Maak 12:1 - ŊWÀʼ NYÙY

¹ Jesus nèn lò, a yòv a dzə̀ ŋgàn e wír vee shooyí wùn, a fèr jii, «Wìr‑iì mvə̀ʼ súm vitiír vé *vayin, e bòm kay, e kaàrí sho, e tàr, e kfə̀n bùʼ bií é kilan wo á wáa kòy báŋ se vitiír vee shooy, a nyèŋ sho, é meluʼ mè wáa fəə. Wù kfən bòm kitaàtì ke ŋgaà shìy wáa dzə sho. Wù màysì súm woo shooy, e nàŋsín, e nèn tìr wír ámóʼó shó, e dù ghán e wòŋ wúmóʼó.

Maak 12:1 Referans Kwoze

Maak 13:34

Kinyo keé ghan see shooy ki wíy koóy moo ké wìr wo wù‑uù lóo dù ghán, e jàv lim e və́ vé lìme, wír e rəə́, wír e rəə́, e kfə̀n sùúy e wìr wo wù‑uù shiy lav ji wù siiy, wù wàa shìy a kijuŋ.

Maak 4:2

Wù wáa yeʼéy áwune vinyo vinín, a yòv a dzə̀ é ŋgàn.

Matio 25:14

«Ghán se m wíy kfən sìn si wíy a dzə moo kinyo ke wìr wo wù‑uù lóo dù ghán, e jàŋrì wónlè və́, e lèm mbàm sə́ shó.

Lim Aŋgàa Ntum 7:38

A kù kfə̀n dzə̀ wun woo Mooser wo wù‑uù suŋnin wùn nshìylav Nyùy e Gwan Sinay e ghan se wùn aàtǎr ram yesəné‑eè baʼtin é woʼ yee fó, yì fó nsər se Nyùy sho ji wù fó e vèsən.

Ŋwàʼ Luk 19:12

Wù wáa fèr jii, «Yì‑iì dzə̀ é ghan símóʼ sí, wàn ntoʼ wùmòʼ lò fo áwuné wòŋ, a dù e wòŋ wúmóʼó kwaʼda ji á fó vifon sho, é bo wù kfə́n, a saʼ woŋ və́.

Ŋwàʼ Luk 15:13

Wù sə́ rə́ə yee mbìv, e làa yòʼ keerí vishiíy vinín, e nèn fiìnè, e lì mbàm, e lò sho. Wù lò, e dù e wòŋ wúmóʼó kwaʼda, a dzə fo, a sèv, a bvəʼ mbàm sìy.

Ŋwàʼ Luk 8:10

Wù suúy aáwune jii, «Dzə̀ ven vin ve Nyùy yiìn ne, vèn kiíy vinyo ve saʼ rə́ ye yí dzəə̀n é kilìr. Yii bèy, a wír ámóʼó yú kév cáʼcáʼ ji ŋgàn. A kí dzə̀ bey ji kí fíʼ a dzə mo kí‑iì dzəə̀n jii, ‹Áwune lóo leéy, é la á yòʼ a yen kinyo ke kí dzəə̀n, lóo yuurí, é la á yòʼ a yu nsàv.› »

Matio 21:28

«Vèn yuúrí kinyo kímóʼ kí, e shù mo kí dzəə̀n. Wìr‑iì kér wón abaà, e dù, e yèn wo mbìy, e sùúy sho jii, ‹Wàn, ku dù, e lìm e mǒ súm vitiír vé *vayin lán.›

Esiker 20:49

Nyùy Tàr yòŋ bèy, m nèn ghày jii, «Abaày, Nyùy Tàr woo Taà Ndzə, wìr dzə̀m kù sí káykir kàykín ji m kù sí súŋnin a dzə̀ á e ŋgan ŋgàn.»

Jeremia 2:21

Mò‑oò bìy wò moo kitiír ke tayín kí, kitiír ké *vayin ke á tayin mbìy táyín. À yèe, e bóo dù ji kitiír ke bi kí, a koóm a dzə̀ báŋ se bi sí?

Aysaya 7:23

«Virə́ʼ ve Fòn yén vìn ji súm se vitiír vé *vayin vi dzəə̀n shó nyanyày, súm se dzə̀ á fiìnè *ashekel ansə̀kì ansə̀kì, wíy lòo dzə e ghan fóo fèy, é wáa kuy a vimbìn wùn à vitiír vé njoŋ vi fó.

Ŋwàʼ Luk 22:9

Áwune dzə́r shó jii, «À taʼ ji vèr du, e nàŋsín a dzə̀ feé?»

Matio 13:3

Wù wáa yeʼéy áwune vinyo vinín, a yòv a dzə̀ é ŋgàn. A kímóʼ kí dzə̀ jii, «Wìr‑iì dù, a màʼ ŋgoòy vifa e sum.

Matio 21:33

«Vèn yuúrí yìmòʼ yee ŋgàn. Wìr‑iì mvə̀ʼ súm vitiír vé *vayin, e bòm kay, e kaàrí sho, e tàr, e kfə̀n bùʼ bií é kilan wo á wáa kòy báŋ se vitiír vee shooy, a nyèŋ sho, é meluʼ mè wáa fəə. Wù kfən bòm kitaàtì ke ŋgaà shìy wáa dzə sho. Mo wù naŋsin súm woo shooy, e nèn tìr wír ámóʼó shó, e dù ghán e wòŋ wúmóʼó.

Matio 21:34

Ghán se á yii káv vifá fo sum sí gheén, wù túm aŋgàa lìm və́ fo vé vintir vìyi jii, á du, e sə̀ á rə́ə yee mbìv vifa.

Maak 3:23

Jesus nèn yòŋ wír vee shooy, a yòv lám aáwune jii, «A dzə̀ Satan kfə̀n a jùm kitú kfə́ é le?

Maak 11:33

Á nèn bìnèr jii, «Vèr yoʼ kìíy.» Jesus nèn sùúy jii, «Bo bó m yòʼ suuy sa fo m sə́ vitaáví, e bó a yiì vinyo vee shooy.»