Kintaŋ 1:1 - ŊWÀʼ NYÙY

¹ Mo wír veé Israyi‑iì dzə́ e woʼ yee Sinay, lòo dzə e kiya ke kí‑iì meen ji baà mo áwune‑eè loòn fó Ejiv, wáa dzə e kishiíy ké mbìy ki é ŋwee woo baà, Nyùy Tàr nèn lò, e sùŋnín e Mooser e mvə̀m *kibàn ké ntàsín.

Kintaŋ 1:1 Referans Kwoze

Ŋwàʼ Fəə 25:22

Dzə̀ é shùu ŋkùv foo fèy fo wòsò wíy a tarnín. M wíy suŋnín e wò fo kintìntìn ke vifa vee vibaà ve ví dzəə̀n é kitu ke nsər ŋkùv mensàŋ, é m nèn a fo nsər sém sidzə̀m se dzə̀ à fò e wír veé Israyi.

Ŋwàʼ Fəə 19:1

Wír veé Israyi siíy, e lò fo Refidim, e wìy e woʼ yeé ghaa Gwan Sinay, e nèn tùy vibàn vév é sar gwan woo shooy. Vé‑eè mee fo e kishiíy fóo fèy, a sì ji ŋwee e baà.

Kintaŋ 9:1

Nyùy Tàr‑iì sùŋnín e Mooser e woʼ yee Sinay, e ŋwee mbìyi, e kiya ke kí‑iì meen ji baà, kèʼ mo wír veé Israyi‑iì fəən fó wòŋ Ejiv. Wù‑uù sùúy shó jii,

Cù 27:34

Á nsər se Nyùy Tàr‑iì foon e Mooser e Gwan Sinay ji wù yoŋ e wír veé Israyi ji á wáa yiì.

Cù 1:1

Nyùy Tàr súŋnín fó *kibàn ké ntàsín, e yòŋ Mooser, e sùúy sho jii,

Ŋwàʼ Fəə 40:17

Kibàn ké Nyùy Tàr kí nèn tìím e yuv é kishiíy ké mbìy ki fó ŋwee mbìyi e kiya ke kí‑iì meen ji baà, e kèʼ mo vé‑eè loòn fó Ejiv.

Ŋwàʼ Fəə 40:2

«Wíy lóo dzə e kishiíy ké mbìy ki fó ŋwee mbìyi, à nèn nàn kibàn kém ké ntàsín, é kí tiím é yuv.

1 Afòn 6:1

Wáa dzə e ŋwee woo baà wo á yoŋ ji Siv, e kiya ke Solomon‑eè sí sáʼ ji viyá vikweè, wù nèn kèʼ, a bàʼrì lav cù Nyùy Tàr, a sì kiyá kishóv mwaamé é ghiì kweè (480) mo wír veé Israyi‑iì loòn fó Ejiv.

Kintaŋ 1:18

wáa dzə e kishiíy ké mbìy ki fó ŋwee woo baà, wùn áwune báʼtí wír veé Isray adzə̀m, á táŋ áwune é kfəə sí kfəə si, mo rám sév sí dzə̀kìn. Á wáa taŋ, a saŋ yír sé vilum e kitu kitu, vee kèʼ fó kiya mbaà, a dù duùn fó mbìy,

Kintaŋ 12:4

Nyùy Tàr ku nèn lò, e jàŋ Mooser wùn à Aaron, à Miriam, e sùúy jii, «Ven vee wír ataári fəə́, e wìy e shùu *kibàn ké ntàsín.» Áwune vee wír ataári nèn fəə̀.

Remrí 1:3

Mooser nèn lò, e sùŋnín jí sìn e wír veé Israyi, a kiyá ki meé ne ji mkweè mo áwune‑eè kèʼèn, a ghan, a kishiíy kí‑iì dzə̀ kishiíy ké mbìy ki fó ŋwee woo nshòv mòʼón e ghvə̀m. Wù wáa remrí kinyo kidzə̀m ke Nyùy Tàr‑iì yòŋèn ji wù suúy aáwune.

Remrí 2:7

A dzə̀ vèn kù yiì bèy, bìʼ fo Nyùy Tàr woo Nyùy won‑eè səə̀vìn vinyo vidzə̀m ve vèn‑eè yii. Wù‑uù leey fo vèn, a vèn ghán, tósin nsay wòʼ ye wiy rə̀n. E viya vee mkweè vìn ve Nyùy Tàr woo Nyùy won‑eè dzəə̀n vèn áwune, vèn yòʼ‑oò tan kifá.›

Remrí 2:14

Yì‑iì sì kiyá nshòv waamé e mtaár, e kèʼ mo vèsən‑eè loòn fó Kadesh‑Barnea, e wìy a tum kiwoóy kin. Wáa dzə e ghan sin, a ŋgwàʼ yee ye mbìy dzə̀, a wìr wo dzə̀ wù dù rə́r réŋ ne, e mày fo kibeèy, kù mo Nyùy Tàr‑iì lìʼìn aáwune.