A dzə̀ áwune vee wír veé Juda vìn ve vé‑eè yúyri *aŋgàa ntum Nyùy, e kfə̀n yùyrí sa Tàr wòsən Jesus. Ku kfə̀n a dzə sa áwune ve á ron wúu yér lèn. Mo áwune yii bèy, á tínsin a dzə̀ Nyùy, kfə̀n téʼtin wíri,
‹Nyùy Tàr lèm ne wò ji taà cù, e Jehoyiada woo taà cù ntaʼ ji à wáa leéy a lav Nyùy Tàr. Aà yén wír wo wù baá, yoŋ ji wun tiísi ntum Nyùy, à wày kibúʼ e wun shwin, e kfə̀n wày fáŋ kishàa é kilòŋ wó.
Mo kí fə̀m‑eè dzəə̀n bey, áwune ku tàv kitú, e tèn fóo yunín wò, e bìn ndzə̀m e wò nsər, e nèn yùyrí aŋgàa ntum vé, ve vé‑eè kantì áwune ji lá á yòʼ bìn a ndzə̀m e wò. Áwune yiì bèy, e kù a yiì vinyo a dzə̀ ve ví wáa shoór wò shoórín.
Nyùy Tàr‑iì tsə́nsi aŋgàa ntum və́ bey, a wír veé Judàa shéʼ áwune shéʼén, keŋ kèŋèn, nèn ŋwáy jí se wun woo Nyùy. Kù bey, e dù, e meé mo dòʼshwiiy Nyùy Tàr‑iì ŋaʼayin, e kìʼ áwune vee wír və́, a kifá ke dzə̀ kí sə̀r wun ki yòʼ dzə̀.
Mo wù yuun bey, e nèn yòŋ, á dzə́v Jeremia woo *ŋgaà ntum Nyùy, e wày é kibuʼ ke kí‑iì dzəə̀n é shùu kibùʼ wo á yoŋ ji wó Benjamin, a wú dzə̀ é kirəv ké lav cù kee kuy.
M màʼ ne ŋgeʼ e vèn à wón véné kitu, la vèn yoʼ yèʼéy kinyo fo fo, yì láy kisáŋ. Vèn ló fó fo, e yùyrí aŋgàa ntum vém yuyrín, kù moo bvərə̀ʼ wo wù nyárninè.»
Vèn du, vèn sùúy ji m yoŋ a jii, ‹Áwune wáy á jwè woo shoon e sháŋ, a fo kibán, é wù wáa lumrí lumrín, a no a dzə̀ mendzə́v é kitu wo, e dù meé mo mo‑óò kfə́n é bàm là kinyo.› »
Elija bìnèr jii, «Nyùy Tàr, Nyùy woo Taà Mànjòŋ, mò‑oò rə́si ghán ntum a dzə̀ ye. Yii bèy, wír veé Israyi gbù ne mensaŋ mè, e kètì kíy sé se cù, e yùyrí aŋgàa ntum vé. Bèr ne mo vèr mòʼón, aá kfə̀n sí taʼ sa ji á yúyrí á mo.»
Wù bìnèr jii, «Nyùy Tàr, Nyùy woo Taà Mànjòŋ, mò‑oò rə́si ghán ntum a dzə̀ ye. Yii bèy, wír veé Israyi gbù ne *mensaŋ mè, e kètì kíy sé se cù, e yùyrí aŋgàa ntum vé. Bèr ne mo vèr mòʼón, aá kfə̀n sí taʼ sa ji á yúyrí á mo.»
Bó taàtá wom yòʼ sà‑aà lo yù kinyo ke mò‑oò yiìn é ghan se Jesebel‑iì yúyri aŋgàa ntum Nyùy Tàr á? Mò‑oò lìtì á áwune wií é mbvə̀ʼ sibaà, mtàn mtàn, a fo a viyíkìr wùn à mendzə́v mè aáwune.
Wiíy wùmòʼ wáa dzə fo, a dzə̀ wir kitum kee Kanan. Wù nèn wìy, e yèn Jesus, a toŋ jii, «Tàr woo Wan Fòn Davir, ku shàm mendzən mem mè. M kér wán, a nyùy wùmòʼ jívir wun e ŋàŋ.»
