Maak 1:32 - ŊWÀʼ NYÙY

³² Yiì lòo dzə e ŋkuùr, a ndzə jí ne, wíri lì vé yàsíi, e wìy, e yèn Jesus sho. Á kfən wìy sa e wír ve anyùyi‑iì jívir áwuneé.

Maak 1:32 Referans Kwoze

Matio 8:16

Yiì lòo dzə e ŋkuùr, wíri wáa wìykìr e wíri anín ve *anyùyi jívir áwune, a yen Jesus sho. Á wiy sho, wù súŋnin sùŋnín, anyùy vee shooyi nèn a màʼtì wír vìy, a nyeŋ. Wù kfən fèr aŋgàa yàsí ámóʼó adzə̀m.

Ŋwàʼ Luk 4:40

Shùy yiì lòo nəə́, wír ve vé‑eè kér aŋgàa yàsí aáwuné melaʼa nèn a lì, a wìy, a yen Jesus sho. A wìr fə̀m‑eè joy ka, á kù wìy sho. Jesus wáa neèr wó rə́ aáwuné vitu, á wáa bonén adzə̀m.

Maak 3:2

Wír ámóʼó nèn a shweʼ ji á koóy á lor wóo lor Jesus sho, a leéy ji a wù lòo dzə, e fèr wír woo shooy e kishiíy ké bam, bo áwune kòóy ne a kinyo.

Matio 4:24

Leŋ vəə́ nèn sàmèr, e dù, e mèé e wòŋ Siiria. Wíri wáa yu, a lì vé yàsíi, a wìy, a yen wun sho. Kìn wìr joy kfə́ə yàsí a dzə̀ woo ka, á kù wìy sho, wù fèr áwune adzə̀m. Kìn dzə̀ wír ve *anyùyi jívir áwune, kìn ve á gbu kimgbù, kìn ve virə́ʼ ví kpuun ne.

Maak 1:21

Wùn à Jesus ku nèn a ghan, e wìy dù, e mèé e ntèʼ yee Kapeenahum. Kishiíy kév ké bam ki gheén, Jesus ku nèn dù e ŋgày bùnrì yee fó, a yeʼéy wíri.

Matio 8:17

Jesus yiì bèy, kinyo ke Aysaya woo ŋgaà ntum Nyùy‑iì suuyin kí nèn ghèén. Wù‑uù sùúy jii, «Wù‑uù bèʼèy ayàsí vér, e kfə̀n màyìr nyár yér.»

Maak 1:31

Wù dù fo, e ghàr é kiwo, e nàn e yuv. Kinjàʼ kfə́ kí bónén, wù lò e yuv, a ker áwune, a yiír.

Ŋwàʼ Luk 4:41

Wír aníne wáa dzə ve anyùyi jívir áwune. Á wiy sho, anyùy vee shooyi nèn a fəəkír fo wír vee shooyí wùn, a nyeŋ. Lóo nyeŋ, á wàa waamé, a yòŋ Jesus jii, «À dzə̀ Wan Nyùy.» Jesus nèn a kàntì fo áwune wáa suŋnín, bìʼ fo áwune‑eè kiìn ji Jesus dzə̀ á *Mfə̀ə́r wo Nyùy‑iì kàʼàn.