Kintaŋ 13:3 - ŊWÀʼ NYÙY

³ Á bèy, Mooser nèn tùm wíri, aá dzə̀ é woʼ yee Paran, a wìr dzə̀m kù dzə̀ kilìmbìy kímóʼ kí fo kfəə́ se wìr veé Isray si.

Kintaŋ 13:3 Referans Kwoze

Kintaŋ 32:8

Kù á mo atàr véné‑eè yiìn ben e ghan se mò‑oò tumen áwune fó Kadesh‑Barnea ji á du, e shwèʼ woŋ woo shooy.

Kintaŋ 12:16

Kee shooy ki shaà, wír veé Israyi nèn lò fo Haserot, e dù, e tàm kibeey é woʼ yee Paran.

Remrí 9:23

Kfə́n a dzə ye Nyùy Tàr‑iì tumen ven fó Kadesh‑Barnea ji vèn du, e yòv nsay ye wù fó e vèn, vèn táv kitú fo Nyùy Tàr woo Nyùy won, e tèn fóo yiì mo wù yòŋèn. Vèn yòʼ‑oò lo wày shilív e Nyùy Tàr wón wùn, e bóo fə̀m a yunén jí rə.

Remrí 1:19

«Nyùy Tàr wìy lò, e yòŋ, vèsən ŋáʼáy fó Gwan Horev, e ghàn, e tòsín kirə́ʼ ké woʼ kí, a kí dzə̀ kiwíy, kfə̀n beéme. Vèsən‑eè tòsín, e dù e wír veé Amorí wòŋ, a fóo dzə̀ agwan agwan, e dù bèy, e bàʼ e Kadesh‑Barnea.

Remrí 1:23

Ntaŋ woo shooy‑iì ghèén mo féyì, m nèn shòʼtí wír nshòv sibaà e ghvə̀m fo věn mvəm, wír e mòʼón mòʼón fo ram yee shó.

Kintaŋ 13:2

«Túm wíri, aá du, e shwèʼ woŋ Kanan wo m sí yìi fo e wír veé Israyi. À yíi tum wír e mòʼón mòʼón fo ram yee shó, a kù dzə̀ wír wo dzəə̀n kilìmbìy e wun ram.»

Kintaŋ 13:4

A yír sév sí‑iì dzə̀ jii: Fo rám Ruben, yì‑iì dzə̀ Shammua woo wan Sakkur.

1 Samuel 25:1

Samuel wìy kpù, wír veé Isray adzə̀me báʼtí, e dzəə̀mè wun e wun laʼ e Rama, e nèn a dìy kpú rə́. Á màysì, Davir nèn lò, e sə̀y é woʼ yee Paran.

Kintaŋ 10:12

Áwune nèn ŋàʼáy fo woʼ yee Sinay fèy, a dù. Mbàʼ nèn wìy dù, e gbù e woʼ yee Paran.

Kintaŋ 13:26

Á wìy, e yèn Mooser wùn à Aaron, à màŋgòŋ e dzə̀m, aá dzə̀ é Kadesh e woʼ yee Paran, e naàrì mo ghán yéví‑iì dzəə̀n, e dìn báŋ se vici seé nsay foo fèy.

Kintaŋ 34:17

«Wír ve á wíy sə wò, e tàr nsay, e jàv ji vitsə́ʼ véné wíy a dzə taà cù Eleasar wùn Joshua woo wan Nun.