Kèʼlo 3:3 - ŊWÀʼ NYÙY

³ Yii bèy, Nyùy‑iì lo sùúy ji lá vèr yòʼ kfə̀r á kicí ke kí tíy e ntìntìn kiboò. Vèr wáa yen saa fóo kùm. A vèr mùm, bo vèr kpùkír a ne.»

Kèʼlo 3:3 Referans Kwoze

2 Korin 6:17

Nyùy Tàr nén a suúy jii: «Vèn fəə́ fo wír ve bó yòʼ dzəə̀n vémé mvəm, a dzə kén jeéy. Lá vèn yòʼ kùm kifá ke *kifàn kí, é vèsən fíʼ a dzə kijuŋ,

Ŋwàʼ Jov 1:11

Yii bèy, aà lò lèn, e sə̀ kifá kidzə̀m ke wù kérí, bo wù lo, e kuù wò e wò si.»

Kèʼlo 20:6

Nyùy nèn kù a suúy sho e njèm jii, «Rúrú, m kì ji à kì yiì kinyo kìn a vèn à shilív she ranén shí. Á kinyo ke kí kì yiìn, é bo m kim wò fo à jáy kinyo, e shìíy e wiíy və̀n. Aà kì lóo dzə, e yiì bèy, bo dzə̀ kinyo ke bi kí fo mò.

Kolosia 2:21

Aá wáa shìvìr ji lá vèn yòʼ ghàr kin, lá vèn yòʼ a yutí kísə, lá vèn yòʼ a kùm kímóʼ kí.

Ŋwàʼ Jov 19:21

«Éè vèn vee ŋkàr sem, vèn shám mendzən mem mè, vèn ku shàm mendzən mem mè. Nyùy dzə̀v ne mo e kiwó kfə́ kí, e màʼ e nsay.

Ŋwàʼ Jov 2:5

Yii bèy, aà lò lèn, e màʼ yàsí e Jov wùn, bo wù kuu wò e wò si.»

1 Wòŋ 16:22

Kantì bèy, suuy jii, ‹Lá wìr yòʼ làʼ kiwó e wír vém ve m yoʼoné kitu. Wìr wáa yen fó yiì kinyo ke bi kí aàŋgàa ntum vémé.›

1 Korin 7:1

M nén a tàʼ, e bìnèr lèn a dzə̀ fó kinyò ke vèn‑eè saŋen, e dzə̀r e mò. Dzə̀ rú, kí dzə̀ kijuŋ, a wìr fen yèn ji bó yòʼ dzə̀ wun kùm wiíy.

Kèʼlo 3:2

Wiíy bìnèr sho jii, «A dzə̀ vèr kfə̀r vicí veé kiboo fen vidzə̀m.

Kèʼlo 3:4

Yò nèn sùúy e wiíy jii, «Bó vèn yòʼ yíi kpu gheéy.