Maak 1:13 - ŊWÀʼ NYÙY

¹³ Wù dù, e shìíy fo kishiíy mkweè, a dzə fo wùn à nyám se kwaʼ si, Satan wáa wìy, a mùm wun ji wù jáy kinyo, nshèelav se Nyùy si wáa leéy fo wun.

Maak 1:13 Referans Kwoze

Hibru 4:15

a kiíy jii, taà cù wòsən wo kuʼùn və̀n dzə̀ réŋréŋ moo vèsən. A dzə̀ wù kìíy kinyo ke kí gháʼ vèsən kidzə̀m, bìʼ fo wù‑uù dzə́ e nsay fèn, a vinyo vi mum wun réŋréŋ mo ví mum vèsən, a bó wù yòʼ‑oò yiì jày kímóʼ kí gheéy.

Ŋwàʼ Fəə 34:28

Mooser dzə̀ʼə̀m wùn Nyùy Tàr fó kishiíy mkweè, à vitsə́ʼ ví mkweè, a bó wù yòʼ yí kibán, a bó wù yòʼ nó mendzə́v. Wù nèn sàŋ ntò se mensàŋ e viwàŋ ve tiy fey, a dzə̀ nsər se Nyùy see ghvə̀m.

Matio 26:53

Bó à yòʼ kì jii, a kì dzə̀ ji vindzəʼ, m lòn, Tàr wor tsə̀nsí nshèelav sə́ ansə̀kì ansə̀kì kàŋ mòʼón à?

Remrí 9:25

«Á bèy, m neèm kfə̀ə́kfəv e Nyùy Tǎr si vishiíy vee mkweè vìn, à shùy, à vitsə́ʼ, bìʼ fo Nyùy Tàr‑iì yòŋèn ne ji wun kù yíi laàr a ven.

Remrí 9:18

«E ghan sin, m kfən siì neèm e Nyùy Tǎr si kfə̀ə́kfəv kishiíy mkweè, à shùy, à vitsə́ʼə́. Bó m yòʼ‑oò lo yì kifá, kìn ji m nó shindzə́v. Mò‑oò yiì bey, bìʼ vinyo ve bi ví vidzə̀m ve vèn‑eè yiìn, ví wáa bir Nyùy Tàr, e sə̀ʼsì dòʼshwíiy və shó.

Remrí 9:11

Vishiíy vee mkweè vìy vi shaà bèy, é bo Nyùy Tàr fó viwaŋ ve tiy vee vibaà e mò, a ntò se *mensàŋ si dzə̀ shó.

1 Timoti 3:16

A dzə̀ vèsən wàa binsí ji kinyo ke toʼon Nyùy, é bo vèsən kiíy mo dzə̀ á ghvə̀m wun kìn kí dzə̀ rú kinəə́nén. A kí dzə̀ jii: Kristu‑uù wìy, e lì mbom wìr, Kiyoy ke Ranén kí bínsí wun, nshèelav se Nyùy si kfən yèn wun. Á wáa fìʼtì woŋ sidzə̀m mo wù dzəə̀n, wíri wáa way shilív é wùn wó virə́ʼ vidzə̀m. Nyùy kfən lì wun, e kòʼór e wùn ghaŋ.

Ŋwàʼ Fəə 24:18

Wù nèn nə̀ə́ e mvə̀m mbàʼ, e kòʼ é kitu ke gwan. Wù‑uù dzə̀ʼə̀m fó kishiíy mkweè, e shùy wùn à vitsə́ʼ.

Matio 4:1

Mo Kiyoy ke Nyùy ki wìyìn fo Jesus, e nèn tsə̀nsí ji wù du é kwaʼ, é Satan mum wun fo.

Ŋwàʼ Luk 4:1

Mo Joon wayin Jesus e ndzəv yee Jordan, wù nèn lò, a dù, Kiyoy ke Ranén kí wáa run e wùn shiliv, e yiì, wù dù e kwaʼ. Kí wáa dànèr wun fo kishiíy mkweè, Satan wáa wìy, a mùm ji wù jáy á kinyo. A Jesus dzə́ e kwaʼ bèy, e làa yòʼ a yi kifá gheéy. Ghán see shooy si wìy mày, jìŋ wáa yar wun.