Maak 1:21 - ŊWÀʼ NYÙY

²¹ Wùn à Jesus ku nèn a ghan, e wìy dù, e mèé e ntèʼ yee Kapeenahum. Kishiíy kév ké bam ki gheén, Jesus ku nèn dù e ŋgày bùnrì yee fó, a yeʼéy wíri.

Maak 1:21 Referans Kwoze

Maak 6:2

Á meé fó, wìy lòo dzə e kishiíy ké bam, wù nèn dù e ŋgày bùnrì, a yeʼéy wíri. Wír aníne yú kinyo ke wù yéʼeyì, a ker gháʼ, a ghaynín jii, wìr və̀n sà yèʼéy vin vee vinyo fo feé á? Wù sà lì vifií vee ben fo gha á? Wù sà ghàn é le, e bó a yiì viŋgaʼnìn ve vinyò ve wù ghán, yii vìn a?

Maak 1:39

Wù nèn a ghan woŋ Galeli woo shooy e dzə̀m, a fìʼtì kinyo ke Nyùy e ŋgày se bùnrì, e kfə̀n a kàntì anyùy ve vé‑eè jívir wíri, á wáa màʼtì áwune.

Matio 4:23

Jesus nèn lò, a ghan Galeli e dzə̀m, a fìʼtì sáʼka Nyùy wo juŋ e ŋgày se bùnrì, a naàrì mo sáʼ Nyùyi dzəə̀n. Wù kfə́n a fèr kfəə́ se yàsí wùn à ndzə́m e dzə̀m.

Lim Aŋgàa Ntum 17:2

Por nèn a dù e ŋgày bunrì foo fèy mo wù kù yii yii, a suŋnín wùn à wíri fó vishiíy vé bam vitaár, a toʼtí Ŋwàʼ Nyùy aáwune.

Lim Aŋgàa Ntum 18:4

Lóo dzə kishiíy ké bam ke wìr veé Juda kidzə̀m, wù kù dù aáwuné ŋgày bùnrì, a suŋnín wùn áwune, e kfə̀n a suŋnín wùn à wír veé Grik ve vé‑eè wiy foo, e fíʼ bìnèr áwune.

Matio 4:13

Yii bèy, e làa yòʼ a dzə aáwuné ntèʼ yee Naasarer. Wù dù, a dzə e Kapeenahum, e ghaa kibaŋ keé Galeli. A ntèʼ yee shooy dzə̀ é ghaa njàvìn rám Sebulun wùn à rám Navtali.

Ŋwàʼ Luk 13:10

Wìy lòo dzə e kishiíy ké bam kímóʼ kí, Jesus wáa yeʼéy wíri é ŋgày bùnrì yìmòʼ.

Ŋwàʼ Luk 10:15

Aà, ké ven vee wír veé Kapeenahum, vèn kwaʼtì ji Nyùy wíy koʼór ven, aá kúy, e mèé e yuv a? Àáy, wù wíy sèn sènèn, é vèn sə́y áàŋkfəə́ wòŋ.»

Ŋwàʼ Luk 4:16

Wù nèn wìy lò, e dù sa e ntèʼ yee Naasarer fo vé‑eè lìyìn wun. Kishiíy kév ké bam ki gheén, wù dù e ŋgày bùnrì mo wù kù‑uù yii du. Wù yiì lò, e nànèn ji wun‑éè yoŋ Ŋwàʼ Nyùy,

Maak 10:1

Jesus lò fo ntèʼ yee Kapeenahum, e dù e mbìv wòŋ yee Juda, e yiì lò, e tùm ndzə́v yee Jordan, e kfə̀n é mbìv wòŋ fèsə. Mo wù‑uù ghán bèy, màŋgòŋ kú a baʼtí e wun ghaŋ, wù wáa yeʼéy áwune mo wù kù‑uù yéʼeyì.

Maak 2:1

Vishiíy ví lòo tumsín, Jesus kfə́n é ntèʼ yee Kapeenahum. Wíri yú ji wù sì á fo laʼ,

Maak 1:20

Wù kfən jàŋ sa áwune. Á nèn màʼtì tàr wov wùn à vé lìme é kikoŋ, e dù, a ghan wùn à Jesus.

Maak 1:29

Jesus yiì fəə̀ fó ŋgày bùnrì fèy, e dù e Simon wùn Andru lav, a Jeem wùn Joon kì du sa wùn áwune.

Maak 1:33

Wír veé ntèʼ fóo fèy adzə̀me bánén é shùu lav fo wù‑uù dzəə̀n.

Maak 3:1

Jesus kfən dù, e nə̀ə́ e ŋgày bùnrì yìmòʼ, a wìr wùmòʼ dzə̀ fó, a kiwó ki kpú ne.

Ŋwàʼ Luk 4:23

Jesus lò, e sùúy aáwune jii, «Kù bèr ne shishàr, é vèn té ŋgàn e mǒ wùn jii, ŋgaà shìv, fer ri kitú ké ki. Virom ve vèr‑iì yú ji à kì shóʼ e Kapeenahum vìy, yiì ri sa lèn e věn ntèʼ fen.»