Maak 1:1 - ŊWÀʼ NYÙY

¹ Kin ki dzə̀ sáʼka wo juŋ woo kùm Jesus Kristu woo Wan Nyùy.

Maak 1:1 Referans Kwoze

Joon 20:31

Á nén a saŋ vin bèn ji vèn fiʼ biìmé a ji Jesus dzə̀ *Mfə̀ə́r, a dzə̀ Wan Nyùy. Vèn biíme, wáy shilív é wùn wó, é wù nèn yiì, é vèn wáa ker dzəʼə̀m yee là may.

Matio 17:5

Kù mo wù suuy bèy, mbàʼ yìmòʼ nèn wìy, a yì rán ji rèké rèké, e tìím aáwuné kitu. Jì wìr súŋnín fó fo jii, «Və̀n dzə̀ Wán wom, m koŋ wun feyì, wù bòŋ mo é ŋàŋ. Vèn wáa yuurí kinyo a dzə̀ kfə́.»

Matio 4:3

Satan woo ŋgaà mùm wìy, e sùúy sho jii, «Mo à dzəə̀n Wan Nyùy, suúy ri, é tíy sin si binkir ji ntuʼ se kiban, áà yí.»

Matio 14:33

Wón lìm ve vé‑eè dzəə̀n é kikoŋe nèn tsə̀m e Jesus si, a shòŋrì jii, «À dzə̀ rú Wan Nyùy.»

Matio 3:17

Jì wìr súŋnín fó yuv jii, «Və̀n dzə̀ Wán wom, m koŋ wun feyì, m shéʼri wun e ŋàŋ.»

Ŋwàʼ woó Rom 8:3

Nyùy yiì ne kinyo e mǒ wùn, a bó m yoʼ lò, a tùr a dzə̀ fó nsər, m yiì, bìʼ fo mensə́ mem mè yòʼ koŋ kinyo ke nsər suuyì. A kí dzə̀ jii, Nyùy‑iì tùm Wán wo dzəə̀n və́ə, wù wìy, e lì mbom a dzə̀ ye wìr wo wù yii vinyo ve bi ví. Wù‑uù kpù fo wírí ajay, nèn ndzəə̀r vitaáví vé vinyò ve ví lim aáwuné wùn vee shooy.

Joon 1:14

Á mo Jínyùy‑iì wìyìn, e lì mbom wìr, a dzə wùn à wíri, a kòŋ áwune féyì, a dìn rú mo Nyùy dzəə̀n, vèr wáa yen vikuʼùy və́. A kù dzə̀ vikuʼùy vé Tàr wov, bìʼ fo kù jòʼsìn wun wo dzəə̀n Wan Nyùy.

Joon 6:69

Vèr wày ne shilív e wò wùn, e kìíy ji à lò rú fo Nyùy, aà dzə̀ Wan Nyùy.»

Joon 3:16

«Nyùy kòŋ ne wír veé ndzə adzə̀m e ŋàŋ, e fò màyshó Wan və ji wìr dzə̀m wo wù wáy shilív é wùn wó luŋ, a ker dzəʼə̀m yee là may, e làa yòʼ nəə́ e ŋgeʼ yee là may.

Joon 1:49

Nataniar nèn yòŋ ji «Ŋgaà Yèʼey, à dzə̀ rú Wan Nyùy. À dzə̀ Fon woó Isray.»

Joon 1:34

Mo m yenen, m nén a fìʼtì wír və̀n ji dzə̀ á wùwun wo dzəə̀n Wan Nyùy.»

Ŋwàʼ Luk 1:35

Nshìylav Nyùy bìnèr sho jii, «Kiyoy ke Ranén kí yíi wìy fo wò, é Nyùy woo Taà Vitu yii e vitaáví və́ ví, áà tiím bvəm. Bìʼ bey, aá nèn wìy a yòŋ wán woo shooy ji wo ranén, e kfə̀n a yòŋ ji Wan Nyùy.

Nsùyrì Nyùy 2:7

Fòn suuy kfə́ jii, «M yíi a fìʼtì sáʼ Nyùy Tàr. Wù‑uù sùúy e mò jii, ‹À dzə̀ wán wom, a m sì tàr won lán.

Ŋwàʼ woó Rom 8:32

Wun woo Nyùy kù wíy màysì, a yiì vinyo vìn e vèsən. Mo wù‑uù foon Wán və, wù kpú fo vèsən, e làa yòʼ a bavtí, bo vèsən kì ji wù yòʼ wíy kìm kifá kímóʼ kí fo vèsən gheéy.

Lim Aŋgàa Ntum 13:24

Bo Jesus və̀n wáa kèʼ lim rə́, a Joon‑eè sí fiʼtì e wír veé Israyi adzə̀m jii, á biner á melív mev, é wun wáy áwune é ndzəv.