Maak 1:27 - ŊWÀʼ NYÙY

²⁷ Wíri yén, a ker gháʼ, a ghaynín jii, kee ben ki sà dzə̀ ka á? Sà dzə̀ kfə́ə dùŋrì ye fíy yímóʼó á? Wìr və̀n kér vitaáví, kantì anyùy, aá yú a wun.

Maak 1:27 Referans Kwoze

Ŋwàʼ Luk 9:1

Jesus wìy lò, e yòŋrì wón və́ lìm vee nshòv sibaà e ghvə̀m adzə̀m. Á báʼtí, wù fó vitaáví ve dzə̀ á wàa jùm *anyùy ve á jívir wíri, e kfə̀n a fèr ayàsí.

Maak 7:37

Wíri wáa yu, a ker gháʼ ye tavíné, a suúy jii, «Vinyo ve Jesus yii vidzə̀m vi dzə̀ vijuŋ feyì. Wù lo, wù yiì, ansəərìi wàa yu vinyo, vindzə̀mer vi wàa suŋnín.»

Matio 15:31

Vindzə̀mer vi wáa suŋnín, virə́ʼ vé aŋkivkìr vi wáa kfən fo, antèŋe wáa ghan, amfìri kfə́n a yen sa virə́ʼ. Wíri yén bey, a ker gháʼ feyì, a burí Nyùy wìr veé Isray.

Matio 9:33

Jesus kàntì nyùy woo shooy, wù màʼtì, wù nèn kèʼ, a suŋnín. Màŋgòŋ wo wù‑uù dzəə̀n fó yén, a ker gháʼ, a suúy jii, bó á yòʼ‑oò yiì yèn á rá kinyò kee moo kin e wòŋ Isray.

Ŋwàʼ Luk 4:36

Wíri yén bey, a ker gháʼ, a ghaynín jii, jí se Jesus si sà dzə̀ é le ben a? Wù kér vitaáví, kantì anyùy, aá màʼtì a wíri.

Maak 10:32

Jesus wùn à wón və́ lìme nèn lò lèn, e lì dzə́ə Jerusalem, wù shém fó mbìy. Ghán yee shooyi tárír wón və́, e kfə̀n yiì, wír ve vé‑eè loòn fó bàmé wáa fàn. Jesus kfən lì wón və́ lìm vee nshòv sibaà, wùn áwune bàr wún, wù wáa naàrì kinyo ke kí wíy koóy wun,

Maak 10:24

Áwune yú, kí tárír áwune. Jesus nèn kfə̀n yòŋ jii, «Wónen, kí ghàʼ féyì fo wìr nəə́ e Nyùy mvə̀m saʼ.

Matio 8:9

M kì ji dzə̀ kí wàa dzə bèy, bìʼ fo m dzəə̀n sá, a dzə̀ m kù a yu jí wìr wo wù kér mo. A m sáʼ sa wóm woo shúu rər. M túm wír, wù kù nèn dù, jaŋ wo jaŋèn, wù kù nèn wìy. M suuy e kwàn wómé ji wú yii kin, wú kù nèn a yiì yiìn.»

Maak 1:26

Nyùy və̀y nèn màʼ wír və̀y e njà kimgbù, e rəə̀mé, e màʼtì wun.

Maak 1:28

Á ku nèn sàmèr kinyo kìy, léŋ Jesuse ghánén é ntèʼ seé Galeli foo fèy sidzə̀m.

Maak 16:5

Á nèn nə̀ə́ e sày, e yèn, a wánlè nsùm wùmòʼ dzə́ e koy yìyí, a wù máʼ kikúm ke fəvír kí, wún wóví beémé.

Maak 16:6

Wù suúy jii, «Lá vèn yòʼ a fàn. M kì ji vèn taʼ a dzə̀ Jesus woó Naasarer wo vé‑eè yuyrin é kintam. Vèn leéy ri lèmé fo vé‑eè neèrìn wun. Wù yòʼ dzə̀ə́ fo. Wù fəə̀ ne fo kpu.

Lim Aŋgàa Ntum 17:19

Áwune nèn lì Por, e dù sho fo dzə̀ʼə̀m atǎr ntèʼ ye á yoŋ ji *Aropagur, e sùúy jii, «Vèr koŋ fó kfə̀n yu yéʼéy yé ye fíy rə̀yi lèn kijuŋ.