Maak 1:10 - ŊWÀʼ NYÙY

¹⁰ Jesus lòo fəə fo ndzəv, e kù nèn yèn, a shúu yuví mvə́ʼə́m, Kiyoy ke Nyùy ki sə́ʼə́y fó fo e njà kibìŋ, e tìím e wùn kitu.

Maak 1:10 Referans Kwoze

Ŋwàʼ Luk 3:22

Kiyoy ke Ranén kí sə́ʼə́y fó fo e njà kibìŋ, e tìím e wùn kitu. Jì wìr súŋnín fó yuv jii, «À dzə̀ Wán wom, m koŋ wò feyì, m shéʼri wò e ŋàŋ.»

Matio 3:16

e wày wun e ndzəv. Kù mo Jesus fəə́ fo ndzəv, shúu yuví mvə̀ʼə̀m, wù yén, a Kiyoy ke Nyùy ki sə́ʼəy fo fo e njà kibìŋ. Kí wìy, e dzə̀ʼə̀m e wùn kitu.

Aysaya 64:1

Éè Nyùy Tàr, la à kù si shùʼ rì yúv, e sə̀y é nsay, e lùŋèr ver a? Kii wò, ku sə̀y, áàgwane yén wò, a fàn, a yàʼ.

Aysaya 42:1

Nyùy Tàr suuy jii: «Vèn yén, ŋgaà wom lìm və̀ne, wun wo m tómé. Dzə̀ wun wo m shoʼon, a shilív shém shí tíy a dzə̀ é wùn wó. M fò ne Kiyoy kém, kí wáa shìy wun, a wù wíy dànèr vitúm, aá wáa ker sáʼ yee réŋ.

Esiker 1:1

Yì‑iì dzə̀ é kishiíy kee tàn, e ŋwee woo kweè, a m sí du kiyá mtaár, shúu yuví mvə̀ʼə̀m, m yén Nyùy e njà kinjeenjèm. Kù‑uù yèn mo woo taà cù Esiker woo wan Busi kinyo kìn, a m dzə̀ é ŋgoo wìr veé Juda ve vé‑eè koorin fó Jerusalem, e dù sho e Babilon, e lèm e ghaa ndzəv yee Kebar. Ghán sin si‑iì dzə̀, a Fòn Jehoyiacin dzə́ʼə́m ne e kwaʼ nsàm viyá vitàn. Nyùy Tàr nèn lò, a suŋnín e mò, vitaáví və́ ví nəə́ e mǒ wùn, m yú.

Maak 1:9

Wáa dzə e ghan see shooy, Jesus nèn lò fo Naasarer e mbìv wòŋ yee Galeli, e wìy, e yèn Joon, wù wáy wun e ndzəv yee Jordan.

Maak 1:11

Jì wìr súŋnín fó yuv jii, «À dzə̀ Wán wom, m koŋ wò feyì, m shéʼri wò e ŋàŋ.»