Maak 10:1 - ŊWÀʼ NYÙY

¹ Jesus lò fo ntèʼ yee Kapeenahum, e dù e mbìv wòŋ yee Juda, e yiì lò, e tùm ndzə́v yee Jordan, e kfə̀n é mbìv wòŋ fèsə. Mo wù‑uù ghán bèy, màŋgòŋ kú a baʼtí e wun ghaŋ, wù wáa yeʼéy áwune mo wù kù‑uù yéʼeyì.

Maak 10:1 Referans Kwoze

Joon 10:40

Jesus lò fo fo, e tùmsín e mbìv ndzə̀v yee Jordan, e dù fo Joon‑eè kèʼèn, a way wíri é ndzəv, a dzə fo.

Maak 4:2

Wù wáa yeʼéy áwune vinyo vinín, a yòv a dzə̀ é ŋgàn.

Joon 11:7

Wù wìy lò, e sùúy e wón və́ lìme jii, «Vèsən kfən kfə̀n é mbìv wòŋ yee Juda fèy.»

Maak 6:34

Wù wìy, e lòo fəə fo kikoŋ, e yèn màŋgòŋ və̀y, kitú ki lùm wun, bìʼ fo áwune‑eè dzəə̀n moo njiì woo là nshìy. Wù nèn kèʼ, a yeʼéy áwune vinyo vinín.

Matio 4:23

Jesus nèn lò, a ghan Galeli e dzə̀m, a fìʼtì sáʼka Nyùy wo juŋ e ŋgày se bùnrì, a naàrì mo sáʼ Nyùyi dzəə̀n. Wù kfə́n a fèr kfəə́ se yàsí wùn à ndzə́m e dzə̀m.

Jeremia 32:33

Áwune bìn ne ndzə̀m e mò, e laà yòʼ bìnkìr, a leéy a dzə̀ mo. Yii bèy, a m kù rə́si yéʼey áwune, la á yòʼ yuùrí kinyo kém, aá yoʼ sə̀ ntir.

Joon 18:20

Jesus nèn bìnèr jii, «Mò‑oò fiʼtì kinyo kém e wìr dzə̀m a dzə̀ fó meranén. Mò‑oò rə́si yéʼey wíri é ŋgày se bùnrì, kfə̀n yéʼey e *lav cù fo wír veé Judàa‑aà báʼti adzə̀m. A bó m yòʼ‑oò yéʼey wíri, ghán, woóne woònén.

Maak 6:6

Kí wáa tarír wun mo wír véví tenen fó way shilív e wun wùn. Jesus nèn yiì lò, a ghan ntèʼ see fó sidzə̀m, a yeʼéy wíri.

Maak 2:13

Jesus kfən wìy dù e ghaa kibaŋ keé Galeli, màŋgòŋ wìy, e yèn wun fo, wù wáa yeʼéy áwune.

Ŋgaà Tàrvìnyò 12:9

Yòʼ kù‑uù jòʼsì fiír ye Ŋgaà Tàrvìnyò və̀n‑eè fiirin, wù‑uù yéʼey wíri mo á wáa kiíy jeéyjeéy fó vinyò. Wù‑uù lì ghán, e kàʼày, e kfə̀n sìysì ŋgàn sinín.

Matio 26:55

Jesus suúy bey, e dzə̀r e màŋgòŋ və̀y jii, «Vèn kì wiy ji vèn koó mo, wiy e nyùy sí wùn à vibur vi ben, a m dzə̀ shóŋ a? Mò‑oò rə́si yéʼey wíri é lav cù kishiíy mo kishiíy kí‑iì dzəə̀n, shém ka fo vèn koó mo é ghan see shooy?

Maak 1:21

Wùn à Jesus ku nèn a ghan, e wìy dù, e mèé e ntèʼ yee Kapeenahum. Kishiíy kév ké bam ki gheén, Jesus ku nèn dù e ŋgày bùnrì yee fó, a yeʼéy wíri.

Maak 6:2

Á meé fó, wìy lòo dzə e kishiíy ké bam, wù nèn dù e ŋgày bùnrì, a yeʼéy wíri. Wír aníne yú kinyo ke wù yéʼeyì, a ker gháʼ, a ghaynín jii, wìr və̀n sà yèʼéy vin vee vinyo fo feé á? Wù sà lì vifií vee ben fo gha á? Wù sà ghàn é le, e bó a yiì viŋgaʼnìn ve vinyò ve wù ghán, yii vìn a?

Maak 10:2

Wír ve vé‑eè dzəə̀n é mbìv *Farasi ámóʼó nèn lò wìy, a woóy wun, a dzər sho jii, «Nsər yèsən biímé ji dzə̀ wír, wù fə̀ə́r wiíy və á?»

Maak 12:35

Jesus kfən lòo yeʼéy wíri é lav cù, a suúy jii, «Wír ve á duŋrì nsər Nyùyi yii suuy ji *Mfə̀ə́r wo Nyùy‑iì kàʼàn wíy a dzə wán woo Fòn Davir ram. A dzə̀ kee shooy ki wàa dzə e le?

Maak 14:49

Mò‑oò rə́si dzə́ vèsən é lav cù, yéʼey wíri vishiíy vidzə̀m, la vèn yòʼ a koo mo ji ka? Yii bèy, kinyo kìn ki kooy bèn ji kinyo ke vé‑eè saŋen é Ŋwàʼ Nyùy ki fíʼ gheén.»