Kèʼlo 1:2 - ŊWÀʼ NYÙY

² Nsay‑iì dzə̀ kilàsir, a dzə ji nə̀ʼkìkì, e kfə̀n a dzə kisáŋ, a ndzə́v ye wiyí súm kitú ke nsay kidzə̀m, a virə́ʼ ví sə́n ji cùm, a Kiyoy ke Nyùy ki ghán e kitu ke ndzəv.

Kèʼlo 1:2 Referans Kwoze

Jeremia 4:23

M lèéy ne kitú ke nsay, e yèn a kí dzə̀ kilàsir, a dzə ji nə̀ʼkìkì, e lèéy yúv, e yèn a wú sə́n sənén ji cùm.

Nsùyrì Nyùy 104:30

À tsə́nsi kiyoy ké, kifá kidzə̀m ki wàa dzə kibómén, bo à fìyír ne kitú ke nsay.

Aysaya 45:18

Jí sìn si dzə̀ sé Nyùy Tàr. Dzə̀ wun Nyùy wo wù‑uù bomen yúv wùn à nsay. Wù‑uù lì ghán, e bònen nàvtì feyì ji ví fiʼ wìy shìíy. Wù yòʼ‑oò lo bòm nsay ji yì wáa tiy kisáŋ. Wù‑uù bòm ji wíri fíʼ a dzə sho. Kù dzə̀ wun wo wù yoŋ jii, «Dzə̀ mo Nyùy Tàr, a bó Nyùy wùmòʼ yòʼ kfə̀n dzə̀, e shaà mo.

Nsùyrì Nyùy 33:6

Nyùy‑iì sùŋnín suŋnín, yúví nèn a dzə e bómén, e yòŋ yòŋèn fó shuù, vifá veé yuv ví nèn a dzə.

Ŋwàʼ Jov 26:7

Wù‑uù sàŋrì yúv é kitu ke kirə̀ʼ, a fóo dzə̀ kisáŋ, e tìír kitú ke nsay e kirə̀ʼ, a kifá ki yòʼ tómé.

Ŋwàʼ Jov 26:14

Á bèy, vin vi dzə̀ə́ vimfìʼsìn fo viŋgaʼnìn ve vinyò ve wù yiìn ne. Vèsən kù yù cáʼ a dzə̀ menyorìn meshàr me wù yiìn. Yii bèy, a dzə̀ ké kiíy ki, bo dzə̀ kìíy la mo Nyùy tavin, e mèé.»

Nahum 2:10

Nineve sì é vifə̀m, wù sì é ŋgèŋgèr, a sì kirə́ʼ kisáŋ. Fane shèr ne melív me wíri, ŋkoŋ si shwáʼsín wíri shwáʼsín, vitaáví ví máy, síi sə́n wir dzə̀m sənén.

2 Korin 4:6

Yì‑iì mvə̀ʼ Nyùy vifií vér, é bo vèr yén rán, a kiíy Jesus. A kù dzə̀ wun woo Nyùy wo wù‑uù suuyin fó shuù ji ndzə rán, yì nèn ràn. Vèr nén a yen mo vitaáví vé Nyùy vi lim e Kristu wùn, a kiíy mo wun woo Nyùy ghaʼan.

Remrí 32:11

a geʼ aáwune mo lùŋ wo wiy yii géʼ e wóné. Wù yii yimrì wón fó laʼ, wù kù a feŋ, a kaarí e wóné kitu, lo, wù soòrí, á dzə̀ʼə̀m e wun vàv, wù wàa beʼ.

Ŋwàʼ Jov 38:9

Kù‑uù sə̀tí mo rìbà ndzə̀v e mbàʼ mo wìr màʼ ndzə̀y, e sùm e ndzə ye sənér, kù mo á boòtí wán é ndzə̀y,

Nsùyrì Nyùy 104:6

Wò‑oò fə̀ə́r rìbà ndzə̀v é kitu ke nsay, wù sə́tí nsay mo á sə̀tí a dzə̀ e ndzə̀y sí, ndzə́ví súm agwan.

Nsùyrì Nyùy 136:6

Vèn wáa fo vibeerì e wun wo wù‑uù bomen nsay, e sàŋrì e kitu ke ndzəv yeé loònsay. Koŋ ye wù koŋ wír vəə́ yòʼ wíy mày.

Nsùyrì Nyùy 148:7

Vifá veé nsay vi wáa burí Nyùy Tàr. Vigàgǎʼsòŋ veé ndzəv, à ndzə́v ye shoóné wáa burí wun.

Ŋgàn 8:24

Bo rìbà ndzə̀v wáa dzə, é ntòŋ sé ndzəv sí keʼ, a meekír, a mò‑oò sì.

Aysaya 31:5

Mo menə́n mè yii féŋ, kár aáwuné kitu ke laʼ, bo kù dzə̀ sá réŋréŋ mo Nyùy Tàr woo Taà Mànjòŋ wíy a kìŋsìn Jerusalem. Wù wíy a kìŋsìn fó, a sə fó, fo á laar. Wù wíy kìm ŋkàlaʼ, fo ŋgeʼ nəə́ áwune.»

Ŋwàʼ Jov 41:32

Yì lóo laʼ ndzə́v, lóo dù, yì fèr nsə̀ŋ, yì wàa fə̀ʼ, a njàʼkìr fo bàm, e yiì, rìbà ndzə̀v wàa fə̀ʼ, a fər moo fúv.