Joshua 8:33 - ŊWÀʼ NYÙY

³³ Wíri nèn sìysì wún, e tìím mbìv sibaà, a kìʼnìn, a leéy ŋkùv mensàŋ Nyùy Tàr wùn aàtàá cù ve vé‑eè béʼée, áwune vee rám Levi. Aá kù tíy fo adzə̀m ji vilìmbìy wùn à ntom se saʼ si, à wír ve á tínen nsaʼa, à wìr dzə̀m, à vé nsayi, à viŋgwìy vee áwuné mvəm ví. Kintoʼnìn ke wìr ki tiím, e bìn ndzə̀m e Gwan Gerisim, kímóʼ kí bín ndzə̀m e Gwan Ebal réŋréŋ mo Mooser woo ŋgaà lìm Nyùy Tàr‑iì tavin ne, e sùúy ji á mo á wíy yiì, e bóo səə̀vì wír veé Isray.

Joshua 8:33 Referans Kwoze

Remrí 11:29

Nyùy Tàr wíy li ven, du sho e nsay ye vèn wíy yòv, vèn wàa fuŋ kisəəvì é Gwan Gerisim, a saarí lòn fó Gwan Ebal.

Remrí 31:12

A vèn kù wíy a banén wir dzə̀m, vilum wùn à vikìy, à wóné, à viŋgwìy ve ví wíy a dzə e věn ŋkà se laʼ vi, aá fiʼ yù adzə̀m, e yèʼéy mo dzə̀ á wàa ghvəm Nyùy Tàr woo Nyùy won, a ŋeèvì nsər se sí dzəə̀n é ŋwàʼ fèn sidzə̀m, a lèm.

Remrí 31:9

Mooser‑iì sàŋ yéʼéy Nyùy rə̀n wùn à nsər si é ŋwàʼ, e wày áàtàá cù wùn à vilìmbìy veé Isray ví kiwo. Kù‑uù dzə̀ atàá cù, áwune vee rám Levi, a dzə̀ áwune ve vé‑eè béʼ ŋkùv mensàŋ Nyùy Tàr.

Joshua 24:1

Joshua kùm rám seé Isray, sí báʼtí é Shekem. Mo á wìyìn, wù jàŋrì ŋgày sé wìr wùn à vilìmbìy vi, à vé saʼa, à wír veé vitu ve ntaʼa ji á kóʼtí, a tiy e ŋkùv mensàŋ Nyùy Tǎr mbìy.

Joshua 4:18

Atàá cù ve vé‑eè béʼ ŋkùv mensàŋ Nyùy Tàrí nèn a fəə fo ntìntìn ndzə̀v. Kù mo á láʼ kiwuú fó kwaʼ, ndzə́ví kfə́n é bàm, a leŋ réŋréŋ mo yí‑iì léŋé, a kuŋ virə́ʼ.

Joshua 3:3

e yòŋ e wíri jii, «Vèn yií yén wír veé ram Levi ve dzəə̀n atàá cù, aá sí béʼ ŋkùv mensàŋ Nyùy Tàr woo Nyùy won, vèn nèn shòʼóy vibàn vén, e lò fo bàm.

Remrí 31:25

Wù màysì bèy, e yòŋ aàtàá cùu, áwune vee rám Levi ve á yii béʼ ŋkùv mensàŋ Nyùy Tàr, e sùúy jii,

Kintaŋ 15:29

Kù dzə̀ nsər yee shó e mòʼón fo wìr wo wù jayin kinyo là kiíy, kìn dzə̀ wir Isray, kìn dzə̀ kiŋgwìy ke kí dzə́ wùn áwune.

Kintaŋ 15:16

Nsər kù dzə̀ e mòʼón, à fo vèn, à viŋgwìy ve ví dzə́ e věn mvəm ví. A sáʼ Nyùyi kù dzə̀ sá réŋréŋ bey.»

Ŋwàʼ Fəə 12:49

Nsər kù dzə̀ e mòʼón, aá sayrì wir dzə̀m sho, kìn dzə̀ wan nsay, kìn dzə̀ kiŋgwìy ke kí dzə́ vèn áwune.»

Joshua 23:2

Wù nèn bàʼtí wír veé Isray adzə̀m, aá dzə̀ jii, vilìmbìy wùn aàtǎr saʼa, à wír ve á tínen nsaʼ si, à wír ve á tóm áwuneé. Wù lò, e yòŋ áwune, a suúy jii, «M dzə̀n ne, viyá vém ví dúnén.

Joshua 6:6

Joshua woo wan Nun və̀n nèn jàŋrì atàá cù, e sùúy aáwune jii, «Vèn li ŋkùv mensàŋ Nyùy Tàr, áàtàá cù vee saàmbàa wáa ker sóŋ see loŋ kiyaʼ, a dù sho fo mbìy.»

Joshua 4:10

Wíri kù‑uù gitì, túm ndzə́v, aàtàá cù ve vé‑eè béʼ ŋkùv mensàŋe kù tíy e kintìntìn ke ndzəv, e meé mo kinyo ke Nyùy Tàr‑iì yòŋèn e Joshua ji wíri yii kí‑iì màyìn. Kinyo kìn kidzə̀m ki kù‑uù kòóy réŋréŋ mo Mooser‑iì tiisin e Joshua fo ŋgùʼ.

Joshua 3:14

Kí nen kù a dzə bèy, wír veé Israyi báʼ vibàn vév, a dù ji á túm Jordan, atàá cù ve vé‑eè béʼ ŋkùv mensàŋe wáa dù aáwuné mbìy.

Cù 24:22

Nsər rə̀n kù dzə̀ yìwun, a yì kiŋ wir dzə̀m, à wìr woó Isray, à kiŋgwìy ki, bìʼ fo m dzəə̀n Nyùy Tàr woo Nyùy won.»

Joshua 3:6

Joshua yiì lò, e yòŋ aàtàá cùu ji á beʼey á ŋkùv mensàŋ, a dù a sho e wírí mbìy. Áwune ku nèn yiì mo wù yòŋèn.

Joon 4:20

Atàr vérí‑iì rə́si bunrì Nyùy a dzə̀ é gwan fèn, yiì ka, bo ven vee wír veé Judàa wáa suúy kén ji kirə́ʼ ke dzə̀ á wàa bùnrì Nyùy sho ki kù mày Jerusalem?»

Kintaŋ 15:15

Nsər kù wíy a dzə e mòʼón ye wìr dzə̀m jumrì mo ŋgwàʼ sén sí wíy a dzə, kìn dzə̀ wan nsay, kìn dzə̀ kiŋgwìy ke kí dzə́ vèn áwune. Kiŋgwìy wùn à wàn nsay kù dzə̀ réŋréŋ e Nyùy Tǎr si.