Maak 1:7 - ŊWÀʼ NYÙY

⁷ Wù‑uù fiʼtì jii, «Wìr wùmòʼ wiy fo mǒ bàm, a wù kùʼ feyì, e shaà mo. A bó m yoʼ fə̀m ghèén fó gvəʼə́m e si wo, e bvə̀tì alábáʼ və́.

Maak 1:7 Referans Kwoze

Lim Aŋgàa Ntum 13:25

Joon wìy lòo màysì kinyo kfə́, e dzə̀r e wíri jii, ‹Vèn kwaʼtì ji m dzə̀ la? Bó m yòʼ dzə̀ wír wo vèn shiy və̀y. Yii bèy, ŋgaàŋ wiy fo mǒ bàm, a bó m yoʼ fə̀m ghèén fó gvəʼtí, e bvə̀tì alábáʼ və́.› »

Joon 1:27

Wù wíy kèʼ kfə́ kee kinyo fo mǒ bàm, a bó m yoʼ fə̀m mèé e wìr wo dzə̀ wù bvə̀tì akfəə̀ və́ lábáʼ.»

Ŋwàʼ Luk 3:16

Joon kiíy, e sùúy e wír vìyi adzə̀m jii, «M wáy kém wíri lèn e ndzəv, a kù dzə̀ ji mendzə́v cáʼ. Yii bèy, a wìr wo wù kùʼùn féyì, e shaà mo sí wíy fo mǒ bàm, a bó m yoʼ fə̀m ghèén fó gvəʼə́m e si wo, e bvə̀tì alábáʼ və́. Wù yíi wìy, é wù wáa way kfə́ wíri a dzə̀ e Kiyoy ke Ranén kí kiwo, a way ámóʼó é və̀y.

Matio 3:11

Joon kfə́n a suúy jii, «M wáy wíri é ndzəv lèn ji á bìnèr ne melív mev. Yii bèy, wìr wùmòʼ wiy fo mǒ bàm, a wù kùʼ, e shaà mo, a bó m yoʼ fə̀m ghèén fó keerí alábáʼ ŋgaàŋ. Wù yíi wìy, é wù wáa way kfə́ wíri a dzə̀ e Kiyoy ke Ranén kí kiwo, a way ámóʼó é və̀y.

Matio 3:14

Joon nèn a shaʼnín, a suúy jii, «Kì yíi way wò mo é ndzəv, kfən wìy wò ji m wáy wò e ndzəv moó le?»

1 Samuel 25:41

Abigail tsə́m ndzəə́, e làʼ kitú e nsay, e sùúy jii, «Wánlè lìm tàr wor və̀ne, a wù dzə̀ kibáʼtín fó yìi dù, a sù wuú vé lìm və́.»

Maak 1:6

Joon‑eè dzə́ e kwaʼ, kúr ndzə̀y se vé‑eè baan a dzə̀ e wuy nyàm ye á yoŋ ji *kamer, síŋ e kikuúví kí. Vifá və́ vé yi vi‑iì dzə̀ ŋguùmé, a wù kfə́r, kfə̀n lá dòŋ.

Maak 1:8

M wáy wíri é ndzəv lèn, a kù dzə̀ cáʼ ji mendzə́v, a ŋgaàŋ wíy wìy kfə́, a way wíri a dzə̀ e Kiyoy ke Ranén kí kiwo.»

Lim Aŋgàa Ntum 19:4

Por nèn a naàrì aáwune jii, «Joon‑eè wáy wíri é ndzəv fó dìn ji á bìnèr ne a melív mev. A wù‑uù ló a suúy e wìr dzə̀m jii, wìr wùmòʼ wiy fo wùn bàm, á wáy á shilív e ŋgaàŋ wùn, a wù yoŋ a dzə̀ Jesus.