Maak 11:1 - ŊWÀʼ NYÙY

¹ Jesus wùn à wón və́ lìme ku nèn a dù e Jerusalem, e lòo meesín, e mèé e gwan wo á yoŋ ji Gwan Vicì vé Oliv, a wù dzə̀ é ghaa ntèʼ see Befage wùn à Betani, Jesus túm wón və́ lìm ámóʼó abaà,

Maak 11:1 Referans Kwoze

Joon 8:1

Jesus yiì fəə̀ fó lav cù fèy, e kòʼ é gwan wo á yoŋ ji wo Vicì vé Oliv.

Lim Aŋgàa Ntum 1:12

Aŋgàa ntum Jesus vìyi nèn lò fo Gwan Vicì vé Oliv foo fèy, a kfən e Jerusalem, a ntàm dzə̀ moo kintoʼnìn ke may bèy.

Maak 14:13

Wù nèn tùm wón və́ lìm ámóʼó abaà, e sùúy jii, «Vèn du é mvə̀mlaʼ, lóo dù, yén wír, a wù béʼ mbǐʼ mendzə̀v, vèn wàa jùmrì ŋgaàŋ.

Maak 6:7

Wù wìy lò, e yòŋrì wón və́ lìm vee nshòv sibaà e ghvə̀m, a tum áwune é virə̀ʼ abaà abaà, e fò vitaáví, á wáa jùm *anyùy ve á jívir wíri.

Matio 26:30

Wùn à Jesus nèn yòv luŋ, e sùyrì Nyùy sho, e fəə̀, a koʼ e Gwan Vicì vé Oliv.

Matio 24:3

Jesus dù, e dzə̀ʼə̀m e gwan wo á yoŋ ji Gwan Vicì vé Oliv, a sì wùn à wón və́ lìme, áwune áwune, á kóʼtí, e dzə̀r shó jii, «Kinyo ke à kì suuy kìy ki wíy koóy a dzə̀ é ghàn ka? Kisəəm ke kí wíy dìn ji à sí kfə́n, é ndzə may kí dzə̀ ka?»

Matio 21:17

Jesus suúy bey, e màʼtì áwune, e tòsín, a dù e ntèʼ yee Betani fo wù‑uù yíi shiíy.

Sekariya 14:4

Wíy lòo dzə e kishiíy fóo fèy, é Nyùy Tàr tiím é kitu ke Gwan Vicì vé Oliv, e mbìv Jerusalem yee fo shùy yii tó. Wù tiimè, é kiwoóy ke wiy kí jav Gwan Vicì vé Oliv, e siìr kintóʼ kímóʼ kí é mbìv yee kuy, e siìr kímóʼ kí é mbìv yee tsə́n. Kiwoóy kin ki wíy kèʼ fo mbìv yee fo shùy yii tó, a kfənér e mbìv yee fo shùy yii nəə.

Maak 13:3

Wù nèn kòʼ é Gwan Vicì vé Oliv, e dzə̀ʼə̀m e mbìv yé a yen lav cù fo ròŋ. Pita wùn à Jeem, à Joon, à Andru bàr wún fo wón və́ lìm ámóʼó, e wìy, e dzə̀r shó jii,

2 Samuel 15:30

Fòn Davir wáa lò kfə́, a koʼ e Gwan Vicì vé Oliv. A wù kóʼ e tóŋe shuù, e wuú nsay, a wù sə́tí ne kitú kfə́. Wìr dzə̀m wo wùn áwune‑eè dzəə̀n wáa koʼ sa e tóŋé shuù, e kitú ki kisə́tín.

Maak 11:2

e sùúy jii, «Vèn du é ntèʼ yee fó mbìy rə̀sə, vèn lóo nəə́, é vèn yén wan kimbèʼbìy, a wù tsə́ŋ fo, a bó wìr yòʼ‑oo yií ne kòʼ é kitu wo, é vèn bvəti, e wìy sho.