Maak 1:8 - ŊWÀʼ NYÙY

⁸ M wáy wíri é ndzəv lèn, a kù dzə̀ cáʼ ji mendzə́v, a ŋgaàŋ wíy wìy kfə́, a way wíri a dzə̀ e Kiyoy ke Ranén kí kiwo.»

Maak 1:8 Referans Kwoze

Lim Aŋgàa Ntum 1:5

A wù dzə̀ jii, mo Joon‑eè wáy wíri é ndzəv, bèr ne vishiíy vishàr, é Nyùy wáy ven a dzə̀ e Kiyoy ke Ranén kí kiwo.»

1 Korin 12:13

Vèsən dzə̀ wír jeéy jeéy, ámóʼó dzə̀ veé Juda, ámóʼó vitúm ve sən ví, ámóʼó akwàn, ámóʼó nén a dzə wón wòŋ. Yii bèy, a kù dzə̀ Kiyoy kee shó kimòʼón ke kí‑iì liìn vèsən adzə̀m, e tàtí ji wún e mòʼón, a dzə̀ kíwun ke Nyùy wayin e wìr mòʼón mòʼón shiliv.

Joel 2:28

Nyùy Tàr kfə́n a suúy jii: «Wíy lòo dzə fo bàm, é m fó Kiyoy kém e wìr dzə̀m, é wón vén vee vilum wùn à vee vikìyí wáa yu vinyo fo mò, a tiisí. Ŋgày sé wìr sén sí wíy a yen vinyo e njèm, é wón vén vee wónlě nsùme wáa yen vinyo e njà vinjeenjèm.

Lim Aŋgàa Ntum 10:45

Aŋgàa biimé vee wír veé Juda ve wùn à Pita kì wìyìn fó Joppàa yú, a wír vìyi ló ne, a súŋnin kfəə́ se làm símóʼ sí jeéy jeéy, a burí vikuʼùy vé Nyùy, á wáa ker gháʼ mo Nyùy foon sá fómo və wo dzəə̀n Kiyoy ke Ranén kí e wír ve bó yòʼ dzəə̀n veé Juda vìyi. Pita nèn dzə̀r jii,

Lim Aŋgàa Ntum 2:4

Kiyoy ke Ranén kí ku nèn wìy, e rùn aáwuné meliv, e yiì, áwune kèʼ, a suŋnín lám sé vitum jeéy jeéy.

Lim Aŋgàa Ntum 2:17

« ‹Nyùy suuy jii, wíy lòo dzə e ghan sé bàm sí, é m fó Kiyoy kém e wìr dzə̀m, é wón vén vee vilum wùn à vee vikìyí wáa yu vinyo fo mò, a tiisí, é wón vén vee wónlě nsùme wáa yen vinyo e njà vinjeenjèm, é ŋgày sén sé wìr si wáa yen vinyo e njèm.

Matio 3:11

Joon kfə́n a suúy jii, «M wáy wíri é ndzəv lèn ji á bìnèr ne melív mev. Yii bèy, wìr wùmòʼ wiy fo mǒ bàm, a wù kùʼ, e shaà mo, a bó m yoʼ fə̀m ghèén fó keerí alábáʼ ŋgaàŋ. Wù yíi wìy, é wù wáa way kfə́ wíri a dzə̀ e Kiyoy ke Ranén kí kiwo, a way ámóʼó é və̀y.

Aysaya 44:3

Kí dzə̀ jii, m wíy səə̀vì nsay ye yì yúm ji káv, e fəə́r ndzə́v, é yí wáa leŋ e nsay ye yì yumen ne, e mày. M wíy səə̀vì rám yén, e fo Kiyoy kém aáwune, é kiŋgoòy kén kí wáa yu vijuŋ ve kisəə̀vì kém.

Aysaya 32:15

Kí wíy a dzə bèy, e dù, e meé mo Nyùy Tàr wíy tsənsí Kiyoy kfə́ e vèsən. Wù tsə́nsi, é kirə́ʼ ké woʼ kí kfə́n lèn ji súm, é súm sí rəŋsin, a dzə ji kóv.

Ŋgàn 1:23

Vèn binkir, e yuùrí ntir ye m fó e vèn. M yíi way vifií vém e věn kitu, e yiì, é vèn wáa dzə afií.

Maak 1:7

Wù‑uù fiʼtì jii, «Wìr wùmòʼ wiy fo mǒ bàm, a wù kùʼ feyì, e shaà mo. A bó m yoʼ fə̀m ghèén fó gvəʼə́m e si wo, e bvə̀tì alábáʼ və́.

Maak 1:9

Wáa dzə e ghan see shooy, Jesus nèn lò fo Naasarer e mbìv wòŋ yee Galeli, e wìy, e yèn Joon, wù wáy wun e ndzəv yee Jordan.

Ŋwàʼ Luk 3:16

Joon kiíy, e sùúy e wír vìyi adzə̀m jii, «M wáy kém wíri lèn e ndzəv, a kù dzə̀ ji mendzə́v cáʼ. Yii bèy, a wìr wo wù kùʼùn féyì, e shaà mo sí wíy fo mǒ bàm, a bó m yoʼ fə̀m ghèén fó gvəʼə́m e si wo, e bvə̀tì alábáʼ və́. Wù yíi wìy, é wù wáa way kfə́ wíri a dzə̀ e Kiyoy ke Ranén kí kiwo, a way ámóʼó é və̀y.

Joon 1:26

Wù bìnèr jii, «M wáy kém wíri lèn e ndzəv, a kù dzə̀ ji mendzə́v cáʼcáʼ. A wìr wùmòʼ sì e věn mvəm lèn, a bó vèn yóʼ ne kìíy.

Joon 1:33

Mómò, m yòʼ‑oò ló ne kìíy sa mo ŋgaàŋ dzəə̀n, a Nyùy wo wù tumen mo, bo m wáa way wíri é ndzəv‑iì sùúy ne e mò jii, m wíy yén, a Kiyoy kfə́ kí sə́ʼə́y, e dzə̀ʼə̀m e wìr kitu, bo dzə̀ á wír wo wù wíy a way kfə́ wíri a dzə̀ e Kiyoy ke Ranén kí kiwo.