Maak 10:2 - ŊWÀʼ NYÙY

² Wír ve vé‑eè dzəə̀n é mbìv *Farasi ámóʼó nèn lò wìy, a woóy wun, a dzər sho jii, «Nsər yèsən biímé ji dzə̀ wír, wù fə̀ə́r wiíy və á?»

Maak 10:2 Referans Kwoze

Joon 8:6

Áwune kù‑uù yutì a dzə̀ shúu və́ ji á fiʼ kòóy kinyo kée lor wun sho. Jesus ku gvə̀ʼə́r a dzə̀ kitú kfə́, a saŋ kifá fo nsay e wàn kiwo.

Matio 23:13

«Yìiy, wír ve á duŋrì nsər Nyùy wùn à wír Farasi, abìnbìnteʼnsə́m, ŋgeʼ dzə̀ yéen. Vèn yoŋ sáʼ Nyùy ji yén, nèn sə́ti dzə́ə fo wír ámóʼó nəə́. A bó ven vitú vén yòʼ wíy nəə́ sho. Vèn yii bèy, téʼtin a dzə̀ dzə́ə fo wír ve á koŋ fó nəə́ shoo nəə́. [

1 Korin 10:9

Lá vèsən yòʼ a ghiʼ sa Nyùy ji wù ku yiì kinyo mo wír vìn ámóʼó‑oò ghíʼí, Nyùy nèn tsə̀nsí yó, sí térí wír vee shooy, e laàr.

Joon 11:57

A vé‑eè gháynin bèy, bìʼ fo vitú ve atàá cù wùn à wír veé mbìv Farasii‑iì saʼan ne jii, a wìr yèn fo wù dzəə̀n, ŋgaàŋ kù sùúy, aáwune tsə́nsí, aá wàá koó.

Joon 11:47

Vitú ve atàá cù wùn à wír vee Farasi vee shooyi nèn kùm vé wòŋe adzə̀m. Á dzə̀ʼə̀m, a ghay jii, «A dzə̀ vèsən yèe, e bóo sə̀r wír və̀n. Wù ghán, shóʼ virom ve vinyò vinín,

Joon 7:48

Vèn yén ne, a wìr fo vé wòŋe kìn woó mbìv *Farasi wùmòʼ tíy e wùn kinyò a?

Joon 7:32

Wír veé mbìv *Farasii yú mo wíri kfəynìn kinyo kee kùm Jesus kìn, e nèn dù, e sìysì wùn à vitú ve atàá cùu, á túm vé rərí ji á du, e koò á Jesus.

Ŋwàʼ Luk 16:14

Jesus wáa fèr bèy, a wír veé mbìv *Farasi ámóʼó yú. Á nèn a ndzəə wun, bìʼ fo áwune yii koŋ mbàm e ŋàŋ.

Ŋwàʼ Luk 11:39

Taàtá Jesus suúy shó jii, «Ven vee wír vee Farasi, vinyo ve bi ví wùn à bvə̀mkúʼ rùn e věn meliv moo bàr wùn à kighín ke á suùn ndzə ndzə, a mvə̀m kóʼoyì.

Ŋwàʼ Luk 7:30

Yii bèy, wír veé mbìv *Farasi wùn à wír ve á yii duŋrì nsər Nyùyi nèn tèn kév kinyo ke Nyùy sìysìn kin ténén, bìʼ fo vé‑eè tenen sá fo Joon wáy áwune é ndzəv.

Ŋwàʼ Luk 6:7

Wír ve vé‑eè duŋrì nsər Nyùy wùn à wír veé mbìv Farasii wáa shweʼ ji á koóy lor wóo lor Jesus sho. Á nèn a leéy jii, a wù lòo dzə, e fèr wír və̀n e kishiíy ké bam, bo áwune kòóy ne a kinyo.

Ŋwàʼ Luk 5:30

Wír veé mbìv Farasi wùn a wír ve á yii duŋrì nsər Nyùy ámóʼó yén, e nèn a ghvə̀vrì, a dzər e wón lìm Jesuse jii, «Bìʼ ka mo vèn yíkir vèn à wír ve á báʼti mbàm se bàràʼ, à wír ve bi ámóʼó?»

Maak 8:11

Wír ve vé‑eè dzəə̀n é mbìv *Farasi ámóʼó nèn wìy, a woóy Jesus, a yùtì ji wù ku yiì a kiŋgaʼnìn ke kinyò ke kí din ji wù sə́ rú vitaáví a dzə̀ fo Nyùy.

Matio 22:35

Wìr wáa dzə e mvə̀m ŋgoo fèy, a wù yéʼéy ne nsər feyì. Wù nèn wòór kinyo, a dzər e Jesus jii,

Matio 19:3

Wír veé mbìv *Farasi ámóʼó nèn dù wìy, a woóy wun, a dzər sho jii, «Nsər yèsən biíme ji dzə̀ wír, wù fə̀ə́r wiíy və bìʼ kinyo kímóʼ kí gheéy á?»

Matio 16:1

Wír veé mbìv *Farasi wùn à veé mbìv *Sadusìi nèn lò, e wìy yèn Jesus, a woóy wun, a tàʼ ji wù yii á kiŋgaʼnìn ke kinyò ke kí wáa dìn ji wù sə́ vitaáví a dzə̀ fo Nyùy.

Matio 15:12

Wù suúy bey, wón və́ lìme yiì lò, e kòʼtí, e sùúy sho jii, «À kì ji wír veé mbìv *Farasii kì yù kinyo ke à suuyin, kí bír áwune á?»

Matio 9:34

Yii bèy, a wír veé mbìv *Farasii suuy kév jii, fó a fon anyùy vitaáví e Jesus, bo wù wáa kàntì *anyùy, aá wáa màʼtì wíri.

Malakay 2:16

Nyùy Tàr woo Nyùy wìr veé Isray suuy jii, «M bàn kinyo kee ji wìr kì jùm wíiy və. M yú ji wìr kì nyàvrì shó e dzəə fóo fèy, kí tèn mo féyì. Bìʼ bey, wìr wáa yen fó yaʼáy kilìʼ ke wù‑uù yiìn wùn yeè lav və ji kù sì wùn wun.»

Maak 10:1

Jesus lò fo ntèʼ yee Kapeenahum, e dù e mbìv wòŋ yee Juda, e yiì lò, e tùm ndzə́v yee Jordan, e kfə̀n é mbìv wòŋ fèsə. Mo wù‑uù ghán bèy, màŋgòŋ kú a baʼtí e wun ghaŋ, wù wáa yeʼéy áwune mo wù kù‑uù yéʼeyì.

Maak 10:3

Jesus dzə́r kfə́ jii, «Mooser‑iì fò nsər e vèn ji ka?»