Joshua 8:18 - ŊWÀʼ NYÙY

¹⁸ Nyùy Tàr yòŋ Joshua, e sùúy jii, «Nàn kòŋ ye à kér e wò kiwoo, a ròm Ay sho, bìʼ fo m yíi way ŋkàlaʼ yee shoon e wò kiwo. Joshua ku nèn nàn kòŋ rə́, a ròm Ay sho.»

Joshua 8:18 Referans Kwoze

Joshua 8:26

Bó Joshua yòʼ‑oò lo sə̀yír kiwó ke wù‑uù nànèn kòŋ shó, e meé mo vé‑eè màysìn wir dzə̀m woó Ay, e laàr.

Ŋwàʼ Jov 15:25

Vinyo vìn vi kooy wun bìʼ ŋkùm ye wù kamen, e taàmé Nyùy sho, taáme, din ji wun tàv, e shaà Nyùy woo Ŋgaà Vitaàví Vidzə̀m.

Ŋwàʼ Jov 39:23

Ŋkòʼ mvə̀n ye ŋgaà koʼ bárí lo, yì wàa shuʼ fo bàm, kǒŋ rərí wàa bàvkìr, à yé njàʼa shó.

1 Samuel 17:45

Davir suúy jii, «À wiy, taáme mo e nyùy wùn à e kòŋé, à shiwán shé kòŋ shí, a m taáme kém wò a dzə̀ é yír Nyùy Tàr woo Taà Mànjòŋ, Nyùy vé rər veé Isray wo à tàʼàn ntéŋ.

1 Samuel 17:41

Goliat nèn a wìy fo Davir‑iì tíyí, a ŋgaà ŋkeè Goliat du e wun mbìy.

1 Samuel 17:6

Vé‑eè fèr kifá ke wù wáa sùm shwín sí shó e kisha kee brons ki, e kù fèr sa nyùy rə̀r ye wù‑uù baarin e wun ndzə̀m e kisha kee brons ki.

Joshua 8:7

é vèn nèn fəə̀ fó kirə̀ʼ ké kilaáy, e sùm ŋkàlaʼ yev. Nyùy Tàr woo Nyùy wòsən yií way e vèsə́n kiwo,

Ŋwàʼ Fəə 14:16

Nàn kiwó ké ki, e ràmsì mbàŋ e kitu ke rìbà ndzə̀v, é wù javsin, é wír veé Israyi fiʼ nə̀ə́, e tòsín e nsay ye yumér.

Ŋwàʼ Fəə 8:5

Nyùy Tàr nèn sùúy e Mooser ji wù yoŋ, é Aaron ramsi á mbàŋ rə é kitu ke ndzəv ye leŋéné wùn à ye liiné, à visə̀m ví, e yiì, é vishàm vi fəə́, e sə̀ woŋ Ejiv.

Joshua 8:17

La lùmèn yòʼ gòʼ e Ay kìn é Betel fóo fəə e wír veé Israyí bàm. Á ku nèn màʼtì ŋkàlaʼ e rə́, a jùm a dzə̀ wír veé Isray.

Joshua 8:19

Kù mo Joshua nànèn bey, shúu rə́r bàmé wo wú kì laayin və́yi ku nèn lò kàŋ mòʼón, e gìtì fəə̀kír fo kirə̀ʼ ké kilaáy, e sheèmé e ŋkàlaʼ, e sùm, e kù nèn wàyrí və́y shó.

Esiker 30:25

Rúrú, m yíi way vitaáví e fòn woó Babilon koy, e yiì, é sé Farao si seem. M wáy nyùy yem rə̀r e fòn woó Babilon kiwo, wù lóo nəə́ nsay Ejiv sho e rə́r sí, é wìr dzə̀m nèn kìíy ji m dzə̀ á Nyùy Tàr.

Ŋwàʼ Fəə 8:1

Nyùy Tàr nèn sùúy e Mooser jii, «Dù yèn Farao, e sùúy sho ji mo woo Nyùy Tàr suuy a jii, ‹Màʼtì wír vémé, aá du, e fíʼ cù mo.