Joshua 9:19 - ŊWÀʼ NYÙY

¹⁹ Vilìmbìy vidzə̀m vi bìnèr jii, «Vèr kì lìʼ ne e Nyùy Tàr woo Nyùy woó Isray yir, a bó yòʼ dzə̀ lèn vèr kfə̀n kùm áwune.

Joshua 9:19 Referans Kwoze

Ŋgaà Tàrvìnyò 8:2

M tír wò jii, «Kú a yu sáʼ fòne, bìʼ fo à yiin kilìʼ ji à wíy a yunín wun.

Jeremia 4:2

Wìr lóo kàʼ kinyo, lóo kàn yír yém, mo woo Nyùy Tàr, wù kù a suúy a dzə̀ suuyrú, a yiì vinyo vee réŋ, là kiloʼ. Á bèy, é vitúm vidzə̀m vi nèn a wìy, a yen mo, é m wáa səə̀vì áwune, aáwune nèn a tuy shwín ji m dzə̀ á wóov.»

Ŋgaà Tàrvìnyò 9:2

a kimaysì ké kifa kidzə̀m ki kù dzə̀ kpú. Kpúu kù li wír wo wù yú Nyùy, li wo wù méŋ wun. Yí li wír wo juŋ, li wo bi, li wír woo là *kifàn, li ŋgaà kifàn, li wír wo wù cu Nyùy, li wo wù yòʼ cu. Kinyo ke kí kooy wír wo juŋ ki kù dzə̀ ke kí kooy ŋgaà yiì ye bií. Ke kí kooy wír wo wù kaʼ Nyùy e cu yee jeéyí kù dzə̀ ke kí kooy wír wo wù yòʼ kaʼà.

Joshua 9:20

Bó yòʼ dzə̀ vèr kfə̀n yùyrí áwune. Áwune lo e gòʼ atin fo lòné shóv ver ji vèr yàʼáy a kilìʼ ke vèr‑iì yiìn vèr áwune.

Joshua 9:18

Yii bèy, la wír veé Israyi yòʼ yùyrí wír vee fó, bìʼ fo vilìmbìy ve wìr veé Isray vi‑iì yiìn ne kilìʼ wùn áwune e yírNyùy Tǎr woo Nyùy wìr veé Isray. Màŋgòŋ nèn a ghvə̀vrì vilìmbìy.