Maak 1:15 - ŊWÀʼ NYÙY

¹⁵ Wù‑uù fiʼtì jii, ghán se Nyùy‑iì sìysìn sí ghèén ne, a wù sí lo, a saʼ vifon və́. Wíri biner á melív mev, e biìmé sáʼka Nyùy wo juŋ və̀n.

Maak 1:15 Referans Kwoze

Matio 3:2

wíri biner á melív mev. Ghán se Nyùy sí lo, a saʼ vifon və́ sí sì á fo mentsə̀m.

Matio 4:17

Kèʼ fo ghan se Jesus‑eè kfənen é Galeli sìn, wù nèn kèʼ, a fìʼtì kinyo kfə́, a suúy jii, wíri wáa bìnèr a melív mev, ghán se Nyùy sí lo, a saʼ vifon və́ sí sì á fo mentsə̀m.

Efesor 1:10

Wù‑uù sìysì jii, ghán sí wíy gheén, é wun wáy vifá vidzə̀m e Kristu kiwo, kìn dzə̀ veé yuv, kìn dzə̀ veé nsay fèn, é wù tátí, é wùn à Nyùy kfə́n á ji kifá kimòʼón.

Lim Aŋgàa Ntum 20:21

Mò‑oò fiʼtì kinyo kimòʼón e wíri adzə̀m, kìn dzə̀ wír veé Juda, kìn bó yòʼ dzə̀ veé Juda jii, á biner melív mev, e kfə̀n fo Nyùy, e wày shilív e Tàr wòsən Jesus Kristu wùn.

Galatia 4:4

Ghán sí nèn wìy ghèén se Nyùy‑iì sìysìn ji wun wíy yiì kinyo ke wù‑uù kàʼàn. Wù túm Wán və é ndzə fèn, wù wìy, wiíy wùmòʼ dzəə́ wun, wù wáa dzə sa, a yu a dzə̀ fó nsər réŋréŋ mo vèsən‑eè yú.

Ŋwàʼ Luk 10:9

Vèn wáa fèr vé yàsíi é ntèʼ fóo fèy, e kfə̀n a fìʼtì ji ghán se Nyùy sí wìy a saʼ vifon və́ e wír vee shooyí mvəm sí sì á fo mentsə̀m.

Matio 10:7

Kinyo ke vèn wáa ghan, a fìʼtì ki dzə̀ jii, ‹Ghán se Nyùy sí lo, a saʼ vifon və́ sí sì á fo mentsə̀m.›

Daniel 2:44

«Atǎr saʼ vìne wíy lóo saʼ, é Nyùy woó yuv neer á rə́ yee sáʼ ye yí yòʼ wíy mày, a bó wír ámóʼó yòʼ wíy yu a fó sə, a saʼ. Yí wíy laàr a sáʼ afòn vìy, é yí may ŋkuuŋkùŋ, é nèn kù a tiy a sáʼ Nyùy rə̀n fo, e dù, e jòʼsì.

Ŋwàʼ Luk 24:47

Kí kfə́n a dzə jii, á kér fó wìy kèʼ fo Jerusalem, a fìʼtì vitúm vidzə̀m e mǒ yir ji wíri biner melív mev, é Nyùy laysin vinyo vév ve bi ví.

Ŋwàʼ Luk 10:11

‹Kibvər ke vèr liìn fo věn ntèʼ fen ki kìne mo vèr sí kfətì fo věr wuù. Kí ku kfə̀n e věn vitu. Yii bèy, vèn ku yòʼ a kiíy ji ghán se Nyùy sí wìy a saʼ vifon və́ sí sì á fo mentsə̀m.›

Daniel 9:25

Ku yuùrí kijuujùŋ, a kiíy jii, kèʼ mo ntum Nyùy‑iì fəən ji á baʼri Jerusalem, e siìr fo, ghán sí wíy shaà kiyá saàmbà, kàŋ saàmbà, e meé mo taà saʼ wo á yoʼon ne wíy wìy. Á wíy bom Jerusalem, e naŋsín dzə́ə seé mvə̀m sé laʼ wùn à virə́v vé kày vi, é wù tiím fó kiyá saàmbà, kàŋ nshòv sibaà e mntuùfú. Ghán sin si kù wíy a dzə sé ŋgeʼ.

Ŋwàʼ woó Rom 16:26

Nyùy nen yiì, vèsən kiíy lèn, a dìn fo aŋwàʼ aŋgàa ntum Nyùy mo vé‑eè sí gáʼ fo ŋgùʼ, a fìʼtì lèn e vitúm vi vidzə̀m. Aá kù fiʼtì a dzə̀ mo wun woo Nyùy wo wù dzəə̀n shó ghán sidzə̀m suuyin, é wíri wáa bìnkìr, a way shilív e wun wùn, a yu a dzə̀ fo wun.

1 Timoti 2:6

Wù‑uù fò kitú kfə́ ji wun tín wíri adzə̀m fo áwuné lǒn vinyò ve bi ví. Nyùy nèn dìn e ghan fóo fèy ji wun koŋ a ji wìr dzə̀m wìy lùŋ.

Titur 1:3

Ghán se wù‑uù sìysìn sí gheén lèn, wù nen yiì, á wáa fìʼtì kinyo kfə́, wíri wáa kiíy dzəʼə̀m yee shooy. A dzə̀ kíwun kee kinyo ke Nyùy wo wù luŋèr vèsən wayin e mǒ kiwo, e sùúy ji m wáa fìʼtì.