wo kuʼùn və̀y nèn kfə̀n sùúy sho jii, «Ku lìʼ, e kàn yír Nyùy wo wù gòʼòn kàŋ mòʼón. Dzə̀ wò *Mfə̀ə́r woo Wan Nyùy moo ŋgáŋ á?»

Matio 17:5

Kù mo wù suuy bèy, mbàʼ yìmòʼ nèn wìy, a yì rán ji rèké rèké, e tìím aáwuné kitu. Jì wìr súŋnín fó fo jii, «Və̀n dzə̀ Wán wom, m koŋ wun feyì, wù bòŋ mo é ŋàŋ. Vèn wáa yuurí kinyo a dzə̀ kfə́.»

Matio 11:27

Jesus nèn kfə̀n sùúy jii, «Tàr wor wày ne vinyo vidzə̀m e mǒ kiwo. A bó yòʼ dzə̀ wìr kìíy mo mo woo Wán dzəə̀n, kù jòʼsì wun woo Tàr. A bó yòʼ dzə̀ sá wír, wù kìíy Tàr wor, kù jòʼsì mo woo Wán wùn à wír ve Wàn shoʼtin ji wun din Tàr wov shóo.

Matio 1:23

«Wánlè ŋgòn wùmòʼ wíy tiím bvəm, a bó wù yóʼ ne kìíy lumèn, e dzəə́ wán lumèn, aá wíy a yòŋ ji Emmanuel.» A nsàv yìr rən dzə̀ jii, «Nyùy sì vèsən áwune.»

Aysaya 42:1

Nyùy Tàr suuy jii: «Vèn yén, ŋgaà wom lìm və̀ne, wun wo m tómé. Dzə̀ wun wo m shoʼon, a shilív shém shí tíy a dzə̀ é wùn wó. M fò ne Kiyoy kém, kí wáa shìy wun, a wù wíy dànèr vitúm, aá wáa ker sáʼ yee réŋ.

Nsùyrì Nyùy 2:12

Vèn wáa bùn wun e shiliv she juŋ shi, fo wù lo, e shwìíy kilòŋ, e laàr ven, bìʼ fo dòʼshwíiy və yii ŋáʼay cér. Bòŋ ké wìr ve á lir e Nyùy sar adzə̀m.

Kèʼlo 37:3

A Jakov‑iì kòŋ Joosev, e shaà wón və́ adzə̀m, bìʼ fo wù‑uù dzəən Joosev, a wun woo Jakov dzə́n ne. Wù nèn lò, e tàr ndzə̀y seé kilùm se sí‑iì kér kóy se da si, e fò e Joosev.

Kèʼlo 22:12

Wù suúy shó jii, «Lá à yòʼ màʼ kiwó ké e wǎn kitu. Lá à yòʼ yiì kinyo e wun. M kìíy ne lèn ji à fan a Nyùy, bìʼ fo à yoʼ lò kìm wan wò, màyshó wan wò, fo mò woo Nyùy.»

Kèʼlo 22:2

Nyùy suúy shó jii, «Lì wan wò, màyshó wan wò Aysi, wo à koŋè, e dù sho e nsay Moria, e tòn, e cù mo shó, e gwan wo m yíi dìn e wò.»

Nsùyrì Nyùy 2:7

Fòn suuy kfə́ jii, «M yíi a fìʼtì sáʼ Nyùy Tàr. Wù‑uù sùúy e mò jii, ‹À dzə̀ wán wom, a m sì tàr won lán.

Kèʼlo 44:20

Vèr bìnèr e taàtá wor jii, vèr kér a tàr, a wù dzə̀n a ne, kfə̀n kér a fə́r woo lumèn, wo kitàr kí‑iì dzəən e wun viŋgày vé wìr, a fər və woo lumèn‑eè kpù á ne, bér wun fo wun kiyìy, a tàr wor kòŋ a wun e ŋàŋ.

Maak 12:5

Wù kfən tsə̀nsí wùmòʼ, á yúyrí, e kfə̀n lòvtí sa aámóʼó bey, e dzə̀v ámóʼó dzə́vin, e yùyrí ámóʼó.

Maak 12:7

Wír vee shooyi dù, e sùŋnín jii, ‹Və̀sə dzə̀ njìlaʼ ŋgaà sùm, vèsən yúyrí, e yòv súm.›

3 Joon 1:1

Sàŋ mo wo dzəə̀n taà kintatì ke wìr Nyùy ŋwàʼ və̀n fo wò Gayur. À dzə̀ ŋkar yem féyì. A m koŋ wò, bìʼ fo wòsò tíy e Nyùy kinyò ke ru kí adzə̀m.