Kèʼlo 1:3 - ŊWÀʼ NYÙY

³ Nyùy nèn sùúy jii, «Ráne wáa dzə.» Yí ku nèn a dzə.

Kèʼlo 1:3 Referans Kwoze

2 Korin 4:6

Yì‑iì mvə̀ʼ Nyùy vifií vér, é bo vèr yén rán, a kiíy Jesus. A kù dzə̀ wun woo Nyùy wo wù‑uù suuyin fó shuù ji ndzə rán, yì nèn ràn. Vèr nén a yen mo vitaáví vé Nyùy vi lim e Kristu wùn, a kiíy mo wun woo Nyùy ghaʼan.

Joon 1:5

Rán yee shooyi ku nèn a ban, a kàʼày ndzə vitsə̀ʼ, a bó ndzə vitsə̀ʼ yòʼ‑oò lo ndzə̀mér gheéy.

Aysaya 45:7

Kù‑uù yiì mo və̀n, é bo rán wùn à ndzə ye sənér wáa dzə. Kù maʼ mo kisəəvì e wíri, a kù maʼ mo ŋgeʼ. Dzə̀ mo Nyùy Tàr, a yii mo vinyo vìn vidzə̀m.

Aysaya 60:19

Vèn yòʼ kfə̀n wíy a shìy a dzə̀ shúy, kìn ŋwee ji wú wáa ban, a fo ven rán. Kù wíy a dzə Nyùy Tàr woo Nyùy won rán ye yí gòʼòn kàŋ mòʼón. Kù dzə̀ wun wo wù wíy gòʼ ji viwìr vén.

1 Joon 1:5

Vèr‑iì yù kinyo ke m fer e vèn kin a dzə̀ fo wun woo Wan Nyùy. A kí dzə̀ jii, bó Nyùy yòʼ yii ghán e ndzə ye sənér, yii vinyo ve bi ví. Wù dzə̀ kfə́ ji rán.

Efesor 5:8

Vèn yòʼ dzəə́ ghán e ndzə ye sənér moo vee shooy vee wír. Vèn sì kén wír Nyùy, a vèn sí kér rán. Vèn ku nèn a ghan moo wír ve á sí yén rán.

Joon 1:9

A dzə̀ ŋgaàŋ wo wù fó rán yee rán e wìr dzə̀m, a wù‑uù sí wiy e ndzə fèn.

Joon 3:19

A dzə̀ á kù lì lòn, bìʼ fo rán ye yí loòn fo Nyùyi wìyìn ne e ndzə fèn, á kú a kòŋ fó a ghan a dzə̀ é ndzə ye sənér, bìʼ fo á yii vinyo ve bi ví.

Nsùyrì Nyùy 33:6

Nyùy‑iì sùŋnín suŋnín, yúví nèn a dzə e bómén, e yòŋ yòŋèn fó shuù, vifá veé yuv ví nèn a dzə.

Nsùyrì Nyùy 148:5

Vifá vìn vi kú a burí Nyùy Tàr, bìʼ fo wù‑uù suuyin, ví ku nèn a dzə.

Nsùyrì Nyùy 97:11

Wír vəə́ wáa sheʼrí wun mo á shéʼri ndzə ye yì ráné. Wír ve melív mev mè dzəə̀n tìítiyi wáa yu vijuŋ adzə̀m.

Nsùyrì Nyùy 33:9

Wù‑uù súŋnin, kí nèn kù a dzə e wun jì. Wù fó sáʼ, kifá kidzə̀m ki nèn kù fəə̀sín.

1 Joon 2:8

A Jesus‑eè ló a lèm nsər yee shoon, á wáa yen e fíy. Aá kfə̀n sí yén sa lèn mo vèn lemè. A dzə̀ yìwun ye m sáŋ fo vèn, a yì yénsin e fíy, bìʼ fo ndzə ye sənér sí shaa, a ye ranén wiyì.

Efesor 5:14

Á kinyo ke kí‑iì yiìn, é bo á yoŋ kinyo kímóʼ kí jii: «Wò woo ŋgaà mbuùné, yìmène. Fəə́ fó sày ye à néŋ sho, é Kristu fó wò rán.»

Nsùyrì Nyùy 104:2

rán yée súm sá wò bèy. Wò‑oò bòm yúv, e nàsì moo kibàn ke tamén kí,

Ŋwàʼ Jov 38:19

«À kù yòʼ kì fo ráne lo a, e kìíy fo ndzə ye sənér lo a?

1 Timoti 6:16

Kù mày wun wo wù gòʼòn kàŋ mòʼón, a wù dzə̀ a dzə̀ e wùn mvə̀m ran ye bó yòʼ dzə̀ wìr bàv fó ghaŋ. Bó wìr yòʼ‑oò yiì ne shòv wun e si, a bó wìr yòʼ wíy shov. Dzə̀ wun wo dzə̀ á kù a ghvəm. Sáʼ rəə́ kú a dù fo mbìy viyá viyá là may. Amen.

Nsùyrì Nyùy 118:27

Nyùy Tàr dzə̀ Nyùy. Wù fò ne vèsən rán. Vèsən wáa kèʼ ŋkàʼ vən, a ker tám se vici é wo, a ghan sho, a kaarí kíy cù.

Ŋwàʼ Jov 36:30

Yén ri, wù yii, a kishèv ki ŋwaŋkìr, kaári fo wù dzə́, kfə̀n yii, a sár rìbà ndzə̀ví sə́n kfə́ ji cùm.

Joon 11:43

Wù suúy bey, e yòŋ kitávín jii, «Laasaror, fəə́ fèn.»

Matio 8:3

Jesus nèn ràmsì kiwó, e kùm sho, e sùúy jii, «M kòŋ ne, bónén ri.» Shìvnsay ku nèn mày fo wìr və̀y wùn, wù bónén.

Kèʼlo 2:4

Kin ki dzə̀ kimfèr mo yúv wùn à nsay‑iì dzəə̀n é ghan se Nyùy-iì bomen. A kí dzə̀ jii, Nyùy, wun woo Nyùy Tàr‑iì fèr nsay, e fèr yúv,