Kèʼlo 2:2 - ŊWÀʼ NYÙY

² Mo Nyùy màysìn lim rə́, lòo dzə e kishiíy kee saàmbà, wù nèn meèmè fo wun lìm ye wù‑uù lìmèn e dzə̀m,

Kèʼlo 2:2 Referans Kwoze

Hibru 4:4

Yí kù‑uù sì, bìʼ fo vé‑eè lo yòŋ kishiíy kee saàmbà e kirə̀ʼ ké ŋwàʼ kímóʼ kí, e sùúy fo ji, «Lòo dzə e kishiíy kee saàmbà, Nyùy meèmè fo wun lìm e dzə̀m.»

Ŋwàʼ Fəə 31:17

Wíy a dzə kisəəm ké vèr à wír veé Isray ke kí jòʼsìn jii, mò‑oò bòm yúv wùn à nsay kishiíy ntuùfú, wáa dzə e kee saàmbà ki, m nèn màʼtì lim, e meèmè.› »

Remrí 5:14

a kee saàmbà ki dzə̀ kishiíy ké bam ke Nyùy Tàr woo Nyùy won. Lóo dzə e kishiíy fen, lá wìr yòʼ yiì lim, kìn dzə̀ ŋgaà lav, kìn wán və woo lumèn, kìn woo wiíy, kìn kwàn və́ woo lumène, kìn woo wiíyi, kìn nàʼ və, kìn kimbèʼbìy kfə́, kìn kfə́ə nyàm rə yìmòʼ, kìn kiŋgwìy ke kí dzə́ e věn nsay. Vèn ku yiì, áàkwàn véné meeme sá moo ven.

Ŋwàʼ Fəə 23:12

«Vèn wáa lìm líme kishiíy ntuùfú, lóo dzə e kee saàmbà ki, vèn meèmè, é nàʼ wìr wùn à kimbèʼbìy kfə́ kí meeme, é wír və́ kibàme rəsin, é kiŋgwìy ke kí lim fo wun ki rəsin sá.

Joon 5:17

Jesus nèn lò, e tòʼ lám aáwune jii, «Bó Tàr wor yòʼ yii meemè lim, a bó yòʼ dzə̀ sá, m meèmè.»

Aysaya 58:13

Nyùy Tàr suuy jii: «A vèn lò, a lèm kishiíy kém ké bam ji kishiíy kee jeéy kí, e làa yòʼ a yiì vinyo vén é kishiíy fóo fèy, e kù a ker shií ji bo á kì rə́si kishiíy kee shoon, a yen ji dzə̀ kishiíy ben, a kí kér ghvə́m, e làa yòʼ a dù ghán yén é kishiíy fen, e làa yòʼ a dìy vinyo vén é kishiíy fen, e làa yòʼ a jaár kisúŋnìn,

Kèʼlo 1:31

Nyùy leéy vifá vidzə̀m ve wù‑uù fèrìn, a ví dzə̀ vijuŋ e mbòómbòŋ. Á kijàvndzə wùn à ŋkuùr fo kishiíy ke kí meen ji ntuùfú.

Hibru 4:10

A kí dzə̀ jii, wìr nəə e Nyùy kirə̀ʼ fóo fèy, wù nèn meèmè fo wùn lìm e dzə̀m, mo Nyùy‑iì meèmèn fo rəə́.

Kèʼlo 2:3

e səə̀vì kishiíy kee saàmbà kìy, e lèm jeéy ji kishiíy ke dzəə̀n kfə́. A Nyùy‑iì lem bèy, bìʼ fo dzəə̀n kishiíy ke wù‑uù meèmèn fo wun lìm ye wù‑uù lìmèn e dzə̀m, a dzə̀ ndzə ye wù‑uù bómé.

Ŋwàʼ Fəə 31:15

Vèn lim líme vishiíy ntuùfú, lóo dzə e kee saàmbà ki, bo sì kishiíy ké bam, kishiíy ke á meeme bìʼ Nyùy Tàr, a dzə̀ kishiíy kee jeéy kí. A wìr lìm kifá e kishiíy fen, bo á kù yúyri ŋgaàŋ.