Maak 1:40 - ŊWÀʼ NYÙY

⁴⁰ Ŋgaà shìvnsay wùmòʼ nèn wìy, e yèn Jesus, e tsə̀m é si wo, a lon, a suúy jii, «M kì jii, aà kòŋ, à fèr mo.»

Maak 1:40 Referans Kwoze

Matio 17:14

Wùn à Jesus kaày, e mèé e sar gwan, a màŋgòŋ kì dzə́ fo, shiy áwune. Wìr wùmòʼ nèn wìy, e tsə̀m e Jesus si, a lon jii,

2 Samuel 3:29

Lòné ku gbù e Joav wùn à kfə́ə rəə́ kitu, é la wùn à kfə́ə rəə́ yòʼ wìy a buú wír wo wù wáa ker yàsí woo ntònmbàŋ, kìn wo wù joy shivnsay, é la kfə́ə rəə́ yòʼ wìy a buú sa wír woo ghéʼncey, kìn wo wù‑úù kpú é shùu rər, à wo wù wáa dzə e kitàn ke vifa ve yi.»

Maak 10:17

Jesus yiì lò ji wun waà sí lo, wìr wùmòʼ nyéŋ, e wìy, e tsə̀m é si wo, e yòŋ jii, «Ŋgaà Yèʼey, wò moo wír wo juŋ, a dzə̀ m yèe, e bóo wìy nəə́ e dzə̀ʼə̀m yee là may?»

Lim Aŋgàa Ntum 7:60

Wù nèn lò, e tsə̀m fó nsay, e tòŋ kitávín jii, «Tàr, lá à yòʼ a leéy kinyo ke bi ke wír vìne yii kìn.» Wù rəə́mé bey, e nèn kònsí, e kpù,

Ŋwàʼ Luk 22:41

Wù suúy bey, e kòʼtí shintàm mo dzə̀ wìr màʼ tíy, yí dù, e mèé, e nèn tsə̀m fó nsay, a bùnrì jii,

Matio 11:5

Amfìri sí yén virə́ʼ, aàntèŋe gháné, a vé shìvnsayi bónenè. Ansəərìi yú vinyo, a wíri kóʼor fo kpu, aá kfə̀n fiʼtì sáʼka Nyùy wo juŋ e vé ŋgeʼe.

2 Afòn 15:5

Á bèy, Nyùy Tàr nèn màʼ shivnsay e Fòn Ussiya wùn, wù wáa jòy sho, e dù mèé e wun kishiíy ké kpu. Wù‑uù dzə́ lav rə jeéy, a wù sótí ne wó rə́ fó vinyò ve saʼ, wáa lìm wán və Jotam vinyo vìn vidzə̀m, a saʼ woŋ.

2 Afòn 7:3

Vé shìvnsay ámóʼó‑oò dzə̀ akweè e shùu kày woó Samaria fo ndzə. Á nèn a ghay wún jii, «Vèsən kù dzə́ fèn ji kpúu wiy, e lì vèsən ji ka?

Kèʼlo 18:14

A dzə̀ kinyo ki ghàʼ Nyùy Tàr fo wù yii a? M wíy kfən, e yen wò e ghan sin, e kiya ke kí wiyì, a Sara sí kér wán lumèn.»

Efesor 3:14

M nen kfə̀n a màysì ke m kì gaʼan jii, mo Nyùy liìn ne ven sá ji və́ vee wír, m nén a tsəm e wun woo Tàr wòsə́n si, a bùnrì fo vèn.

2 Wòŋ 6:13

Wun woo Fòn Solomon‑eè ghàn ne fèr kitaàtì e kisha kee *brons ki, e tìír e ntìntìn maàndzə. Kí‑iì dzə̀ kóy e ntàm se kiwo si sibaà fó medà wùn à fó mbvə̀ʼ, a vida vee kóʼ é yuv ví dzə̀ é mbuù ntàm se kiwo sibaà fó koy. Wù nèn kòʼ é kitaàtì fèn, e tsə̀m ndzəə́ e màŋgòŋ e dzə̀m woó Isray si, e kù nàn wó rə́, yí wáa kìʼ yúv,

Maak 1:41

Mendzən mè rə́r Jesus, wù ràmsì kiwó, e kùm wír və̀y sho, e sùúy jii, «M kòŋ ne, bónén ri.»