Maak 1:11 - ŊWÀʼ NYÙY

¹¹ Jì wìr súŋnín fó yuv jii, «À dzə̀ Wán wom, m koŋ wò feyì, m shéʼri wò e ŋàŋ.»

Maak 1:11 Referans Kwoze

Aysaya 42:1

Nyùy Tàr suuy jii: «Vèn yén, ŋgaà wom lìm və̀ne, wun wo m tómé. Dzə̀ wun wo m shoʼon, a shilív shém shí tíy a dzə̀ é wùn wó. M fò ne Kiyoy kém, kí wáa shìy wun, a wù wíy dànèr vitúm, aá wáa ker sáʼ yee réŋ.

Maak 9:7

Kù mo wù suuy bèy, mbàʼ yìmòʼ nèn wìy, e tìím aáwuné kitu. Áwune yú, a jì wìr súŋnín fó mvə̀m mbàʼ foo fèy jii, «Və̀n dzə̀ Wán wom, m koŋ wun feyì. Vèn wáa yuurí kinyo a dzə̀ kfə́.»

Matio 3:17

Jì wìr súŋnín fó yuv jii, «Və̀n dzə̀ Wán wom, m koŋ wun feyì, m shéʼri wun e ŋàŋ.»

Nsùyrì Nyùy 2:7

Fòn suuy kfə́ jii, «M yíi a fìʼtì sáʼ Nyùy Tàr. Wù‑uù sùúy e mò jii, ‹À dzə̀ wán wom, a m sì tàr won lán.

Kolosia 1:13

Wù‑uù fə̀ə́r ne vèsən fó saʼ yeé ndzə vitsə̀ʼ, e wày a dzə̀ é saʼ ye kér Wán və wo wù koŋ e ŋàŋ.

Ŋwàʼ woó Rom 1:4

Wù biímé kinyo ke Tàr wov Nyùy shilív shidzə̀m, e wìy kpù, Nyùy nèn fə̀ə́r wun woo Taàtá wòsən Jesus Kristu və̀n fo kpu, e dìn ji Wán və wo wù sí tíy vitú fo vifá vi vidzə̀m.

Joon 3:16

«Nyùy kòŋ ne wír veé ndzə adzə̀m e ŋàŋ, e fò màyshó Wan və ji wìr dzə̀m wo wù wáy shilív é wùn wó luŋ, a ker dzəʼə̀m yee là may, e làa yòʼ nəə́ e ŋgeʼ yee là may.

Joon 5:37

Tàr wor wáa tum mo, a wù‑uù sí rə́si naarì mo m dzəə̀n, a bó vèn yòʼ yii yú mo wù súŋninè, a bó á yòʼ yén sa mo wù dzəə̀n.

Joon 1:34

Mo m yenen, m nén a fìʼtì wír və̀n ji dzə̀ á wùwun wo dzəə̀n Wan Nyùy.»

Ŋwàʼ Luk 9:35

Jì wìr súŋnín fó mvə̀m mbàʼ foo fèy jii, «Wan wom wo m shoʼon və̀ne. Vèn wáa yuurí a dzə̀ kfə́.»

Matio 17:5

Kù mo wù suuy bèy, mbàʼ yìmòʼ nèn wìy, a yì rán ji rèké rèké, e tìím aáwuné kitu. Jì wìr súŋnín fó fo jii, «Və̀n dzə̀ Wán wom, m koŋ wun feyì, wù bòŋ mo é ŋàŋ. Vèn wáa yuurí kinyo a dzə̀ kfə́.»

Joon 6:69

Vèr wày ne shilív e wò wùn, e kìíy ji à lò rú fo Nyùy, aà dzə̀ Wan Nyùy.»

Matio 12:18

«Vèn yén ŋgaà wom lìm wo m shoʼon. M koŋ wun e ŋàŋ, a shilív shém shí tíy a dzə̀ é wùn wó. M wíy fo Kiyoy kém shó, é wù wáa fìʼtì sáʼ ye dzəə̀n yee réŋ e vitúm ve bó yòʼ dzəə̀n wír veé Isray vi.

Maak 1:10

Jesus lòo fəə fo ndzəv, e kù nèn yèn, a shúu yuví mvə́ʼə́m, Kiyoy ke Nyùy ki sə́ʼə́y fó fo e njà kibìŋ, e tìím e wùn kitu.

Ŋwàʼ Luk 3:22

Kiyoy ke Ranén kí sə́ʼə́y fó fo e njà kibìŋ, e tìím e wùn kitu. Jì wìr súŋnín fó yuv jii, «À dzə̀ Wán wom, m koŋ wò feyì, m shéʼri wò e ŋàŋ.»