Maak 11:21 - ŊWÀʼ NYÙY

²¹ Pita ku nèn kuùmé kinyo ke kí‑ii kooyin, e sùúy e Jesus jii, «Tàr, ku lèéy, e yèn. Kicí ke wò‑oo shovin kiy ki yùm ne.»

Maak 11:21 Referans Kwoze

1 Korin 16:22

a tir ven jii, a wìr dzə̀ làa yòʼ a kòŋ Tàr wòsən Jesus, bo lǒn Nyùyi dzə̀ á e ŋgaàŋ kitu. M nén a lon ji Tàr wòsən Jesus ku kfə̀n á cér.

Matio 25:41

«Wù suuy bèy, é wù nèn bìnkìr, e sùúy e veé koy ŋkoòvìi jii, ‹Lǒn Nyùyi shòv ne ven. Vèn kóʼtí ben fo mǒ si, e dù, e nə̀ə́ e və̀y wo Nyùy‑iì naŋsin, e lèm fo Satan wùn à nshèelav sə́ sí.

Matio 23:7

Aá kfə̀n koŋ fó a ghan, a kar e virə̀ʼ vé way, é wíri wáa shàʼtì áwune, a shòŋrì jii, ‹Ŋgaà yèʼey, ŋgaà yèʼey.›

Ŋgàn 3:33

Wù yii shóv melav me wìr ve á méŋ wun, buʼ me wìr ve á yúnin wun búʼun.

Matio 21:19

Wù yén kicí ké *fig e ghaa dzəə, e dù fo ji wun sà‑áà yén báŋ yée kfər a, e yèn a dzə̀ vibábár cáʼcáʼ. Wù nèn shòv kicí kee shooy jii, «Kicí kin, bó à yòʼ dzəə́ wìy koóm feyì gheéy.» Wù suúy bey, kicí kiy ki ku nèn yùm kàŋ mòʼón.

Matio 23:8

«Lá vèn yòʼ a yiì bèy. Lá wìr yòʼ wìy biìmé ji á wáa yòŋ wun ji ŋgaà yèʼey. Vèn tàtí ne adzə̀m ji afə́r, a ŋgaà yèʼey won kù jòʼsì e mòʼón.

Joon 4:31

A wón və́ lìme kì sìíy ne, a boòrì jii, «Ŋgaà Yèʼey, ku yì kifá ki.»