Kèʼlo 2:3 - ŊWÀʼ NYÙY

³ e səə̀vì kishiíy kee saàmbà kìy, e lèm jeéy ji kishiíy ke dzəə̀n kfə́. A Nyùy‑iì lem bèy, bìʼ fo dzəə̀n kishiíy ke wù‑uù meèmèn fo wun lìm ye wù‑uù lìmèn e dzə̀m, a dzə̀ ndzə ye wù‑uù bómé.

Kèʼlo 2:3 Referans Kwoze

Cù 23:3

vèn lim lim yéné vishiíy ntuùfú, yii bèy, kee saàmbà ki dzə̀ kishiíy ké bam ke vèn meeme é mbòŋén fo věn antàʼtìn, e bàʼtí, a bùnrì mo é virə̀ʼ vidzə̀m ve vèn dzə́ sho. Lá vèn yòʼ yiì lim yímóʼó gheéy. Dzə̀ kishiíy ké bam ke Nyùy Tàr.

Maak 2:27

Jesus nèn kfə̀n sùúy e wír vìyi jii, «Nyùy‑iì lèm kishiíy ké bam ji kí wáa sə wír. Wù yòʼ‑oò bòm wír ji wù wáa yu a dzə̀ fo kishiíy ké bam ki.

Esiker 20:12

M kfə̀n‑eè yiì, á wáa lèm vishiíy vém vé bam, ví wáa dzə kisəəm ké vèr áwune, aá fíʼ a kiíy ji yì‑iì yiì á mo woo Nyùy Tàr ji áwune wáa dzə jeéy ji wír vém.

Ŋwàʼ Luk 23:56

Áwune yiì kfə̀n fó laʼ, e bàʼtí biʼ ye rəʼtìné wùn à meŋgvə́r memoʼ mè, a dzə̀ vifá ve á yóʼ dzə́n wìr sho. Kishiíy kév ké bam ki gheén, áwune meèmè mo nsər yev dzəə̀n.

Ŋwàʼ Fəə 34:21

«Vèn wáa lìm líme vishiíy ntuùfú, lóo dzə e kee saàmbà ki, vèn meèmè. Lá vèn yòʼ lìm lim e kishiíy fóo fèy, kìn dzə̀ é ghan se á shev súm, kìn é ghan se á káv vifá.

Nehemia 9:14

Wò‑oò yèʼéy áwune, á kiíy kishiíy ké, e kù a bam ji kishiíy ké kee jeéy kí. À kfən tùm Mooser woo ŋgaà lìm wò, e nsər si wùn à sáʼ yée, à ntir sé si.

Ŋwàʼ Fəə 23:12

«Vèn wáa lìm líme kishiíy ntuùfú, lóo dzə e kee saàmbà ki, vèn meèmè, é nàʼ wìr wùn à kimbèʼbìy kfə́ kí meeme, é wír və́ kibàme rəsin, é kiŋgwìy ke kí lim fo wun ki rəsin sá.

Ŋgàn 10:22

Kisəəvì ké Nyùy Tàr kí dzə̀ vikuʼùy, a bó wù yòʼ yii bár mendzən sho.

Kèʼlo 2:2

Mo Nyùy màysìn lim rə́, lòo dzə e kishiíy kee saàmbà, wù nèn meèmè fo wun lìm ye wù‑uù lìmèn e dzə̀m,

Kèʼlo 2:4

Kin ki dzə̀ kimfèr mo yúv wùn à nsay‑iì dzəə̀n é ghan se Nyùy-iì bomen. A kí dzə̀ jii, Nyùy, wun woo Nyùy Tàr‑iì fèr nsay, e fèr yúv,

Kèʼlo 1:31

Nyùy leéy vifá vidzə̀m ve wù‑uù fèrìn, a ví dzə̀ vijuŋ e mbòómbòŋ. Á kijàvndzə wùn à ŋkuùr fo kishiíy ke kí meen ji ntuùfú.