Maak 1:14 - ŊWÀʼ NYÙY

¹⁴ Ghán sí wìy lòo koʼtí, á koó Joon, e wày é sháŋ, a dzə̀ ghán se Jesus‑eè kèʼèn, a ghan e mbìv wòŋ yee Galeli, a fìʼtì sáʼka Nyùy wo juŋ fo.

Maak 1:14 Referans Kwoze

Matio 4:23

Jesus nèn lò, a ghan Galeli e dzə̀m, a fìʼtì sáʼka Nyùy wo juŋ e ŋgày se bùnrì, a naàrì mo sáʼ Nyùyi dzəə̀n. Wù kfə́n a fèr kfəə́ se yàsí wùn à ndzə́m e dzə̀m.

Matio 4:12

Jesus lòo yu, e yù ji á koò ne a Joon, e wày é sháŋ, wù nèn lò fo wù‑uù dzə́, e kfə̀n é mbìv wòŋ yee Galeli.

Efesor 2:17

Wù‑uù wìy é ndzə fèn ji wun fiʼti á sáʼka wo juŋ və̀n. A dzə̀ sáʼka woo mo dzə̀ wìr wàa dzə kijuŋ wùn Nyùy, kìn dzə̀ ven ve bó yòʼ dzəə̀n wír veé Isray ve bó á yòʼ‑oò kiìn Nyùy, kìn dzə̀ ver veé Isray ve á kiìn kinyo kfə́.

Ŋwàʼ Luk 8:1

Vishiíy ví lòo tumsín, Jesus wùn à wón və́ lìm vee nshòv sibaà e ghvə̀me nèn lò, a kfən, a ghan e mvə̀m sé laʼ, a ghan e ntèʼ sí. Wù wáa fìʼtì sáʼka Nyùy wo juŋ, a naàrì mo sáʼ Nyùyi dzəə̀n.

Lim Aŋgàa Ntum 28:23

Wùn à Por nèn kfə̀n sìysì kishiíy ke á wíy dzə̀ʼə̀m. Kishiíy kiy ki gheén, wíri báʼtí e Por lav aneénín, wù wáa sanrí kinyo ke Nyùy aáwune, e kèʼ fo kijàvndzə, e meé vitsə́ʼ, a fìʼtì mo sáʼ Nyùyi dzəə̀n. Wù wáa yòŋ vinyo fo Ŋwàʼ Nsər Mooser, e kfə̀n a yòŋ fo Ŋwàʼ Aŋgàa Ntum Nyùy, a mùm fó bìnèr áwune, aá biímé Jesus.

Matio 9:35

Jesus nèn lò, a ghan e mvə̀m sé laʼ, e kfə̀n a ghan ntèʼ see fó sidzə̀m, a yeʼéy wíri é ŋgày se bùnrì, a fìʼtì sáʼka wo juŋ woo kùm sáʼ Nyùy. A wù ghán bèy, fer kfəə́ se ayàsí wùn à ndzə́m e dzə̀m.

Lim Aŋgàa Ntum 20:25

«Ke m kiìn lèn ki dzə̀ jii, vèn yòʼ dzəə́ wìy yen sí yém, mo və̀n wo mò‑oò ghán e věn mvəm, fiʼtì mo sáʼ Nyùyi dzəə̀n.

Matio 14:2

e nèn a suúy aàtǎr wòŋ vəə́ jii, Jesus wo á suuy və̀n dzə̀ á ŋkfə Joon woo Ŋgaà Wáyndzəv mo wù fəən fó kpu. Á kinyo ke kí yiìn, bo wù wáa ker vitaáví, a shoʼ a virom vìn.

Ŋwàʼ Luk 3:20

Heror nèn màysì, e jònèr, e sùúy, á koó Joon, e fìn e lav sháŋ.

Matio 11:2

Wáa dzə e ghan see shooy, a Joon woo Ŋgaà Wáyndzəv sì é sháŋ. Wù yú vinyo ve Jesus woo *Mfə̀ə́r mumè, e tùm wón və́ lìm jii, á du, e dzə̀r shó a jii,

Matio 4:17

Kèʼ fo ghan se Jesus‑eè kfənen é Galeli sìn, wù nèn kèʼ, a fìʼtì kinyo kfə́, a suúy jii, wíri wáa bìnèr a melív mev, ghán se Nyùy sí lo, a saʼ vifon və́ sí sì á fo mentsə̀m.

Ŋwàʼ woó Rom 1:1

Ŋwàʼ və̀ne sàŋ mo woo Por, a m dzə̀ kém ji ŋgaà lìm Jesus Kristu. Wù‑uù lì mo ji m wáa dzə ŋgaà ntum və, e lèm ji m wáa fìʼtì a sáʼka Nyùy wo juŋ.