Maak 1:41 - ŊWÀʼ NYÙY

⁴¹ Mendzən mè rə́r Jesus, wù ràmsì kiwó, e kùm wír və̀y sho, e sùúy jii, «M kòŋ ne, bónén ri.»

Maak 1:41 Referans Kwoze

Matio 9:36

Wù mee e kirə̀ʼ, yén mo màŋgòŋ baʼtin, kitú ki lùm wun, bìʼ fo vé‑eè dzə́ moo njiì woo là nshìy wo wù ján, gbukìr, kívkir e kwaʼ.

Hibru 4:15

a kiíy jii, taà cù wòsən wo kuʼùn və̀n dzə̀ réŋréŋ moo vèsən. A dzə̀ wù kìíy kinyo ke kí gháʼ vèsən kidzə̀m, bìʼ fo wù‑uù dzə́ e nsay fèn, a vinyo vi mum wun réŋréŋ mo ví mum vèsən, a bó wù yòʼ‑oò yiì jày kímóʼ kí gheéy.

Hibru 2:17

Á kinyo ke kí‑iì yiìn, é bo wù binkir, a dzə réŋréŋ moo afə́r və́, e fíʼ a dzə ŋgaà wov cù wo kuʼùn, a sham áwune, a lìm fo Nyùy shilív shimòʼón, e taŋrí áwune, é Nyùy laysin ajay vév.

Maak 6:34

Wù wìy, e lòo fəə fo kikoŋ, e yèn màŋgòŋ və̀y, kitú ki lùm wun, bìʼ fo áwune‑eè dzəə̀n moo njiì woo là nshìy. Wù nèn kèʼ, a yeʼéy áwune vinyo vinín.

Hibru 1:3

Wù dzə̀ ji kikúv ke wun woo Nyùy, a dzə kinyo kidzə̀m ji Nyùy, njaʼkìr réŋréŋ moo Nyùy. A dzə̀ wun wo wù kér ndzə e dzə̀m e wùn kiwo, súŋnin, bo yì wáa ker vitaáví, a lìm mo yì limè. Nén a dzə wun wo wù‑uù manen vinyo ve wìr veé ndzə ji á fíʼ ran fo áwuné ajay. Wù màysì, e nèn kòʼ é yuv, e dzə̀ʼə̀m e Nyùy woo Taà Vitu ghaŋ.

Maak 5:41

Wù ghár kiwó ke wan, e sùúy sho aáwuné làm jii, «Talita kum,» a dzə̀ jii, «Wánlè wiíy, lò é yuv.»

Maak 4:39

Jesus yìmèn, e wàm kinsəm kìy, e kfə̀n wàm ndzə́v jii, «Tiím ji nyaáŋ.» Kinsəm ki kpúrín, ndzə́ví rə̀sìn, a tiy ji nyoòŋ.

Kèʼlo 1:3

Nyùy nèn sùúy jii, «Ráne wáa dzə.» Yí ku nèn a dzə.

Nsùyrì Nyùy 33:9

Wù‑uù súŋnin, kí nèn kù a dzə e wun jì. Wù fó sáʼ, kifá kidzə̀m ki nèn kù fəə̀sín.

Maak 1:40

Ŋgaà shìvnsay wùmòʼ nèn wìy, e yèn Jesus, e tsə̀m é si wo, a lon, a suúy jii, «M kì jii, aà kòŋ, à fèr mo.»

Maak 1:42

Shìvnsay ku nèn mày fo wìr və̀y wùn, wù bónén.