Maak 12:2 - ŊWÀʼ NYÙY

² Ghán se á yii káv vifá si gheén, wù tsə́nsí ŋgaà və lìm wùmòʼ fo vé vintir vìyi ji wù sə́ á rə́ə yee mbìv vifa.

Maak 12:2 Referans Kwoze

Hibru 1:1

Yì‑iì dzə̀ fó mbìy, a Nyùy súŋnin aàtàr vesəné akàŋ anín e dzəə sí dzəə sí, a wù‑uù túm a dzə̀ aŋgàa ntum və́, aá tiísi.

Ŋwàʼ Luk 20:10

Ghán se á yii káv vifá si wìy ghèén, wù túm ŋgaà lìm və wùmòʼ fo wír vìyi ji á fó á rə́ə yee mbìv vifa. Wír vee shooyi nèn dù, e dzə̀v ŋgaà lìm və̀y dzə́vin, e jùm wó wó.

Ŋwàʼ Luk 12:48

Wáa dzə wan lìm wo wù jayin kinyo ke dzə̀ á bònen tàm, a bó wù yòʼ kì kì kinyo ke tàr wov kì taʼ ji wù yii, bo á yíi wivtí woo shooy wívtín shishàr. Vèn wáa kiíy jii, wír wo á foon kifá sho kikuʼùn dzə̀ wo á wíy a leéy sa fo fo kikuʼùn. Á lem vifá e wìr lémen vikuʼùn, bo dzə̀ wun wo á yii kíyri e ŋàŋ.»

Matio 21:34

Ghán se á yii káv vifá fo sum sí gheén, wù túm aŋgàa lìm və́ fo vé vintir vìyi jii, á du, e sə̀ á rə́ə yee mbìv vifa.

Sekariya 7:7

Kù dzə̀ kíwun ke Nyùy Tàr‑iì suuy, e shaà fo aŋgàa ntum vəə́, e ghan se Jerusalem kù‑uù dzəə́ tsəətìn tsəə̀tìn e vifá vi, a wíri dzə̀ é ŋkàlaʼ nyanyày, aámóʼó dzə́ e ntèʼ see fó ghaŋ, aámóʼó dzə́ e mbìv yee tsə́n, ámóʼó é sar se agwan.

Mayka 7:1

Ŋgeʼ sém féyì! M sì moo ŋgaà vinsíy wo á kavin vifá fo kwaʼ, wù wáa ghan, a siy, a dzə moo wír wo á rèŋèn ruʼ, yí kpú, wù wáa jiysí vileérí. Vifá vìn vi dzə̀ ve m kér shií shó, a bó m yòʼ kér kée bàʼ shuu sho.

Jeremia 44:4

Vé‑eè yii bèy, a m kù rə́si tsə́nsi vé lìm vém vee aŋgàa ntum adzə̀m fo áwuné wùn, kán wún jii, ‹Éè mò, la vèn dzə́ə a yiì vinyo ve joònè ve vèn yii, a ví bír mo vin.›

Jeremia 35:15

M tsə̀nsí vé lìm vém vee aŋgàa ntum fo věn wùn akàŋ akàŋ, á wíy, a fìʼtì e vèn ji wìr mòʼón mòʼón fo vèn maʼti á yii rə́ kisaŋe, e kùvsín, a yiì a réŋ, e làa yòʼ a jùmrì a anyùy kisaŋe, a lìm fo fo, é vèn ku nèn wìy a dzə a e nsay ye mò‑oò foon e vèn aàtàr véné. Yii bèy, la vèn yòʼ a gwàrìr kinyo kém, e làa yòʼ yuurí.

Nsùyrì Nyùy 1:3

Wù dzə̀ moo kicí ke á bìyìn é ghaa ndzəv, a kí koom ghán sidzə̀m, a vav sə́ sí yòʼ yii sooyì. Kinyo kfə́ kidzə̀m ki kér shintíy she juŋ shi.

Esra 9:11

ye wò‑oò tumen aŋgàa lìm vé, á wìy, e fò e vèr. Vé‑eè sùúy e vèr ji nsay ye vèr‑iì du e yòv dzə̀, a vé nsayi‑iì bìvír á ne e joonè wóví. Liì wov joònè sùm a ne fó, e kèʼ fo buu fèn, e dù e meé a e və́səə.

2 Wòŋ 36:15

Nyùy Tàr woo Nyùy atàr vév kù‑uù rə́si tsə́nsi aŋgàa ntum və́ fo áwuné wùn ji á wáa kàntì a áwune fó vinyò ve bi ví, bìʼ fo wù‑uù rə́r mendzən me wìr və́, kfə̀n rə́r me lav cù ye dzəə̀n kirə́ʼ kfə́ ké dzə.

2 Afòn 17:13

Nyùy Tàr‑iì ló a kàntì wír veé Isray wùn à veé Judàa, a shaà fo aŋgàa ntum vəə́, kfə̀n shaa fo ve á yén vinyóo. Wù‑uù kantì, suuy jii, «Vèn maʼti liì kisaŋ, a lèm nsər sém wùn à ntir sém sí, se sí dzəə̀n é Ŋwàʼ Nsər wo mò‑oò foon áàtàr véné. Mò‑oò fò ŋwàʼ və̀n, e shaà a dzə̀ fo aŋgàa lìm vémé, áwune vee aŋgàa ntum vém.»

Maak 12:1

Jesus nèn lò, a yòv a dzə̀ ŋgàn e wír vee shooyí wùn, a fèr jii, «Wìr‑iì mvə̀ʼ súm vitiír vé *vayin, e bòm kay, e kaàrí sho, e tàr, e kfə̀n bùʼ bií é kilan wo á wáa kòy báŋ se vitiír vee shooy, a nyèŋ sho, é meluʼ mè wáa fəə. Wù kfən bòm kitaàtì ke ŋgaà shìy wáa dzə sho. Wù màysì súm woo shooy, e nàŋsín, e nèn tìr wír ámóʼó shó, e dù ghán e wòŋ wúmóʼó.

Maak 12:3

Áwune nèn dù, e dzə̀v ŋgaà lìm və̀y, e jùm wó wó.