Maak 12:10 - ŊWÀʼ NYÙY

¹⁰ Bó vèn yòʼ‑oo yií ne yòŋ kinyo kee shooy fo Ŋwàʼ Nyùy à? Vé‑eè sàŋ jii: « ‹Tíy ye vé kimbome leeyin ntéŋé sì yíwun ye yí loòn ne, e tòm kór lav.

Maak 12:10 Referans Kwoze

Matio 21:42

Jesus dzə́r jii, «Vèn yòʼ‑oo yií ne yòŋ kinyo kee shooy fo Ŋwàʼ Nyùy à? Kí suuy fo jii: « ‹Tíy ye vé kimbome leeyin ntéŋé sì yíwun ye yí loòn ne, e tòm kór lav. Kù yiì Nyùy Tàr kinyo kìn, vèsən wáa leéy, a ker gháʼ.›

Aysaya 28:16

Bìʼ bey, Nyùy Tàr woo Taà Ndzə suuy jii, «Vèn yuúrí, m neèr ne tíy é Sion ji kinsə̀ŋ. Tíy, aá múmrí ne, e bìnsí ji dzə̀ á yíwun, yíwun feyì ye a dzə̀ yí tòm kór lav, lav ye m bóm e Sion, a wìr wo wù wáy shilív e mǒ wùn yòʼ wíy a gìr.

Ŋwàʼ woó Rom 9:33

A dzə̀ tíy ye vé‑eè saŋen ji Nyùy suuy a jii: «Vèn yuúrí, m neer tíy é *Sion, a wíri wíy a bàyrìn sho, kilán, a wíri wíy a gbùkìr sho. Yii bèy, wìr wo wù wáy shilív a dzə̀ é wùn wó yòʼ wíy jaáy gheéy.»

Maak 2:25

Jesus lò, e dzə̀r kfə́ jii, «Vèn yòʼ‑oo yií ne yòŋ fo ŋwàʼ mo jìŋ‑eè loòn, e yàr Fòn Davir wùn aàŋgaà və́ ŋgoo, wù yiì à?

Matio 21:16

a saʼ Jesus jii, «Bó à yòʼ yú kinyo ke wón víne sí suuyì à?» Wù bìnèr jii, «M yú feyì. Bó vèn yòʼ‑oò yiì ne yòŋ kinyo ke vé‑eè saŋen é Ŋwàʼ Nyùy jii, ‹Nyùy yiì ne, wón ve terií wáa burí wun, à ve á dzəə́ nyóŋ víne shó à?› »

Matio 19:4

Jesus bìnèr jii, «Vèn yòʼ yii yoŋ Ŋwàʼ Nyùy, yú à? Vé‑eè sàŋ jii, ‹Yì‑iì dzə̀ é ghan se Nyùy‑iì kèʼèn ndzə, wù‑uù bòm wír abaà ji lumèn wùn wiíy,

Ŋwàʼ Luk 6:3

Jesus dzə́r kfə́ jii, «Vèn yòʼ‑oo yií ne yòŋ fo ŋwàʼ mo Fòn Davir‑iì yiìn é ghan se jìŋ‑eè ghaʼtin wùn aàŋgaà və́ ŋgoo a?

Maak 13:14

Jesus nèn kfə̀n a suúy jii, «Vèn wíy lóo yen, a kifá ke vé‑eè yoŋ ji kí wíy a koʼóy, a bivír kirə́ʼ, kí fəə́sín, aá tiír fo bó yòʼ dzə̀ kí wàa tiy, wír ve á dzəə̀n é mbìv wòŋ yee Judàa wàa sam, a koʼ aàgwan. Wìr wo wù yoŋ kinyo kìn fo ŋwàʼ fèn, ŋgaàŋ səəm.»

Matio 22:31

Mo vèn kinèn ji wíri yòʼ wíy fəə fo kpu, vèn yòʼ‑oò yiì ne yòŋ kinyo ke Nyùy‑iì suuyin e vèn e wùn ŋwàʼ kùm kee shooy à? Wù‑uù suuy jii,

Matio 12:3

Jesus dzə́r kfə́ jii, «Vèn yòʼ‑oò yiì ne yòŋ fo ŋwàʼ mo jìŋ‑eè loòn, e yàr Fòn Davir wùn aàŋgaà və́ ŋgoo, wù yiì à?

Maak 12:26

Mo vèn kinèn ji bó wíri yòʼ wíy fəə fo kpu, bó vèn yòʼ‑oo yií ne yòŋ kinyo ke Mooser‑iì saŋen ji Nyùy‑iì sùúy e wun fo mvə̀m və̀y wo wú‑uù shwí e kici à? Wù‑uù sùúy jii, ‹M dzə̀ Nyùy Abraham, à wo Aysi, à wo Jakov.›

Maak 12:9

Jesus fèr bèy, e dzə̀r jii, «A kí kòóy bèy, ŋgaà sùm yèe le? Ke dzə̀ wù yiì kí kù dzə̀ ji wù yíi wìy, e yuyrí wír vee shooy, e tir súm e wír ve səné.