Joshua 9:9 - ŊWÀʼ NYÙY

⁹ Á bìnèr jii, «Akwàn vée wìy ntàmda, bìʼ fo vèr‑iì yuun ne léŋ Nyùy Tàr woo Nyùy won. Vèr‑iì lo yù kinyo kidzə̀m ke wù‑uù yiìn é Ejiv,

Joshua 9:9 Referans Kwoze

Joshua 9:24

Áwune bìnèr e Joshua jii, «Vèr‑iì fàn a dzə̀ kpú, e bó a yiì bèy. Vèr‑iì lo yù kijuujùŋ ji Nyùy Tàr woo Nyùy won yòŋ ne a e ŋgaà lìm və woo Mooser ji wun wíy way a nsay rə̀n e věn kiwo. Vèn wíy lòo nəə́, é wun laàr á wir dzə̀m wo wù dzə́ sho.

Remrí 20:15

Á mo vèn wíy a lovtí e ŋkà se laʼ se sí dzəə̀n kwaʼda fo wòŋ wo vèn wíy a dzə shoo bey.

Aysaya 66:19

e nèn kìíy kfə́ə wìr wo dzəə̀n mo, dzə̀ fó kisəəm ke m wíy dìn, a dzə̀ ŋgeʼ ye ghaʼán. «Wír ámóʼó wíy bòykìr, é m tsə́nsí áwune é vitum, aá du é Tarshish, e dù e Put, e dù e Lud fo wír vee fóo maʼ vinte. M wíy tsənsí ámóʼó é Tubal, e tsənsí e Javan, e tsənsí sa e vitum ve ví dzəə̀n é ŋguùŋè rìbà ndzə̀v. Vitúm vìn vi yóʼ ne yù yír yém ye yí dunìnè, e bóo yen vikuʼùy vém. Vé ntum vìne wíy a dù vitúm vidzə̀m, a fìʼtì mo vikuʼùy vém ví dzəə̀n.

Aysaya 55:5

Bìʼ bey, wù wíy a lì vitúm, a wìy sho fo mǒ wùn. Vitúm, a bó wù yòʼ kì, a ví yòʼ kì sá wun. Ví wíy a leʼ, a wìy ji ví fiʼ tàtí ven, bìʼ mo woo Nyùy Tàr woo Nyùy won. Á wíy a wìy, bìʼ fo mo woo Ŋgaà wo Ranén woó Isray bùʼùn ne ven e vikuʼùy ví.»

Nsùyrì Nyùy 148:13

Vifá vìn vidzə̀m vi kú a burí Nyùy Tàr. Yír Nyùy Tàrí shaà yír sidzə̀m. Vikuʼùy və́ ví kùʼ, e shaà yúv wùn à nsay.

Nsùyrì Nyùy 83:18

Yìi, aáwune kiíy ji kù jòʼsì wò Nyùy Tàr, a kiíy ji kù dzə̀ wò Taà Vitu wo wù sáʼ kitú ke nsay.

Nsùyrì Nyùy 72:19

Á wáa burí yír rə́ ghán sidzə̀m. Vikuʼùy və́ ví ku rùn kitú ke nsay. Amen, Amen.

Nehemia 9:5

Wír veé ram Levi vee ji Jeshua wùn à Kadmiel, à Bani, à Hashavneya, à Sherebia, à Hodia, à Shebania, e lì Petahia, á nèn yòŋ jii, «Vèn lo lèn, a burí Nyùy Tàr woo Nyùy won, wun wo wù‑uù siìn, a wù kù wíy a dzə ghán sidzə̀m. Á kú a burí yír rə́ ye yí kùʼùn, e shaà mo a dzə̀ wìr kwà, e kfə̀n shòŋrì.»

1 Afòn 8:41

«Wíri wíy a yu leŋ wó wùn à viŋgaʼnìn ve vinyò ve à yii e wír vée, a wìy. Kiŋgwìy ke yòʼ dzəə̀n wir Isray ki lóo wìy fo kitum kímóʼ kí kwaʼda, bìʼ yír yé, lóo bùnrì, lóo leéy lav cù rə̀n,

Kintaŋ 14:15

Aà lò lèn, e laàr wír vìn, bo vitúm ve ví yuun leŋ wó vi yíi a suúy jii,

Ŋwàʼ Fəə 15:14

Vitúm vi wíy yu, a yàʼ, tímé wíy kpu wír veé Filistia.

Ŋwàʼ Fəə 9:16

Yii bèy, e fíʼ dìn vitaáví vém e wò, e kfə̀n yiì, aá samer yír yém kitú ke nsay kidzə̀m, m nen màʼtì wò, à wáa dzə sho e tin.

Lim Aŋgàa Ntum 8:7

*Anyùy ve á jívir wírií lo, á wàa rəəmé, a fəəkír fo wírí wùn, á wàa bonén anín, aàŋkivkìr wùn aàntèŋe bónen sa nyanyày.

Kintaŋ 20:14

Mooser nèn tùm wíri fó Kadesh ji á du, e yèn á fon woó Edom, e sùúy a sho ji wír fòn vee wón Israyi suuy a jii, fòn kì á ŋgeʼ sidzə̀m se sí kooyin ver.

Joshua 9:10

e kfə̀n yù ke wù‑uù yiìn áàfon veé Amor vee abaà ve á dzəə̀n é ndzə̀n Jordan fèsə, vee ji Sihon woo fon woó Heshbon, à Og woo fon wìr veé Bashan, a wù dzə́ e Ashtarot.

Joshua 9:16

Mo á gwàrìn mensaŋ bèy, vishiíy ví shaà vitaár, wír veé Israyi kiíy ji wír vìyi kù dzə́ a fo ghaŋ.

Joshua 9:17

Á nèn ŋàʼáy, a dù fo. Á ghán vishiíy vitaár, e nèn mèé e wír vìyí ŋkà se laʼ, a sí‑iì dzə̀ jii, Gibeon wùn à Kefira, à Beerot, à Kiriat‑Jearim.

Remrí 20:11

A ŋkàlaʼ rə̀n mvə̀ʼ shúu kày və́, e yòŋ jí see nyaáŋ e vèn, bo vèn sí sor wir dzə̀m woo fó, aá wáa dzə akwàn vén, a tuŋ akwiiròn fo vèn.

Nsùyrì Nyùy 78:12

Wù‑uù yii viŋgaʼnìn ve vinyò, aàtàr véví yéné. Wù‑uù yii e nsay Tsoan, e wòŋ woo Ejiv.