Maak 12:11 - ŊWÀʼ NYÙY

¹¹ Kù yiì Nyùy Tàr kinyo kìn, vèsən wáa leéy, a ker gháʼ.› »

Maak 12:11 Referans Kwoze

Nsùyrì Nyùy 118:23

Kù yiì Nyùy Tàr kinyo kìn, vèsən wáa leéy, a ker gháʼ.

Habakuk 1:5

«Vèn ku wày sí e vitúm ví wùn, é vèn yén viŋgaʼnìn ve vinyò, é shúu má ven. M sí lo, e yiì kinyo e věn ghan, e dzəə ye a kì suuy wír, la vèn yòʼ biìmé.

1 Timoti 3:16

A dzə̀ vèsən wàa binsí ji kinyo ke toʼon Nyùy, é bo vèsən kiíy mo dzə̀ á ghvə̀m wun kìn kí dzə̀ rú kinəə́nén. A kí dzə̀ jii: Kristu‑uù wìy, e lì mbom wìr, Kiyoy ke Ranén kí bínsí wun, nshèelav se Nyùy si kfən yèn wun. Á wáa fìʼtì woŋ sidzə̀m mo wù dzəə̀n, wíri wáa way shilív é wùn wó virə́ʼ vidzə̀m. Nyùy kfən lì wun, e kòʼór e wùn ghaŋ.

Kolosia 1:27

A kù dzə̀ mo wù‑uù sìysìn ji wun wíy yiì, é wír vəə́ kiíy á kinyo ke wù‑uù lìtìn kin, kee ji wun wíy bùʼ vitúm vidzə̀m e vijuŋ ve ghaʼán ví. Mo Jesus Kristu siìn e věn meliv, a dzə̀ vèn kìíy ji vèn wíy nəə́ e wun woo Nyùy mvə̀m vijùŋ veé yuv.

Lim Aŋgàa Ntum 2:12

Á wáa ker gháʼ bèy, kí kfə́n a tarír áwune, á wáa ghaynín jii, «Kee ben ki dzə̀ ka?»

Kintaŋ 23:23

Fú wóo màʼ ji á ton Jakovi yòʼ dzə̀, kinyo kee shwéŋ ji á maʼ Isray ki yòʼ dzə̀. Á yíi a yòŋ kùm Jakov wùn Isray jii, Á yén á kiŋgaʼnìn ke kinyò ke Nyùy yiìn kí.

Kèʼlo 24:50

Laban wùn Betuel bìnèr jii, «Kinyo kìn ki lò a dzə̀ fo Nyùy Tàr, a bó yòʼ dzə̀ vèr wàa ker kinyo kée suúy.

Nsùyrì Nyùy 118:22

Tíy ye vé kimbome leeyin ntéŋé, sì yíwun ye yí loòn ne, e tòm kór lav.

Matio 21:42

Jesus dzə́r jii, «Vèn yòʼ‑oo yií ne yòŋ kinyo kee shooy fo Ŋwàʼ Nyùy à? Kí suuy fo jii: « ‹Tíy ye vé kimbome leeyin ntéŋé sì yíwun ye yí loòn ne, e tòm kór lav. Kù yiì Nyùy Tàr kinyo kìn, vèsən wáa leéy, a ker gháʼ.›