Joshua 8:8 - ŊWÀʼ NYÙY

⁸ vèn sumè, vèn nèn tòn. Vèn ku yiì réŋréŋ mo Nyùy Tàr yòŋèn e vèn, e jùmrì kinyo ke m suuyin e vèn kí.»

Joshua 8:8 Referans Kwoze

2 Samuel 13:28

e tìr və́ vé lìme jii, «Amnon yií nó meluʼ, mè lóo kar e si wo, m yoŋ ji vèn wàá yúyrí, lá vèn yòʼ a fàn. Vèn kùr shilív, e yùyrí kàŋ mòʼón, bìʼ fo suuyin mo.»

Joshua 1:16

Áwune bìnèr e Joshua jii, «Vèr yíi a yiì kinyo kidzə̀m ke à yòŋèn e vèr, a dù e kirə̀ʼ kidzə̀m ke à túm ver shó.

Joshua 1:9

Kí m lo yòŋ e wò ji à kúr tím, e wày ŋàŋ. Lá à yòʼ a fàn, lá à yòʼ weèy. Nyùy Tàr woo Nyùy won dzə̀ vèn wun kirə́ʼ ke à du sho kidzə̀m.»

Atǎr Nsaʼ 4:6

Wáa dzə e kishiíy kímóʼ kí, Debora tsə́nsí ntum, á jàŋ Barak woo wan Abinoam, a wù‑uù dzə̀ é ntèʼ yee Kedesh, ye yì‑iì dzəə̀n ntèʼ é nsay rám Navtali. Wù wìy, wù suúy shó jii, «Nyùy Tàr woo Nyùy wìr veé Isray suuy jii, ‹Dùu, e bàʼtí vé rərí é Gwan Tabor. Ku nə̀ə́ e rám Navtali, e nə̀ə́ e yé Sebulune, e lì wír fo fo nsə̀kì e ghvə̀m, e dù sho fo.

Joshua 8:28

Á mo Joshua wùn à wír vəə́‑əə̀ tònèn Ay bèy, fóo nèn kù gòʼ e vifə̀m e shem lán.

Joshua 6:24

Á nèn tòn ŋkàlaʼ, yì shwí. Kifá kidzə̀m ke kí‑iì dzəə̀n shó ki bvə́ʼə́m, ku jòʼsì kisha ke mbàm ke fəvír kí wùn à ke baar kí, à vikáŋ vee brons vi, e lì kisha kee kiy, ve vé‑eè liìn, e lèm e kitàv ké Nyùy Tàr.

Remrí 20:16

«Yii bèy, ké ŋkà se laʼ se wìr ve Nyùy Tàr woo Nyùy won fó ji vitsə́ʼ vén, vèn wíy laàr kifá kidzə̀m ke kí ŋeʼè fo fo, kìn dzə̀ wír, kìn nyám.

Joshua 8:2

À yíi lovtí e fòn woó Ay wùn à wír vəə́ réŋréŋ mo wò‑oò lovtin e fòn woó Jeriko wùn à və́ vee wíri. Yii bèy, à yíi lì lèn kéŋ yév wùn à nyám sév sí ji nshwì wó. À yíi baʼtí wír ámóʼó, aá laáy laayín é bǎm ŋkàlaʼ.»

Joshua 8:7

é vèn nèn fəə̀ fó kirə̀ʼ ké kilaáy, e sùm ŋkàlaʼ yev. Nyùy Tàr woo Nyùy wòsən yií way e vèsə́n kiwo,

Joshua 8:9

Joshua nèn tsə̀nsí áwune fó mbìy, á dù e kirə̀ʼ ké kilaáy, a shìy fo, a kirə́ʼ kin ki dzə̀ é ntìntìn Ay wùn Betel, a kí kiʼ mbìv Ay, yee fo shùy yii nəə. Joshua nèn shìíy kfə́ a dzə̀ é kibeèy.

Joshua 8:22

Vé rər ve vé‑eè tònèn ŋkàlaʼa nèn fəə̀ sá e wír veé Ayí bàm, wír veé Ayi nèn a dzə fo kintìntìn, bìʼ fo wír veé Israyi‑iì siìn mbìv sidzə̀m. Wír veé Israyi yúyrí áwune adzə̀m, la wìr yòʼ lèʼ, la wìr yòʼ gòʼ e tin.

Joshua 8:13

Mo á màysìn, e lèm vé rərí, shúu rər wo kuʼùné ku nèn a dzə kuy fo Ay, wo terií wáa dzə e mbìv Ay yee fo shùy yii nəə. Joshua nèn dù, e shìíy kfə́, a dzə̀ é kiwoóy.